Airbnb 2022 Release para sa Tag-init: Update para sa mga Karanasan

Natatangi ang bawat pamamalagi at Karanasan sa Airbnb. Pero mahirap hanapin ang mga ito dahil sa tradisyonal na paghahanap para sa pagbibiyahe. Dahil kailangang maglagay ng mga tao ng partikular na lokasyon at mga petsa sa search box, tanging ang mga resulta lang na tumutugma sa na-type nila sa box ang nahahanap nila.

Bilang bahagi ng Airbnb 2022 Release para sa Tag-init, ipinakikilala namin ang ganap na bagong app at website na idinisenyong nakasentro sa Mga Kategorya sa Airbnb. Kapag nag-browse ang mga bisita sa Airbnb, may lalabas na mahigit 50 kategoryang ginugrupo ang mga listing sa mga tinipong koleksyong batay sa estilo, lokasyon, o lapit sa aktibidad sa pagbibiyahe ng mga ito.

Naghatid ng bagong disenyong website at app ang Airbnb para matulungan ang mga listing na madaling matuklasan ng mas maraming uri ng bisita nang mas maaga sa kanilang pagpaplano ng biyahe. Narito ang ilang sagot sa mga karaniwang tanong tungkol sa kung paano ito nakakaapekto sa mga host ng mga Karanasan.

Para sa mga bisitang gumagamit ng web browser, lumalabas na ngayon ang mga Karanasan at Mga Kategorya ng Mga Karanasan Online kapag nag-click sila sa search box para pumili ng mga petsa o destinasyon.

Makakahanap ng mga Karanasan ang mga bisitang gumagamit ng mobile app sa pamamagitan ng pag-tap sa pangunahing search box para pumili ng mga petsa o destinasyon.

Kapag nasa Airbnb.com ang mga bisita, puwede silang mag-click o mag-tap sa search bar para ilipat ang kanilang paghahanap mula sa Mga Tuluyan papunta sa mga Karanasan o Mga Karanasan Online.

Puwedeng mag-tap sa search bar ang mga bisitang gumagamit ng mobile app para lumipat mula sa Mga Tuluyan papunta sa mga Karanasan o Mga Karanasan Online. Hindi mahahanap ang Mga Karanasan Online sa bersyong iOS sa ngayon.

Kapag nag-book ng pamamalagi ang mga bisita, ipapaalam pa rin sa kanila ang mga Karanasan sa malapit sa pamamagitan ng seksyong Mga Biyahe ng parehong Airbnb.com at ng mobile app na puwede nilang i-browse.

Isang paraan para magabayan mo ang mga bisita sa iyong Karanasan ang paggamit ng madalas hanaping mga termino sa iyong listing. Halimbawa, puwedeng padaliin ng pagdaragdag ng mga keyword para sa paghahanap sa mga pamagat at paglalarawan ng iyong listing ang paghahanap sa iyong Karanasan. Maaaring gamitin ng mga bisita sa kanilang paghahanap ang mga terminong iyon.

Puwede mo ring i-promote ang iyong Karanasan sa social media. Narito ang ilang paraan para magamit mo ang social media para maipabatid sa marami ang iyong listing:

• Mag-post nang bukas sa publiko at nang regular para maabot ang pinakamaraming tao hangga't posible

• Magsama ng link sa iyong Karanasan, para madaling makapag-book ang mga bisita

• Hikayatin ang mga bisita na i-tag ka at ang #airbnbexperiences o # airbnbonlineexperiences—at, pagkatapos nilang gawin ito, tiyaking i-like, magkomento, at ibahagi ang kanilang content

Matuto pa tungkol sa Airbnb 2022 Release para sa Tag-init