Pangasiwaan ang profile mo

Magbahagi pa tungkol sa sarili mo para makilala ka nang mas mabuti ng komunidad ng Airbnb. Sa pamamagitan ng paglalagay ng impormasyon sa profile, makakabuo ng ugnayan ang mga host at bisita habang nagkakaroon ng tiwala ang mga gumagamit ng platform. Maaaring itampok sa iba't ibang bahagi ng platform ng Airbnb para masuri ng mga host at bisita ang mga detalye tungkol sa iyo na pipiliin mong ibahagi.

Ang impormasyong nakasaad sa profile mo

Bilang default, may mahalagang impormasyon ang profile mo bilang user na maaaring mag‑iba depende kung host, bisita, o pareho ka.

Bilang host, kasama sa impormasyong ito ang:

• Pangalan
• Taon kung kailan ka sumali sa Airbnb
• Bilang ng taon ng pagho‑host mo sa Airbnb
• Average na star rating
• Kung nakumpirma na ang impormasyon sa account mo, gaya ng iyong pagkakakilanlan o email
• Mga review mula sa mga bisita
• Mga review na ibinigay mo
• Kung miyembro ka ng Host Advisory Board
• Kung tagasuporta ka ng Airbnb.org
• Kung Superhost ka

Bilang bisita, kasama sa impormasyong ito ang:

• Pangalan
• Taon kung kailan ka sumali sa Airbnb
• Kung nakumpirma na ang impormasyon sa account mo, gaya ng iyong pagkakakilanlan o email
• Mga review mula sa mga host
• Mga review na ibinigay mo tungkol sa mga tuluyan at pamamalagi

Ang impormasyong opsyonal sa profile mo

Opsyonal ang impormasyong ilalagay mo sa iyong profile na hindi kasama sa mga nabanggit na sa itaas. Ibig sabihin, ikaw ang bahala kung ano at kung gaano karaming impormasyon ang ilalagay mo, gaya ng mga wikang sinasalita mo o mga interes o sports na isasaad mo. Hindi mo mae‑edit ang dekada ng kapanganakan mo o ang listahan ng mga nakaraang biyahe, pero puwede mong itago ang mga field na iyon para hindi lumabas ang mga iyon sa profile mo. Tandaang nakakatugon dapat sa mga pamantayang nakatakda sa aming patakaran sa content ang lahat ng impormasyong ilalagay mo sa iyong profile.

Kung host ka, isipin kung ano ang maipaparating sa bisita ng impormasyong ilalagay mo dahil maaari nitong maitakda ang mga inaasahan niya. Halimbawa, kung durugtungan mo ang “Naghahanda ako ng almusal na,” maaaring umasa ang bisita na maghahanda ka noon para sa kanya. Bukod pa rito, may mga lugar kung saan posibleng magkaroon ng mga implikasyon sa pagbubuwis at batas kapag nag‑alok ng mga karagdagang serbisyo.

At kahit na hinihikayat namin ang lahat ng user na maglagay ng litrato sa profile na inaatas naman naming gawin ng mga host, hindi lalabas ang mga litrato sa profile ng bisita hangga't hindi nakukumpirma ang reserbasyon.

Para i‑edit ang litrato sa profile mo

I-update ang mga setting ng iyong Profile para tukuyin kung mahahanap ito sa mga search engine (hal., Google)

I-on/i-off ang toggle para isama ang iyong Profile at Mga Listing sa mga search engine.

Iba pang lugar kung saan posibleng lumabas ang nakasaad na impormasyon sa profile mo

Masusuri ng iba pang miyembro ng komunidad ng Airbnb ang anumang impormasyong nakasaad sa profile mo bilang user. Maaari ding itampok ang impormasyon mo na mapapansin ng mga user sa iba't ibang bahagi ng Airbnb sa labas ng profile mo.

Para sa mga host ng mga kuwarto, kasama sa impormasyong ito ang:

• Preview ng profile sa mga resulta ng paghahanap: Maaari kaming maglagay ng preview ng profile mo bilang host sa mga resulta ng paghahanap kapag naghahanap ng Kuwarto sa Airbnb ang mga bisita.
• Pagtatampok ng trabaho sa mga resulta ng paghahanap: Posibleng lumabas sa mga resulta ng paghahanap kasama ng listing mo ang trabahong ilalagay mo sa iyong profile. Alamin kung paano i‑update ang field na ito.
• Page ng listing: Maaari din kaming maglagay ng preview ng profile mo sa page ng listing mo.

Para sa lahat ng host, kasama sa impormasyong ito ang:

• Page ng listing: Makakapunta sa profile mo ang mga user kapag nag‑tap sila sa iyong litrato sa profile sa page ng listing mo.

Para sa lahat ng bisita, kasama sa impormasyong ito ang:

• Kapag nagpadala ng kahilingan sa pagpapareserba: Kung magpapadala ka ng kahilingan sa pagpapareserba ng tuluyan, bibigyan ang host ng hindi kumpletong bersyon ng profile mo. Sa ganitong sitwasyon, habang hindi ka pa nakakapag‑book, itatago namin ang litrato sa profile mo pero lalabas pa rin ang pangalan at mga natanggap mong review. Maaari din kaming magbahagi ng iba pang detalye mula sa profile mo, gaya ng mga nakaraang biyahe, lokasyon kung saan ka nakabase, mga wika mo, at mga interes mo.
• Mga review sa page ng listing: Kung magbubukas ng listing ang potensyal na bisita, masusuri niya ang mga review para sa listing na iyon, kasama ang anumang review na ibinigay mo. Makakapunta ang mga bisita sa mismong profile mo mula sa anumang review na ibinigay mo.

Paano ginagamit ang personal na impormasyon mo?

Ginagamit namin ang impormasyon sa profile mo, gaya ng iba pang personal na impormasyon, sa paraang naaayon sa aming Patakaran sa Privacy. Para matuto pa, mag-click dito.