Paano maging host sa Airbnb
Mga Katangi-tanging Feature
Ihanda ang iyong patuluyan at gumawa ng nakakaengganyong listing
Kontrolin kung kailan at paano ka magho-host
Kung iniisip mong mag-host pero hindi ka sigurado kung paano makahikayat ng mga bisita o gumawa ng magandang karanasan para sa bisita, hindi mo kailangang harapin ito nang mag-isa. Masaya at nakakatuwang paraan ang pagho-host sa Airbnb para makakilala ng mga bagong tao at madagdagan ang kinikita, at karaniwan lang na magkaroon ng maraming tanong sa simula.
Narito ang kailangan mong gawin para makapagsimulang mag-host.
1. Suriin kung angkop ang iyong patuluyan
Maliit o kakaiba man ang patuluyan, puwede iyang i-list sa Airbnb! May bisita para sa bawat patuluyan—kailangan mo lang magtakda ng mga malinaw na inaasahan sa pamamagitan ng tapat at tumpak na paglalarawan sa mga feature ng iyong patuluyan, mula sa makikitid na pintuan hanggang sa mga simpleng hagdan.
Mahalaga ring alamin kung anong mga batas at buwis ang nalalapat sa mga panandaliang matutuluyan sa iyong lugar bago ka magsimulang mag-host. Hindi ka mabibigyan ng Airbnb ng legal na patnubay o payo sa pagbubuwis, pero matutulungan ka naming maghanap ng impormasyon tungkol sa mga regulasyon sa pagho-host.2. Ihanda ang iyong patuluyan para sa mga bisita
“May teorya ako na kadalasang sumasalamin ang mga bisita mo sa pagkatao mo,” sabi ni Jake, Superhost mula sa Big Bear, California. “Lumalabas ang personalidad mo sa iyong patuluyan at nakakahikayat iyon ng mga taong may mga katulad na paraan ng pamumuhay at kagustuhan.”
Mayroon ka bang koleksyon ng iba't ibang vintage na poster ng pelikula? O kaya, mga astig na libro ng kasaysayan ng sining? Ipagmalaki ang mga ito! Puwedeng makatulong ang pagsasama ng mga personal na detalye para mamukod-tangi ang iyong listing.
Habang inaayos mo ang iyong patuluyan, tandaang alisin ang mga kalat at subukang magbigay ng mga pangunahing amenidad, gaya ng toilet paper, sabon, at mga tuwalya, para makatulong na magkaroon ng magandang karanasan ang iyong mga bisita. Puwede ring maramdaman ng mga bisita na espesyal sila kapag naglagay ka ng mga dagdag na detalye, tulad ng bote ng lokal na wine o kahon ng mga tsokolate.3. I-list ang iyong patuluyan
Ganap na libre ang pagli-list ng iyong patuluyan. Naniningil lang ang Airbnb ng bayarin sa serbisyo kapag nakumpirma ang reserbasyon. Karaniwang nagkakahalaga ang bayaring ito ng 3% ng subtotal ng booking, at nakakatulong ito sa aming masagot ang mga gastusin sa pagpapatakbo ng Airbnb, gaya ng 24/7 na customer support, mga proteksyon para sa host, at higit pa.
Sinisikap naming pasimplehin ang pagli-list ng iyong patuluyan—magagawa mong i-set up ang iyong listing sa 10 madaling hakbang. Palagi kaming handang tumulong kung mayroon kang mga tanong, at maraming paraan para makipag-ugnayan sa iba pang host.
“Sa ilang merkado, maiuugnay ka sa Superhost Ambassador na tulad ko,” sabi ni Magaly, Superhost mula sa East Wenatchee, Washington. “Narito kami para tumulong na padaliin hangga't maaari ang prosesong ito para sa iyo.”
Habang nagdaragdag ka ng mga detalye sa iyong listing, pagtuunan ng pansin ang iyong mga litrato dahil ang mga ito ang kadalasang unang napapansin ng mga bisita bago mag-book. Kumukuha ang ilang host ng mga propesyonal na photographer, at ginagamit naman ng iba ang kanilang mga smartphone para kumuha ng magagandang litrato na talagang itinatampok ang mga detalye at mood ng kanilang patuluyan.4. Magpasya kung paano ka magho-host
Palagi kang may ganap na kontrol kung kailan at paano ka magho-host sa Airbnb. Gamit ang aming kalendaryo at mga setting sa pagbu-book, puwede mong mano-manong i-block ang mga araw kung kailan hindi available ang iyong patuluyan, pumili ng mga partikular na oras ng pag-check in at pag-check out, magtakda ng minimum o maximum na bilang ng gabi na puwedeng mamalagi ang mga bisita, at higit pa.
“Nagpasya kami sa simula pa lang na magtakda ng tatlong araw na minimum sa pag-book,” sabi ni Lucy, host mula sa East Sussex, England. “Ibig sabihin, mas madalang ang pagpapalit-palit ng mga bisita namin, pero binigyan ako nito ng panahon para maibigay ang lahat ng dagdag na detalye sa pagho-host na talagang ikinakatuwa ko.”
Puwede mo ring gamitin ang mga alituntunin sa tuluyan para magtakda ng mga inaasahan para sa mga bisita at linawin kung ano ang pinapahintulutan—at hindi pinapahintulutan—sa iyong patuluyan.5. Magtakda ng presyo at mabayaran
Ikaw ang bahalang magtakda kung magkano ang sisingilin mo sa Airbnb. Sa pagtatakda ng iyong diskarte sa pagpepresyo, isaalang-alang ang sinisingil ng iba sa iyong lugar, ang mga amenidad na iniaalok mo, at ang bahagi ng taon. Makakatulong ito sa iyo na makahanap ng presyong angkop para sa iyo at sa iyong mga bisita.
Pinapadali ng Airbnb ang pag-set up ng iyong paraan ng payout sa seksyong Mga pagbabayad at payout ng iyong account. Kasama sa mga paraan ng payout ang mga bank transfer o direct deposit, mga Payoneer debit card, PayPal, at Western Union, bukod sa iba pa, depende kung nasaan ka.Saan makakahanap ng suporta at mga sanggunian
Mahalagang tandaan na hindi ka nag-iisa sa pagho-host mo. Sinusuportahan ng Airbnb ang mga host sa maraming paraan, kabilang ang:
Sino ka man o anuman ang uri ng patuluyan mo, may lugar para sa iyo sa komunidad ng Airbnb. “Ang maganda sa Airbnb, mayroon tayong lahat na maihahandog na kakaiba,” sabi ni Magaly. “Good luck at maligayang pagho-host!”
Hindi mga empleyado ng Airbnb at hindi nagtatrabaho ayon sa direksyon ng Airbnb ang mga host na itinatampok sa artikulo at video na ito. Bilang Mga Host Creator, nakipagtulungan sila sa Airbnb para ibahagi ang kanilang mga saloobin at gawin ang video na ito. Totoo, kanila mismo, at hindi mga opisyal na pahayag ng Airbnb ang anumang opinyon, kuwento, o pahayag na testimonya.
Mga Katangi-tanging Feature
Ihanda ang iyong patuluyan at gumawa ng nakakaengganyong listing
Kontrolin kung kailan at paano ka magho-host