Pag-update sa mga listing mo sa Luxe

Magagamit ng mga host ng Luxe ang mga self-serve tool kaya mas madali para sa kanilang maglabas ng mga agaran at mas tumpak na update sa nilalaman ng listing. Puwede mong i‑update sa account mo ang katayuan at content ng listing mo anumang oras sa pamamagitan ng pagbisita sa mga listing mo. Available ang self‑serve feature na ito nang 24/7. Isa itong mabilis at madaling paraan para gumawa ng mga pagbabago nang hindi hinihintay na tumulong ang aming team.

Mahalagang panatilihing tumpak at napapanahon ang listing mo sa Airbnb sa lahat ng oras. Kasama rito ang impormasyon tulad ng pagpepresyo, availability, at anumang alituntunin o rekisito na naaangkop sa mga bisita o sa listing mo. Puwedeng humantong sa pagkakamali sa pagkakakilanlan, pagkadismaya ng bisita sa pamamalagi niya, at mga negatibong review ang hindi tumpak o hindi inihayag na impormasyon.

Kapag gumagawa ng malalaking pagbabago, tandaang maaaring maapektuhan ang mga nalalapit na pamamalagi ng bisita at kakailanganin mong tuparin ang mga orihinal na tuntunin ng reserbasyon. Hinihikayat ka naming aktibong makipag‑ugnayan sa iyong mga bisita at/o tagadisenyo ng biyahe sa lalong madaling panahon para ipaalam sa kanila ang tungkol sa mga pagbabago at anumang alternatibong puwede mong ialok.

Mga detalye ng listing

Sa tab na Mga detalye ng listing, mailalarawan mo ang property mo at maitatampok mo ang mahahalagang katangian nito. Sa seksyong ito, mako‑configure mo kung paano isasaad ang listing mo sa mapa at makakapagbigay ka ng mga detalye ng biyahe para sa mga bisita tulad ng mga tagubilin sa pag‑check in, mga iniaalok na serbisyo at amenidad, at anumang accessibility feature sa patuluyan. Para suriin ito o gumawa ng pagbabago, pumunta sa Mga Listing at piliin ang listing na gusto mong i‑edit.

Lokasyon

Pananda sa mapa

Mapipili mo kung paano ihahayag ang lokasyon ng listing mo sa mga potensyal na bisita sa pamamagitan ng pagpili sa isa sa mga opsyong ito:

• Pangkalahatang lokasyon: Ihahayag namin ang pangkalahatang lugar ng listing mo sa mga bisitang naghahanap ng lugar na matutuluyan, pero hindi ang eksaktong lokasyon nito. Malalaman ng mga bisita ang kapitbahayan ng listing mo at kung gaano ito kalapit sa mga landmark, mga hintuan ng sasakyan, at iba pang interesanteng lugar. Pagkatapos makumpirma ang kanilang reserbasyon, ihahayag namin sa kanila ang eksaktong lokasyon at address ng patuluyan mo.
• Eksaktong lokasyon: Ihahayag namin ang eksaktong lokasyon ng listing mo sa mga bisitang naghahanap ng lugar na matutuluyan. Ihahayag sa mga bisita ang tumpak na lokasyon ng listing mo sa pamamagitan ng maliit na pabilog na pin, pero hindi ang eksaktong kinaroroonan nito. Ihahayag pa rin namin ang eksaktong lokasyon at address ng patuluyan mo sa mga bisita na may nakumpirmang reserbasyon.
• Mga direksyon: Para matiyak na madaling mahahanap ng mga bisita mo ang property mo, inirerekomenda naming magsama ka ng mga detalyadong direksyon sa pagmamaneho papunta sa property mula sa pinakakaraniwang airport/port/istasyon ng tren.

Mapagkukunan ng Bisita

Mga tagubilin sa pag‑check in

Piliin ang naaangkop na paraan ng pag‑check in sa listing at maglagay ng anumang karagdagang detalye na maaaring kailangan ng mga bisita tulad ng code ng gate o keypad.

Kung sasalubungin ng kinatawan ang mga bisita sa pag-check-in, ilarawan kung paano tatakbo ang karaniwang tour para sa pagbati/oryentasyon. Mga halimbawa ng kaugnay na impormasyon na dapat isaalang‑alang ang:

• Kailan at saan sila babatiin?
• Anong impormasyon (hal.: na may kaugnayan sa mga amenidad) ang dapat tiyakin ng mga bisita na maibibigay sa kanila ng kinatawan?
• May kasama bang transfer?
• May tao bang dapat abisuhan ang mga bisita kapag paalis na sila sa paliparan?

Manwal ng tuluyan

Gumawa ng pinag‑isipang manwal ng tuluyan para maging komportable ang mga bisita mo. Gamitin ang seksyong ito para magbigay ng mga tagubilin sa pag‑check out at mga detalye sa pakikipag‑ugnayan ng kinatawan sa patuluyan.

Mga setting sa pag‑book

Hilinging i-book: Makakatanggap ka ng email mula sa automated@Airbnb.com na nagpapaalam sa iyo kapag may gumawa ng kahilingan sa pag‑book. May 24 na oras ka para tanggapin o tanggihan ang kahilingan sa pag-book bago ito mag-expire. Kapag nakatanggap ka ng kahilingan, iba-block ang mga kaukulang petsa sa kalendaryo mo para hindi ito maipareserba ng iba pang bisita hanggang sa tanggapin o tanggihan mo ang nakabinbing kahilingan.

Madaliang pag‑book: Nagbibigay‑daan ito sa mga bisita na mas mabilis na makapag‑book. Nagbibigay ito sa kanila ng kakayahang i‑book ang patuluyan mo nang hindi nakikipag‑ugnayan tungkol sa availability. Ikaw ang magtatakda ng mga alituntunin at rekisito sa simula pa lang. Alamin pa kung paano gamitin ang Madaliang Pag‑book.

Tandaan ang mga sumusunod kung naka‑off ang Madaliang Pag‑book:

• Posibleng mas kaunti ang matanggap mong booking: Itinatampok ang mga listing na may Madaliang Pag‑book sa mas mataas na puwesto sa mga resulta ng paghahanap at puwedeng mapansin ang mga ito ng mas maraming bisita.
• Kakailanganin mong suriin ang bawat kahilingan sa pag‑book: Hindi awtomatikong tatanggapin ang mga booking kapag naka‑off ang Madaliang Pag‑book.
• Kakailanganin mong tumugon sa bawat kahilingan sa loob ng 24 na oras: Makakaapekto sa posisyon mo sa mga resulta ng paghahanap kung masyadong matagal bago ka makatugon.

Mga alituntunin sa tuluyan

Puwede mong baguhin ang mga pangkalahatang alituntunin sa tuluyan na nalalapat sa bawat listing mo, kabilang ang pagiging angkop para sa mga bata, pahintulot na magdala ng mga alagang hayop, kung puwede o hindi puwedeng manigarilyo sa property, at pahintulot na magdaos ng mga event sa lugar. Tiyaking magtakda ng anumang karagdagang alituntunin na partikular sa iyong patuluyan.

Mga patakaran at alituntunin

Puwede mong i‑configure ang patakaran sa pagkansela ng listing mo at kung magagamit ang Madaliang Pag‑book dito o hindi. Kung gusto mong baguhin ang patakaran sa pagkansela mo, suriin ang Patakaran sa Pagkansela ng Host bago iyon. Tandaan na malalapat lang sa mga reserbasyon sa hinaharap ang bagong patakaran sa pagkansela.