Paano magsimula ng negosyo sa Airbnb

Hindi kailangang may karanasan ka sa pagpapatakbo ng negosyo para maging matagumpay na host sa Airbnb. Gaya na lang nina Bryan at Catherine na mga Superhost sa Columbus, Ohio, pareho silang walang karanasan sa pagpapatakbo ng maliit na negosyo o sa hospitalidad bago sila nagsimula sa Airbnb sa pamamagitan ng pagli‑list ng hindi ginagamit na kuwarto.

“Pagkalipas ng walong taon, nagho‑host na kami ng apat na magkakaibang property at may inihahanda kaming bed and breakfast,” sabi ni Bryan.

Kung iniisip mong tumanggap ng mga bisita sa iyong tuluyan o iba pang patuluyan at gusto mong malaman kung paano magsimula ng negosyong pagho‑host sa Airbnb, nasa tamang lugar ka. Narito ang ilang simpleng hakbang para matulungan kang magsimula, kasama na ang paraan para malaman mo kung magkano ang puwede mong kitain at kung ano ang kailangan sa araw‑araw.

Una, suriin ang iba pang patuluyan sa Airbnb at ang mga bed and breakfast sa iyong lugar na katulad ng patuluyan mo. Subukang alamin kung ano ang iniaalok sa mga iyon—at kung ano maibibigay mo na hindi pa inaalok.

Isipin ang mga bisitang maaaring mag‑book sa patuluyan mo. Marami bang pumupuntang business traveler o pamilyang nagbabakasyon sa iyong lugar? Mayroon bang mga lokal na pasyalan, tulad ng mga pambansang parke o makasaysayang lugar? Posibleng makatulong ang impormasyong ito upang makapagdesisyon ka tungkol sa disenyo, mga amenidad, at tagal ng pamamalagi na gusto mong ialok.

Kapag alam mo na ang naaangkop para sa merkado, matutulungan ka naming tantiyahin ang puwede mong kitain. Sa pagtatakda ng target na kita, mainam ding isaalang‑alang ang iyong mga gastos at diskarte sa pagpepresyo:

Ilista ang iyong mga gastos
Para magkaroon ng ideya sa puwede mong kitain, tantiyahin ang mga gastos mo sa pagsisimula—para sa mga bagay na tulad ng dekorasyon, wifi, at iba pang pangunahing kailangan upang maihanda ang iyong patuluyan para sa mga booking—pati na rin ang mga patuloy o paulit‑ulit na gastos, tulad ng mga linen, gamit sa banyo, serbisyo sa paglilinis, o pagbabayad ng mortgage. Tiyaking isaad din ang mga gastos sa pagmementena, tulad ng mga kinakailangang pagkukumpuni o taunang pag‑iinspeksyon ng tsiminea.

Magtakda ng diskarte sa pagpepresyo
Kapag nagtatakda ng iyong diskarte sa pagpepresyo, alamin kung magkano ang sinisingil ng ibang patuluyan sa malapit buong taon at ihambing ang itinakda mong paunang presyo. Magagawa mong sabayan ang demand sa pamamagitan ng pag‑update sa nakatakdang presyo ayon sa panahon, para sa mga katapusan ng linggo, at kapag may malalaking event.

Tandaang maliban sa nakatakdang presyo kada gabi, nagbabayad ang mga bisita ng bayarin sa serbisyo at anumang karagdagang bayarin na isasama mo. Habang parami nang parami ang mga review na may five‑star na natatanggap mo, matataasan mo ang itinakda mong presyo—kaya huwag matakot na magsimula sa mas mababang halaga.

Pag‑isipang gumamit ng Smart Pricing
Para gawing awtomatiko ang pagpepresyo, puwede mong i‑on ang Smart Pricing. Isinasaalang‑alang ng tool na Smart Pricing ang mahigit sa 70 salik, kabilang ang panahon at demand—at makakapagtakda ka ng minimum na presyo kada gabi para hindi bumaba sa halagang iyon ang presyo.

May iba't ibang paraan para mag‑host sa Airbnb, at may mga host na nakakapaglaan ng mas maraming oras sa pagho‑host kumpara sa iba. Alamin kung ano ang malamang na maging availability mo at ang mga tool at serbisyo na puwedeng maging kapaki‑pakinabang para sa iyo.

Noong nagsimulang mag‑host sina Bryan at Catherine, sinabi ni Bryan na sila ang gumawa ng lahat—paglalaba man o pagmementena. Kinalaunan, nagpasya silang magbayad para sa ilan sa mga serbisyong iyon.

Puwede mo ring i‑automate ang ilang aspeto ng iyong negosyo gamit ang mga tool na tulad ng mga nakaiskedyul na mensahe, mga mabilisang tugon, at Madaliang Pag‑Book.

Ikaw ang bahala kung kailan at gaano kadalas ka magho‑host sa Airbnb. Gamit ang mga setting ng kalendaryo at pag‑book, magagawa mong isaad ang iyong availability, magtakda ng minimum at maximum na tagal ng pamamalagi, at higit pa.

Nakasalalay ang pagtatagumpay mo bilang host sa kakayahan mong bigyan ang mga bisita ng di‑malilimutang karanasan.

Pagpasyahan kung sinong mga bisita ang gusto mong mahikayat na mamalagi sa iyong patuluyan. Halimbawa, mga taong may mga alagang hayop, mga magkarelasyon, mga pamilya, o mga nagtatrabaho nang malayuan—at magbigay ng mga amenidad na angkop sa kanilang mga pangangailangan. Pag‑isipan ang mga detalye para mamukod‑tangi ang iyong listing at maiparamdam sa mga bisita na espesyal sila, tulad ng magiliw na pambungad na mensahe o mga souvenir.

“Ipinaguhit namin sa isang lokal na artist ang labas ng mga bahay namin, saka kami gumawa ng mga munting postcard na magagamit o maipapadala pauwi ng aming mga bisita,” sabi ni Catherine.

Ganap na libre ang pagli‑list ng iyong patuluyan sa Airbnb, at magbabayad ka lang ng bayarin sa serbisyo kapag nakumpirma ang reserbasyon. Nilalayon naming pasimplehin at padaliin ang prosesong ito: Sundin lang ang madadaling hakbang na ito.

Tandaang palaging may taong babagayan ang bawat patuluyan. Tiyaking nakasaad sa mga detalye at litrato ng iyong listing ang totoong maaasahan sa iyong patuluyan.

Nagsisikap ang Airbnb na suportahan ang mga host sa bawat hakbang para makapag‑host ka nang may kumpiyansa.

• Nagbibigay ang AirCover para sa mga Host ng kumpletong proteksyon na palaging kasama at palaging libre, sa Airbnb lang.
• Para makipag‑ugnayan sa iba pang host, pumunta sa Community Center o sumali sa lokal na Host Club.
• Puwede ka ring Magtanong sa Superhost kung may mga tanong ka o kung kailangan mo ng tulong sa pagsisimula.
• May higit pang tip sa pagho‑host sa Resource Center.
• Available nang 24/7 ang aming nakatalagang team ng customer support.