Palawakin ang network mo ng mga host
Kapag malakas ang presensya mo sa lokalidad, mas madali kang makakatuklas ng mga host na nangangailangan ng tulong mo. Sa pamamagitan ng online at personal na marketing, puwedeng malaman ng mga host ang availability mo at maipapaalam sa iba ang mga serbisyong inaalok mo bilang co‑host.
Paghahanap ng mga host na gustong masuportahan
Bagama't puwede kang mahanap anumang oras ng mga host gamit ang landing page ng bihasang co-host, mainam na makipag-network sa mga host na nasa komunidad mo. May mga matagumpay na co-host na gumawa ng page sa LinkedIn, Instagram, o Facebook para sa mga serbisyo nila bilang co‑host.
Subukang humanap ng mga oportunidad para makadalo sa mga personal na networking event kung saan maaari kang makakilala ng mga host na naghahanap ng mga co‑host sa area mo.
Ayon kay Jimmy na isang bihasang co-host sa Palm Springs sa California, nakahanap na siya ng mga host “sa pamamagitan lang ng pakikipag-usap ko sa ibang nasa area ko rin.” Baka makatuklas ka ng host kung kailan mo hindi inaasahan: nakahanap kamakailan si Jimmy ng dalawang bagong property dahil sa tagalinis ng pool niya.
May katulad na karanasan din si Dominic na isang bihasang co-host sa Cornwall sa England. “Ang organic lang,” sabi niya. “At nakakayanan ko 'yong bilis.”
Kapag nakapagpakilala ka na, makakahanap ka ng mga paraan para maging bukod-tangi. Puwedeng kasama rito ang paggawa ng mga bagay na gaya ng:
Newsletter o blog para patuloy na ma-update ang mga host
Welcome kit para sa mga bisita
Mga iniangkop na serbisyo para sa mga host o bisita
Gabay para sa mga diskuwento sa lokalidad
Pagpapadala ng mga referral
Kung makahanap ka ng host sa labas ng platform para sa mga serbisyo ng bihasang co-host, puwede mo siyang imbitahang makipagtulungan sa iyo sa pamamagitan ng pagpapadala ng referral link mula sa dashboard mo sa platform ng bihasang co-host. Hindi mo man kailangang magdagdag ng bagong host sa tab ng mga kahilingan mo, mainam na paraan ito para manatili kang organisado.
Posibleng nagbago ang impormasyong nakasaad sa artikulong ito mula noong na‑publish ito.