Paano ilagay ang iyong lokasyon

Bago mag‑book ang mga bisita, puwede nilang tingnan kung gaano kalapit ang patuluyan mo sa mga lugar na pinaplano nilang puntahan.

Mapipili mo kung maglalagay ka ng tinataya o eksaktong lokasyon para sa patuluyan mo sa mapa na ipapakita sa mga resulta ng paghahanap at sa listing mo. Alinman ang piliin mo, hindi malalaman ng mga bisita ang address mo hangga’t hindi nakukumpirma ang reserbasyon nila.

1. Ilagay ang address ng kalye mo. Magsimulang mag‑type at piliin ang tamang address paglabas nito.

2. Kumpirmahin ang address mo. Ayusin ang mga detalye para maging tumpak, tulad ng paglalagay ng numero ng apartment o suite.

3. Siguraduhing nasa tamang puwesto ang pin. Kung nasa maling puwesto ang pin, i‑drag ang mapa hanggang tumapat ang pin sa tamang lokasyon.

4. Pumili ng mapa. Maglalagay sa listing mo ng mapang may tinatayang lokasyon ng patuluyan mo maliban na lang kung pipiliin mong ipakita ang eksaktong lokasyon.

• Sa mapa ng tinatayang lokasyon, magpapakita ng radius sa paligid ng patuluyan mo na humigit‑kumulang kalahating milya (wala pang isang kilometro) mula sa address ng kalye.
• Sa mapa ng eksaktong lokasyon, magpapakita ng pin na nakaturo sa pinakamalapit na panulukan nang hindi minamarkahan ang mismong lokasyon.

Suriing mabuti ang impormasyon at iwasto ang anumang mali bago magpatuloy sa susunod na hakbang. Kapag nakumpirma na ang una mong booking, hindi ka na makakagawa ng mga pagbabago nang hindi nakikipag‑ugnayan sa Airbnb Support.