I-explore ang dashboard ng co-host

Kapag sumali ka na sa platform para sa mga serbisyo ng bihasang co-host at gumawa ka na ng profile mo, puwede ka nang makipag-ugnayan sa mga host na nangangailangan ng tulong mo. Mahahanap ka ng mga host na nasa malapit kapag inilagay nila ang address ng listing nila sa landing page ng bihasang co‑host. Kapag nagpadala sila sa iyo ng kahilingan, lalabas sila sa dashboard mo.

May dalawang tab sa dashboard mo:

• Ang tab ng mga setting kung saan mo maa-update ang profile mo

• Ang tab ng mga kahilingan kung saan mo masusubaybayan ang mga potensyal na host na posibleng interesadong makipagtulungan sa iyo

Puwede mo ring masubaybayan sa tab ng mga kahilingan ang mga organic referral mo. Tumutukoy ang mga ito sa mga host na nakaugnayan mo sa labas ng platform para sa mga serbsiyo ng bihasang co-host. Kapag nagdagdag ka ng ganitong host sa profile mo, masusubaybayan mo ang progreso niya sa dashboard mo.

Isang mahalagang katangian ng pagho-host sa Airbnb na nakakatanggap ng rating na may five star ang mabilis na pagtugon sa mga bisita. Bilang bihasang co‑host, mahalaga rin ito sa pangangasiwa mo sa mga kahilingan ng mga host. Kapag mabilis kang sumagot, maipaparating mong isa kang partner na mabilis tumugon.

Kapag nakatanggap ka ng kahilingan, lalabas sa tab ng mga kahilingan mo ang pangalan, address, numero ng telepono, email address, petsa ng kahilingan, at katayuan ng potensyal na host. Kasama sa mga opsyon sa katayuan ang:

• Bago: Nagtanong ang host kung gusto mong makipagtulungan sa kanya

• Pinproseso: Pinag-uusapan ninyo ng host ang potensyal na pagtutulungan ninyo

• Nawala: Nagpasya ang host na hindi makipagtulungan sa iyo

• Tinanggihan: Nagpasya kang hindi makipagtulungan sa host

• Nakuha: Nagkasundo kayong magtulungan ng host

Kapag pinadalhan ka ng host ng imbitasyong maging co‑host, matatanggap mo ito sa inbox mo sa Airbnb. Puwede mong tanggapin o tanggihan ang imbitasyon niya. Kung tatanggapin mo ito, awtomatikong maa‑update sa Nakuha ang status sa dashboard mo. Kung tatanggi ka, maa‑update ito sa Tinanggihan.

Kapag may kausap ka nang host, puwede kayong mag-usap tungkol sa potensyal na pagtutulungan ninyo at maibabahagi mo kung bakit ka naaangkop na mangasiwa ng patuluyan niya.

“Nagbibigay kami sa potensyal na host ng buod ng mga proseso—paglilinis, pagho-host, at pagmementena,” sabi nina Clarysse at Arthur na mga bihasang co-host sa Paris. “Nagbabahagi kami ng listing na pinapangasiwaan namin sa site ng Airbnb para maunawaan ng host ang ginagawa namin at masabik siya sa magiging pagtutulungan namin.”

Kung co-host ka na ng ibang host, magandang pag-isipang hilingin na maging reference sila. Madalas gamitin ang diskarteng ito nina Sandra at Jimmy na mga bihasang co-host sa Combs-la-Ville sa France.

“Sapat na ang detalyadong pagpapaliwanag sa serbisyo natin at pagsasaad sa mga listing na pinapangasiwaan natin, pero walang katulad na makatanggap ng katiyakan mula sa isa sa mga kasalukuyang kliyente natin,” sabi ni Jimmy. “Lalo nitong napapalaki ang posibilidad na tangkilikin tayo.”

Ayon kay Sabrina na isang bihasang co-host sa Denver sa Colorado, napakahalagang siguraduhing “naaangkop sa host” ang mga serbisyo niya. Sabi niya, kapag nakikipagkita siya sa bagong host, “ginagawa kong pamilyar ang sarili ko sa property niya, inaalam ko kung gaano katagal siya handang mag-host at ang inaasahan niyang kikitain niya, o tinutulungan ko siyang maunawaan ang potensyal.”

Sumasang-ayon si Jimmy na isang bihasang co-host sa Palm Springs sa California. “Sobrang mapili ako dahil talagang mahalaga para sa 'kin ang lapit at kalidad,” sabi niya. “Pinakamahalaga rin ang relasyon sa mga may-ari.”

Posibleng nagbago ang impormasyong nakasaad sa artikulong ito mula noong na‑publish ito.