Paano nagho-host si François
Nagho-host si François sa Paris para magkaroon ng dagdag na kita
Ano ang motibasyon mo sa pagsisimulang mag-host?
Kailangan kong dagdagan ang kinikita ko para patuloy akong makapanirahan sa sentro ng Paris. Kakatapos ko lang na makipagdiborsyo at mahirap tustusan ang mga gastusin kung suweldo ko lang ang aasahan ko.
Paano ka naghahanda para masigurong magiging maganda ang karanasan ng mga bisita sa kanilang pagdating?
Una, pinapadalhan ko sila ng listahan ng mga paborito kong lugar (mga tindahan, parke, pamilihan, atbp.), pagkatapos ay pag-uusapan namin ang biyahe nila. Pagdating nila, may makikita silang mga gabay at mapa ng Paris, pati na rin makakain at maiinom. Palagi akong nag-iiwan sa mesa ng mga specialty sa France at sariwang prutas o gulay para sa kanila.
May mga pinagkaiba ba ang ideya mo sa pagho-host at ang aktwal na karanasan mo sa pagho-host?
Hindi ito komplikado. Palaging natutuwa ang mga bisita ko na makarating sa sentro ng lungsod. Pare-pareho kaming nasisiyahan.
Mayroon ka bang anumang tip o payo para sa isang taong nag-iisip na mag-host?
Huwag kang ma-stress. Nananatiling maganda ang kondisyon ng apartment ko pagkatapos ng pamamalagi ng bawat bisita.
Ano ang pinakagusto mo sa pagiging host?
Nakakakilala ako ng mga bagong tao, naibabahagi ko ang kasiyahan ng paninirahan sa Paris, at nasasanay ko ang aking Ingles!
Ano ang pinakanakakagulat na naranasan mo bilang host ng Airbnb?
Talagang nakikilala at nakakasundo mo ang mga bisita. Narito ako para batiin sila at makipag-usap sa kanila bago ang, at sa panahon ng kanilang pamamalagi. Kailan lang, may tagadekorasyon na nag-book sa apartment ko. Binigyan niya ako ng ilang tip at nag-uusap pa rin kami hanggang ngayon, kadalasan ay nagpapalitan ng mga ideya, kahit na sa Finland siya nakatira. Sinunod ko ang payo niya at pininturahan ko ng bago ang dingding sa apartment ko.