Superhost:Pagkilala sa pinakamahusay sa pagho-host
Kinikilala at ginagantimpalaan ng programang Superhost ang mga nangunguna at pinakabihasang host ng Airbnb.
Suriin ang progreso moMga kagandahan ng pagiging Superhost
Bilang Superhost, mas mapapansin ka at makakatanggap ka ng nakalaang suporta at eksklusibong reward. Pasasalamat namin ito para sa natatanging hospitalidad mo.
Espesyal na pagkilala
Mas lalo kang mamumukod‑tangi kapag nagkaroon ka ng badge ng Superhost. Posibleng dumami pa ang booking mo dahil dito.
Priyoridad na suporta
Bilang Superhost, makakatanggap ka ng priyoridad na tulong kapag nakipag-ugnayan ka sa Airbnb Support.
Mga eksklusibong reward
Kada apat na quarter na maging Superhost ka, makakakuha ka ng USD100 na kupon para sa Airbnb at karagdagang 20% bukod pa sa karaniwang bonus sa referral ng host.
Paano maging Superhost
Kada tatlong buwan, sinusuri namin kung natutugunan mo ang sumusunod na pamantayan para sa nakaraang taon. Kung oo, magiging o mananatili kang Superhost.
10+ pamamalagi
Mag-host ng kahit 10 pamamalagi sa isang taon o 100 gabi sa tatlo o higit pang natapos na pamamalagi. Makakampante ang mga bisita na nakikituloy sila sa bihasang host.
<1% rate sa pagkansela
Magkansela nang wala pa sa 1% ng mga pagkakataon, maliban sa mga malubhang nakakaudlot na pangyayari. Ibig sabihin, walang kinansela ang mga host na nakakuha ng mas kaunti sa 100 reserbasyon sa isang taon. Napapanatag ang isip ng mga bisita kapag bihira kang magkansela.
4.8 na kabuuang rating
Magpanatili ng 4.8+ na average na pangkalahatang rating batay sa review ng bisita sa nakalipas na taon. Tiyak ang natatanging hospitalidad mula sa mga host na gaya mo.
90% rate sa pagtugon
Tumugon sa 90% ng mga bagong mensahe, at tanggapin o tanggihan ang mga kahilingan sa pagpapareserba, sa loob ng 24 na oras. Sa ganoong paraan, malalaman ng mga bisita na mabilis kang sumagot sa mga bagong tanong.
Sagot sa mga tanong mo
Sino ang kwalipikadong maging Superhost?
Para masuri kung kwalipikadong maging Superhost, dapat na may-ari ng isa o higit pang listing ng tuluyan ang host. Hindi kasama sa pagsusuring ito ang mga co-host, host ng experience, at host ng serbisyo.Gayunpaman, kung may-ari din ng listing ng ibang tuluyan ang co-host, host ng experience, o host ng serbisyo, puwede siyang masuri para sa pagiging Superhost batay sa performance nito. Hindi makakaapekto sa pagiging kwalipikado bilang Superhost ang performance ng anumang listing kung saan siya co‑host o ang performance ng anumang listing ng experience o serbisyo niya.
Kailangan ko bang mag‑apply?
Kung nakakatugon ka sa mga rekisito ng programa pagsapit ng petsa ng assessment, awtomatiko kang magiging Superhost nang hindi kailangang mag‑apply.Aabisuhan ka namin tungkol sa katayuan mo sa katapusan ng bawat panahon ng assessment. Posibleng abutin nang hanggang 1 linggo bago lumabas sa listing mo ang badge ng Superhost.Matuto pa tungkol sa pagiging Superhost.
Kailangan bang isang taon mahigit na akong nagho‑host para maging Superhost?
Walang minimum na panahon ng pagho‑host para maging Superhost. Hangga't nakakatugon ka sa lahat ng pamantayan pagsapit ng panahon ng assessment (na isinasagawa kada tatlong buwan), puwede kang maging Superhost.Sa tuwing susuriin namin kung nakakatugon ka sa mga pamantayan para maging Superhost, babalikan namin ang performance mo sa pagho‑host sa nakalipas na taon. Mababasa sa Help Center ang kabuuan ng Mga Tuntunin at Kondisyon ng Programang Superhost.
Maaapektuhan ba ng mga emergency na pagkansela ang katayuan ko bilang Superhost?
Kung kailangan mong magkansela ng reserbasyon dahil sa malubhang nakakaudlot na pangyayari o iba pang wastong dahilan, hindi ka namin sisingilin ng anumang bayarin at hindi makakaapekto ang pagkansela sa pagiging kwalipikado mong maging Superhost. Sa ilang sitwasyon, hindi namin ipapataw ang iba pang posibleng ipataw.Alamin ang patakaran sa mga malubhang nakakaudlot na pangyayari ng Airbnb.
