Gawing sikat sa social media ang iyong tuluyan

Alamin kung paano makakatulong sa iyo ang presensya sa social media para makakuha ng mas maraming booking.
Ni Airbnb noong May 22, 2019
9 na minutong pagbabasa
Na-update noong May 14, 2021

Mga Katangi-tanging Feature

  • Pumili ng nakakatuwa at di-malilimutan na pangalan para sa iyong patuluyan

  • Mag-post ng magaganda at malilinaw na litrato para makuha ang pansin ng mga tao at mahikayat silang i-book ang iyong listing

  • Makipag-partner sa mga lokal na influencer para makapag-alok ng mga pamamalaging may diskuwento kapalit ng paggawa ng content

  • Maging online ambassador sa iyong lugar para magkaroon ng mga tagasubaybay

  • Matuto pa sa aming kumpletong gabay para mapahusay pa lalo ang iyong pagho-host

Maaaring maging nakakalito ang paggamit ng social media. Saan ka dapat magsimula? Paano ka makakagawa ng magandang content? Paano ito mauuwi sa pagkakaroon ng mas maraming booking? Ibinabahagi ni Tom Feldman ng Tye Haus sa Skykomish, Washington ang kanyang matagumpay (at makatao) na diskarte sa pangangalap ng tagasubaybay at pagsisigurong maging isang dapat na bisitahing lugar ang iyong patuluyan.

“Nagsimula ang aming kuwento sa pagho-host noong 2012 noong binili namin ang una naming A-frame, ang Tye Haus. Inayos at ini-list namin ito sa Airbnb. Pagkatapos ay gumawa kami ng Instagram account na naglalaman ng mga litrato ng aming patuluyan at magagandang tanawin sa lugar—mga hiking trail, lokal na pasyalan, at iba pang paborito naming puntahan. Hindi katagalan, nakipag-ugnayan sa amin ang sikat na photographer na si Alex Strohl para magtanong tungkol sa pakikipag-collaborate. Sa pamamagitan ng isang creative retreat, pinatuloy namin siya sa loob ng dalawang buwan kapalit ng mga litratong ibabahagi namin sa aming feed. Nagsimula kaming sumikat noong nag-umpisa kaming mag-post ng mga litratong kuha ni Alex. Ito ang una sa maraming collaboration at paligsahang isinagawa namin.

“Nangangasiwa na kami ngayon ng aking pamilya ng tatlong A-frame na cabin, at patuloy kaming nagho-host ng mga influencer mula sa iba't ibang panig ng mundo. Kapalit ng pagbabahagi ng ginagawa nilang content na may credit sa aming feed, binibigyan namin sila ng lugar para sa pag-explore, paglalakbay, at pagrerelaks. Isa na ito sa mga pangunahin naming diskarte sa marketing. Halos 100% na ang aming rate sa tagal ng pagpapatuloy mula sa 30%, at napupuno ang mga araw sa loob ng linggo pati na ang mga buwan kung kailan mababa ang demand. Mayroon na rin kaming halos 115K tagasubaybay online. Narito ang aming mga tip upang gawing kapansin-pansin ang iyong patuluyan sa social media.”

1. Pangalanan ang iyong patuluyan

“Maaaring mukhang maliit lang ang unang hakbang sa pag-market ng iyong patuluyan, pero mahalaga ito—at iyon ang pagbibigay ng pangalan sa iyong patuluyan. Mainam na umisip ng pangalang bukod-tangi, di-malilimutan, at nakakatuwa. Pagkatapos, puwede mong gawing brand ang iyong patuluyan at iparehistro ang iyong username sa Instagram.

“Narito ang ilang tanong para matulungan kang mag-isip ng pangalan:

  • Anong uri ng lugar ang patuluyan mo? Isa ba itong chalet o property sa tabing-dagat? Isa ba itong Tudor home o loft?
  • Mayroon ka bang tema? May partikular na estilo ba ang interior? Pirata ba ang tema nito (totoong may ganito!)?
  • Mayroon ba itong kinalaman sa iyong lokasyon, lungsod, o bayan? Puwede ba itong ilagay sa ilalim ng iyong pangalan?
  • Mayroon ba itong makabuluhang kasaysayan? Maaaring makuha sa nakaraan ang pinakaangkop na pangalan.

“Magsaliksik online at tingnan ang ibang listing, pati na rin kung anong mga pangalan ang available sa social media. Para sa amin, hinango namin ang pangalan ng una naming cabin sa isa sa mga kalapit na ilog, ang Tye River. Batay ang pagbabaybay ng ikalawang salita na Haus sa kalapit na bayang may Bavarian na tema na tinatawag na Leavenworth. Kaya ito naging Tye Haus.”

2. Magsimula sa magagandang litrato

“Kapag mayroon ka nang pangalan at handle sa social media, mainam na gumamit kaagad ng magagandang litrato. Huwag na huwag gumamit ng hindi magagandang litrato. Ang mga larawan sa iyong feed ang unang makikita ng mga tao—at dapat silang magkaroon ng inspirasyon! Ang mga ito ang makakahikayat ng mga magbu-book sa iyong listing. Ang iyong mga litrato ay dapat:

  • Hindi pabago-bago: Tiyaking hindi pabago-bago ang hitsura, at kaaya-aya ang dating.
  • Mataas na kalidad: Mag-post ng mga larawan at video na malinaw, maliwanag, at de-kalidad—iwasan ang mga litratong grainy o malabo.
  • Tumpak: Nakasaad dapat nang maayos sa content ang iyong property.

“Subukang isaad kung ano ang espesyal sa iyong patuluyan. Mga interior, katangian, o lokasyon ba ito? Alamin kung ano talaga ang interesante tungkol sa iyong property. Tandaang hindi mo lang basta ina-advertise ang iyong patuluyan, kundi ibinabahagi mo rin ang puwedeng maging karanasan ng mga tao kung bibisita sila: ang iyong lokasyon, mga tanawin, at mga aktibidad sa lugar. Kung hindi ka magaling kumuha ng mga litrato, pag-isipang kumuha ng propesyonal na photographer para makapagsimula.”

3. Makipag-partner sa mga creative

“Isa pang paraan para magkaroon ng magandang content para sa iyong feed ang pakikipag-collaborate sa mga influencer (hal., mga photographer, blogger, at videographer) at pag-aalok ng mga pamamalaging may diskuwento kapalit ng content. Inirerekomenda naming magsaliksik at makipag-ugnayan sa mga lokal na photographer, blogger, videographer, at content creator sa iyong lugar.

“Isa sa mga pangunahing nagdadala ng mga bisita sa aming page ang diskarteng ito. Kapag nagbahagi ang mga influencer ng kanilang mga post tungkol sa iyong patuluyan, makikita ang mga ito ng mga bagong user at matutuklasan nila ang iyong patuluyan.

“Kapag nakikipag-ugnayan sa mga influencer para gumawa ng kahilingan, mahalagang:

  • Maging propesyonal. Tiyaking handa ka at sapat ang iyong kaalaman bago makipag-ugnayan. Ipahayag ang mga naaangkop na tanong na makakatulong sa pagsulong ng partnership.
  • Maging malinaw. Puwedeng kasingsimple lang ito ng: ‘Gustong-gusto ko ang gawa mo. Kakasimula ko pa lang sa Airbnb. Interesado ka bang makipag-collaborate: isang pamamalagi kapalit ng mga larawan o artikulong may credit?’
  • Ilahad ang iyong mga inaasahan. Tiyaking nagkakasundo ang magkabilang partido para maging malinaw ang mga inaasahan ng isa't isa at ang matatanggap ninyo. Kasama dapat dito ang mga detalyeng gaya ng mga petsa ng paghahatid, mga karapatan sa larawan, pagta-tag, bilang ng mga larawan/video, at mga uri ng file, atbp.
  • Gawin itong mainam para sa lahat. Ituring itong isang collaboration at tiyaking makakabuti para sa magkabilang partido ang partnership.

Isa pang nauugnay na tip—tiyaking palagi kang may maiaalok. Kung bigla kang magkaroon ng mga available na petsa, samantalahin ang kawalan ng aktibidad at gamitin ito para sa marketing. Imbitahang mamalagi ang isang lokal na influencer para magamit mo ang panahon upang magkaroon ng karagdagang content para sa iyong feed.

4. Makahikayat ng mga tagasubaybay

Kapag mayroon ka nang presensya online at marami nang magandang larawan sa iyong feed, oras nang magpakilala. Magagawa ito sa maraming iba't ibang paraan:

  • Maging lokal na online ambassador sa iyong lugar. Hanapin ang grupo ng mga tao online na may kaugnayan sa iyo at tiyaking may presensya ka roon. Para sa Tye Haus, sinusubaybayan namin ang social media ng mga lokal na negosyo at mga tag ng mga kalapit na lokasyon. Halimbawa, fina-follow namin ang isang kalapit na ski resort, at sinasagot namin ang mga tanong ng ibang tao o nag-iiwan kami ng komento gaya ng “Sa susunod na bumisita kayo, puwede kayong mamalagi sa amin.”
  • Makipag-partner sa mga brand para mag-organisa ng mga paligsahan at giveaway. Mag-o-organisa rin kami ng mga paligsahan at promo para maparami ang aming mga follower. Mag-isip sa paraang hindi pangkaraniwan para makahanap ng mga partnership na angkop sa iyong “brand”. Nakipag-partner kami sa isang kompanya ng kumot, ng mga gamit sa higaan, at ng kubyertos para ma-promote namin ang isa't isa sa aming mga audience. Nakipag-ugnayan kami sa kanila at sinabi namin na, “Manghihikayat kami ng ilang influencer para itampok ang produkto ninyo. Interesado ba kayong makipag-partner sa amin? Puwede akong mag-alok ng libreng pamamalagi.” Magagandang pagkakataon din ang mga ito para magsimula ng email database.

5. Maging tapat

Karaniwang hindi nagugustuhan ng mga tao ang pag-promote sa sarili, online man ito o personal—kaya mahalagang maging natural sa lahat ng iyong pakikipag-ugnayan. Huwag basta-bastang mag-iwan ng mga komento na may pare-parehong mensahe sa post ng bawat influencer para lang mapansin ka, at huwag mo ring i-spam ang bawat account na makakaugnayan mo. May hangganan ang mga bagay-bagay, at matutukoy ng mga tao kapag masyado kang agresibo. Maging tapat sa sinasabi mo at mapapansin ka ng mga angkop na tao.

Personal kong iniiwasan ang paggamit ng sobrang maraming hashtag. Nagta-tag kami ng ilang nauugnay na feed sa litrato, at 5–10 hashtag kada post lang ang inilalagay namin. Gumagamit ang ilang tao ng napakaraming tag sa litrato at hashtag para matuklasan sila, pero mas gusto ko ang diskarteng mas simple at natural.

Tandaang matagal bago magkaroon ng maraming tagasubaybay at hindi ito makukuha nang biglaan. Hinihikayat kitang gamitin ang mga tip na ito at maging malikhain. Tiyak na lalaki ang iyong komunidad sa social media at tataas ang iyong rate sa tagal ng pagpapatuloy.

Maligayang pagho-host!
Tom

Mga Katangi-tanging Feature

  • Pumili ng nakakatuwa at di-malilimutan na pangalan para sa iyong patuluyan

  • Mag-post ng magaganda at malilinaw na litrato para makuha ang pansin ng mga tao at mahikayat silang i-book ang iyong listing

  • Makipag-partner sa mga lokal na influencer para makapag-alok ng mga pamamalaging may diskuwento kapalit ng paggawa ng content

  • Maging online ambassador sa iyong lugar para magkaroon ng mga tagasubaybay

  • Matuto pa sa aming kumpletong gabay para mapahusay pa lalo ang iyong pagho-host
Airbnb
May 22, 2019
Nakatulong ba ito?