Gumawa ng Karanasan na para sa inimbitahan lang para sa mga kapamilya at kaibigan

Bilang bagong host ng Karanasan, isa sa mga priyoridad na layunin mo ang makuha ang mga napakahalagang unang review na ito—na makakadagdag sa kredibilidad para maging kampante ang mga bisita na mag-book sa iyo. Pero paano mo naman makukuha ang mga ito?

Isang madaling paraan para magsimula: Isang soft opening o pagsubok ng iyong Karanasan na para sa inimbitahan lang. Makakatulong ang pagsubok para maging komportable ka sa platform ng Airbnb—at sa mga detalye ng iniaalok mong Karanasan.

Magandang pagkakataon ang booking na para sa inimbitahan lang para makapagbigay ng feedback tungkol sa Karanasan ang ligtas na grupo ng mga kaibigan at kapamilya mo. Puwede itong makatulong sa pagpapanatag ng anumang pagkabahala o stress na nararamdaman ng mga bagong host, at sa pag-aayos ng mga isyu sa lohistika o alalahanin sa mismong Karanasan.

Makakatulong din ang mga booking na ito para makakuha ng mga unang review ang iyong Karanasan, na nakakadagdag sa kredibilidad at nagpapakita sa mga potensyal na bisita na magandang i-book ang Karanasan mo.

Madali lang para sa mga host na gumawa at magbahagi sa kanilang mga kapamilya at kaibigan ng link sa kanilang Karanasan na para sa inimbitahan lang. Gamit ang link na para sa inimbitahan lang na nakatago sa publiko, hindi mo kailangang mag-alalang may magbu-book na hindi mo inimbitahan sa unang pagsubok ng iyong Karanasan.

Pumunta sa iyong Dashboard » Kalendaryo » Mag-iskedyul ng Karanasan » gawing Pribadong grupo (nakatago sa publiko) ang Uri ng booking. Kung gusto mong isaayos ang pagpepresyo o magtakda ng presyo para sa pribadong grupo, puwede mo ring gawin iyon dito.

Kapag nakaiskedyul na ang Karanasan, i-click ang partikular na time slot ng Karanasan sa iyong agenda » mag-scroll pababa sa Magbahagi ng Link » i-tap ang Kopyahin.

Kailangan mo na lang imbitahan ang mga potensyal na bisita. Dadalhin ng link ang iyong mga kaibigan at kapamilya sa partikular na listing ng iyong Karanasan na para sa inimbitahan lang.

Walang limitasyon sa bilang ng pagkakataong puwede kang magbahagi ng mga pribadong link sa mga booking na para sa inimbitahan lang—tandaang mayroon ka ng opsyong ito para sa mga espesyal na okasyon tulad ng mga kaarawan o kapag may kaibigang bibisita mula sa ibang lugar

Bagama't kapaki-pakinabang na gumawa ng Karanasan na para sa inimbitahan lang para makakuha ng mga review at mapalago ang iyong negosyo, may ilang mahalagang bagay na dapat tandaan:

• Hindi dapat obligahing magbigay ng review ang mga bisitang dadalo sa mga event na para sa mga inimbitahan lang.
• Kung magbibigay man ng review ang mga bisita, dapat nilang isaad ang kaugnayan nila sa iyo (kamag-anak mo man sila, kaibigan, atbp.) o banggitin na binigyan mo sila ng diskuwento para sa Karanasan (kung naaangkop). Maaaring kinakailangan din ang ganitong uri ng paghahayag ayon sa mga naaangkop na batas.
• Nakabatay dapat ang anumang review sa matapat, tunay, at personal na opinyon ng bisita tungkol sa Karanasan, at sumusunod dapat ito sa aming Patakaran sa Pagbibigay ng Review.

Pagiging malinaw ang layunin dito, at mainam para sa lahat ang magiging resulta: Masusubukan ng iyong mga kaibigan at kapamilya ang Karanasan mo sa grupong para sa inimbitahan lang (sa presyong may diskuwento, kung pipiliin mo), at mapapahusay mo ang iyong mga kasanayan para magawa mong pambihira ang iniaalok mo.

Matuto pa ng mga tip at trick para sa pagsubok ng iyong bagong Karanasan.