Mga tagubilin para sa kalusugan at kaligtasan para sa pagho-host ng mga Karanasan sa mga muling binuksang rehiyon

Sa muling pagbubukas ng mundo at pagpapatuloy ng mga Karanasan pagkatapos ng mga pagsasarang dulot ng COVID-19, mahalaga para sa ating lahat ng tumulong na protektahan ang kalusugan at kaligtasan ng isa't isa. Dahil dito, gumawa kami ng mga tagubilin para sa kalusugan at kaligtasan kaugnay ng COVID-19 para sa mga host ng mga Karanasan sa Airbnb, batay sa patnubay mula sa mga eksperto tulad ng Pandaigdigang Organisasyon sa Kalusugan at U.S. Centers for Disease Control and Prevention.

• Magsuot ng mask at magsagawa ng pagdistansya sa kapwa kapag kinakailangan ng mga lokal na batas o tagubilin.
• Limitahan ang iyong Karanasan sa maximum na 10 kalahok, kabilang ang sinumang host o co-host.
• Sundin ang mga tagubilin sa paglilinis ng Airbnb sa paglilinis ng iyong tuluyan at anumang kagamitan sa panahon ng iyong Karanasan at sa pagitan ng bawat time slot ng Karanasan. Matuto pa.

Naglabas ang Airbnb ng mga tagubilin at programa para makatulong na tugunan ang mga alalahanin sa kalusugan at kaligtasan, ngunit hindi maaalis ng mga hakbang na ito ang lahat ng panganib. Inirerekomenda naming humingi ng payo sa propesyonal at magsagawa ng mga karagdagang pag-iingat kapag nagpapasya kang mag-host ng Karanasan sa Airbnb, lalo na kung kasama ka sa kategorya ng mga tao na mas nanganganib (hal.: mga taong mahigit 65 taong gulang o mga taong may mga matagal nang kondisyon sa kalusugan gaya ng diabetes o sakit sa puso)

Para matulungang protektahan ang kalusugan at kaligtasan ng ating komunidad, patakaran ng Airbnb na hindi dapat i-host o daluhan ng mga host (at co-host) ang anumang paparating na time slot ng Karanasan, at hindi dapat dumalo sa Karanasan ang mga bisita, kung totoo ang alinman sa mga sumusunod:

• Kasalukuyan kang may sakit o nagpositibo ka sa test para sa COVID-19 sa nakalipas na 14 na araw
• May hinala kang may sakit ka o nalantad at naghihintay ka ng resulta ng test para sa COVID-19
• Nakakaranas ka ng mga sintomas o nag-aalala kang posibleng nahawaan ka ng COVID-19
• Nagkaroon ka ng malapit at matagal na pakikisalamuha sa indibidwal na nakumpirma o pinaghihinalaang may COVID-19 sa nakalipas na 14 na araw

Para makasunod sa mga tagubilin para sa kalusugan at kaligtasan, maaaring kailanganin mong iakma ang iyong Karanasan at tuluyan.

Narito ang ilang bagay na dapat pag-isipan:

• Pisikal na pakikihalubilo: Baguhin ang iyong aktibidad para maiwasan ang pisikal na pakikihalubilo sa pagitan ng mga bisita at sa pagitan ng host at mga bisita.
• Kalinisan: Magbigay ng mga pagkakataon para makapaghugas ng kamay ang mga bisita sa panahon ng Karanasan, at magdala ng karagdagang hand sanitizer. I-sanitize ang mga kagamitan pagkagamit ng mga bisita (mga tool sa kusina, life vest, upuan, atbp.), sa mismong panahon ng Karanasan at sa pagitan ng mga time slot.
• Lokasyon:
  • Para sa mga Karanasan sa loob, mainam na limitahan sa mga kinakailangang lugar lang ang puwedeng puntahan ng mga bisita sa iyong tuluyan. Makakatulong ito para maiwasan ang hindi kinakailangang pagkakalantad para sa iyo at sa iyong mga bisita, at mabawasan ang mga kailangan mong linisin at i-sanitize pagkatapos.
  • Mainam na ilipat sa lugar na nasa labas ang iyong Karanasan, o palitan ang lokasyon ng pagkikita at mga bibisitahin ninyong venue para makaiwas sa matataong lugar. Pag-isipan ang mga opsyon sa transportasyon at kung paano maiiwasan ang mga panahong maraming bumibiyahe o pagkakadikit sa iyong mga bisita.
  • Kung plano mong bumisita sa mga pampublikong lugar (hal. mga monumento, parke, city center, atbp.), tiyaking alamin ang mga lokal na babala at rekomendasyon sa kalusugan ng publiko kapag nakatanggap ka ng mga booking at bago ka mag-host para matiyak na makakasunod ka. May mga kinakailangan na para makapasok sa ilang venue, at maaaring manghingi sila ng patunay ng pagpapabakuna. Bukod pa rito, inirerekomenda naming paglakad-lakarin ang mga bisita sa halip na hayaan silang nakatigil sa isang lugar.
• Pagkain at inumin:
  • Kung kakain o iinom ang mga tao sa iyong Karanasan, tiyaking didistansya sa kapwa ang mga kalahok habang kumakain o umiinom.
  • Kapag maaari, dapat kumain o uminom ang mga bisita sa labas o sa pamamagitan ng mga opsyong puwede nilang iuwi.
  • Iwasang mag-alok ng mga self-service na opsyon sa pagkain o inumin. Piliin ang mga serbisyong nagbibigay ng mga indibidwal na pinggan at hindi ang mga pampamilyang kainan at buffet.
  • Gumamit ng mga disposable na kagamitan sa pagkain kabilang ang mga kubyertos at pinggan. Kung hindi makakagamit ng mga disposable na kagamitan, tiyaking gagamit ng guwantes kapag hinahawakan ang lahat ng hindi disposable na kagamitan sa pagkain at huhugasan ang mga ito gamit ang panghugas ng pinggan at maligamgam na tubig, o sa dishwasher.
• Bentilasyon: Kapag nagho-host sa loob ng gusali, tiyaking gumagana nang maayos ang mga system ng bentilasyon at pabutihin ang pagdaloy ng hangin mula sa labas hangga't maaari sa pamamagitan ng pagbubukas ng mga bintana at pinto.

Sa pag-update mo ng page ng iyong Karanasan, tandaan ang aming Patakaran sa Content at ang Coronavirus. Maaari mong sabihing nagsasagawa ka ng mga dagdag na pag-iingat, pero hindi puwedeng sabihing “Walang COVID” ang iyong Karanasan o gumamit ng katulad na pananalita.

Nagbibigay rin kami ng mga tagubilin para sa mga bisitang makikilahok sa mga Karanasan. Hinihiling sa mga bisita na sundin ang mga lokal na batas at tagubilin, maghugas ng kamay, magdala ng hand sanitizer, magpanatili ng ligtas na pisikal na distansya sa iyo at sa ibang bisita, at magkansela at manatili sa bahay kung masama ang pakiramdam nila. Maaari mong hilingin sa isang bisita na umalis sa Karanasan kung ayaw niyang sumunod sa mga lokal na batas o tagubilin.

Suriin ang Patakaran sa Pag-refund sa Bisita sa paghahanda mong mag-host nang ipinapatupad ang aming mga tagubilin para sa kaligtasan. Tandaang maaaring makatanggap ang mga bisita ng mga refund alinsunod sa patakaran kapag hindi sinunod o ipinatupad ng mga host ang mga tagubilin para sa kaligtasan sa lahat ng bisita.

Kung kamakailan kang nagpositibo sa COVID-19 o nagsimulang makaramdam ng anumang sintomas ng COVID-19, mainam na ipaalam ito sa sinumang maaaring naapektuhan o nalantad, bukod pa sa mga kaukulang lokal na awtoridad.