Mag-navigate pasulong para ma-access ang mga iminumungkahing resulta

    Mga pangunahing kaalaman sa pagho-host sa Airbnb

    May bakanteng lugar ka bang maipapagamit sa iba? Kumita bilang host sa Airbnb. Narito ang detalye kung paano magsimula.
    Ni Airbnb noong Nob 20, 2019
    2 minutong pagbabasa
    Na-update noong Set 2, 2021

    Mga Katangi-tanging Feature

    • Iba't iba ang dahilan ng mga taong nagho-host sa Airbnb, may ibang gusto ng mapagkakakitaan, ang iba naman, nag-iipon para sa pagretiro

    • Itakda ang iyong rate, ang mga hino-host mong gabi, at kung paano ka mababayaran

    • Gumawa ng tapat na listing—at maglaan ng malinis na tuluyan na may mga pangunahing amenidad

    • Makipag-ugnayan kaagad nang malinaw sa mga bisita

    Ginagamit ng ilang host ang mga kita nila sa Airbnb para matustusan ang kanilang pagreretiro. Ang iba naman, ginagamit ito para pondohan ang mga kinahihiligan nilang proyekto. "Nakapag-aral ako nang tatlong taon sa paggawa ng mga tela sa Morley Art College," sabi ng host na si Tessa na taga-London. "Nagawa kong bumiyahe, at nakatulong sa akin ang pagho-host para makapagpagawa ng bagong kusina." Anuman ang pinagkakagastusan mo, magandang paraan ang pagho-host sa Airbnb para magkaroon ng dagdag pang kita. Alamin kung paano magsimula, mula sa paggawa ng iyong listing hanggang sa mabayaran ka.

    Puwede kang maging host

    Ano ang kinakailangan para maging host sa Airbnb? Una, kailangang mayroon kang lugar na maipapagamit sa mga biyahero. Kahit buong bahay man iyan, reserbang kuwarto, o komportableng sofa bed, posibleng may bisitang masisiyahan sa iyong tuluyan—ang mahalaga, gumawa ng listing sa Airbnb na tapat at tumpak na nagpapakita sa mga biyahero kung ano ang dapat asahan. At kailangang handa kang maging magiliw sa iyong mga baisita, ibig sabihin:

    1. Makipag-ugnayan kaagad nang malinaw
    2. Maglaan ng malinis na tuluyan na may pangunahing amenidad na kailangan para sa komportableng pamamalagi
    3. Pagandahin at gawing espesyal ang iyong tuluyan

    Ikaw ang bahala kung magkano ang sisingilin mo

    Kapag nag-host sa Airbnb, puwede mong i-advertise ang tuluyan mo sa mga biyahero nang walang kapalit—walang sisingilin sa pag-sign up o sa pagiging miyembro. At ikaw ang magtatakda ng sarili mong presyo kada gabi. Puwede kang magtakda ng mga iniangkop na presyo para sa iba't ibang panahon ng taon, katapusan ng linggo, at iba pang gabi kung saan gusto mong makontrol ang halagang sinisingil mo. Puwede ka ring magdagdag ng mga bayarin sa una pa lang para sa mga bagay tulad ng mga dagdag na bisita o paglilinis ng bahay*. Kung kailangan mo ng tulong sa pagtukoy kung magkano ang dapat na singil, may mga tool ang Airbnb na magtutugma ng mga itinakda mong presyo sa demand at magmumungkahi ng mga sulit na presyo para sa bawat gabi.

    Magsimulang makatanggap ng mga booking

    Kapag na-list mo na ang iyong lugar sa Airbnb, magsisimula ka nang makatanggap ng mga tanong at booking mula sa mga bisita. Sinisingil ng Airbnb ang bawat bisita bago ang kanilang pagdating para matiyak na palagi kang mababayaran sa tamang oras kapag nag-host ka. Hindi mo na kailangang direktang humawak ng pera.

    Mabayaran pagkatapos ng pag-check in

    Puwede mo ring piliin kung paano ka mababayaran, gamit ang mga pamamaraan tulad ng direktang deposito sa bangko o PayPal. Karaniwang ibinibigay ng Airbnb ang bayad sa iyo tinatayang 24 na oras pagkatapos ng naka-iskedyul na pagdating ng iyong bisita. Maaaring tumagal nang ilang araw bago makarating ang pera sa iyong account. Ang magiging payout mo ay ang itinakda mong presyo kada gabi na binawasan ng kaunting bayarin sa serbisyo. Hindi naniningil ang Airbnb ng anumang bayarin para sa pagpoproseso ng mga credit card, kaya naman madali para sa mga bisita na mag-book, kasingdali ng pagbabayad para sa mga host.

    *Hindi kasama ang mga host na nag-aalok ng mga matutuluyan sa mainland China. Matuto pa Posibleng nagbago ang impormasyong nakasaad sa artikulong ito mula noong na-publish ito.

    Mga Katangi-tanging Feature

    • Iba't iba ang dahilan ng mga taong nagho-host sa Airbnb, may ibang gusto ng mapagkakakitaan, ang iba naman, nag-iipon para sa pagretiro

    • Itakda ang iyong rate, ang mga hino-host mong gabi, at kung paano ka mababayaran

    • Gumawa ng tapat na listing—at maglaan ng malinis na tuluyan na may mga pangunahing amenidad

    • Makipag-ugnayan kaagad nang malinaw sa mga bisita

    Airbnb
    Nob 20, 2019
    Nakatulong ba ito?