Paano ka babayaran para sa pagho‑host

Sa Airbnb, madali mong matatanggap sa ilang hakbang lang ang mga pagbabayad na tinatawag naming mga payout.

Ikaw ang pipili kung paano mo gustong matanggap ang perang kinita mo sa pagho‑host. Nakadepende sa lokasyon mo ang mga opsyon. Mga paraan ng payout:

• Bank account
• Mabilisang Payout
• International wire
• Payoneer prepaid debit Mastercard
• PayPal
• Western Union

Para i‑set up ang mga payout, maglagay ng paraan ng payout sa seksyong Mga payout ng Mga pagbabayad sa mga setting ng account mo sa pagho‑host. Malalapat ang paraang pipiliin mo sa lahat ng susunod na payout hanggang baguhin mo ito.

Posibleng kailangan mong ibigay ang impormasyon mo bilang nagbabayad ng buwis para maipadala namin sa iyo ang mga naaangkop na dokumento sa pagbubuwis. Hindi ka ba sigurado kung naaangkop ito sa iyo? Matuto pa tungkol sa mga dokumento sa pagbubuwis mula sa Airbnb.

Habang bineberipika ang paraan ng payout mo, isasaad na nakabinbin ito. Puwedeng abutin nang hanggang 10 araw ang proseso ng pagberipika, maliban na lang kung pipiliin mo ang Mabilisang Payout na agarang nabeberipika.

Piliin ang anumang reserbasyon sa kalendaryo mo para malaman ang kita mo sa pamamalaging iyon. Mag‑scroll pababa sa mga detalye ng booking para sa detalyadong listahan kabilang ang:

• Itinakda mong presyo kada gabi para sa pamamalagi ng bisita
• Anumang opsyonal na bayaring sinisingil mo para sa paglilinis, mga alagang hayop, o dagdag na bisita
• Mga buwis sa panunuluyan
• Mga bayarin sa serbisyo ng Airbnb
• Payout ng co‑host kung may itinakda ka
• Kabuuang payout sa iyo

Sinasagot ng mga bayarin sa serbisyo ang gastos ng Airbnb sa mga produkto at serbisyo na nakakatulong sa iyong ipagamit ang tuluyan mo tulad ng 24/7 na customer support. Matuto pa tungkol sa mga bayarin sa serbisyo ng Airbnb.

Kung mas mababa sa inaasahan mo ang payout sa iyo, posibleng dahil iyon sa idinagdag mong diskuwento o sa pagkansela o pagbabago sa reserbasyon. Posible ring may mga nalalapat na bayarin sa transaksyon sa ilang partikular na paraan ng payout, pero marami ang magagamit nang walang dagdag na gastusin.

Karaniwang iniisyu ang kita sa pagho‑host sa loob ng isang araw ng negosyo pagkatapos ng pag‑check in. Sa ilang partikular na sitwasyon, iniisyu ang pera sa loob ng isang araw ng negosyo pagkatapos ng pag‑check out, kabilang kung:

• Hindi pa napatunayan ng bagong host ang listing
• Lumabag ang host sa mga tuntunin, patakaran, o pamantayan namin
• Naniniwala ang Airbnb na makatuwirang kailangang protektahan ang Airbnb, mga miyembro nito, o mga third party

Pumunta sa dashboard ng kita para malaman ang oras ng payout mo para sa reserbasyon. Nakadepende sa pinili mong paraan ng payout kung gaano katagal bago mo matanggap ang payout mo pagkatapos itong iisyu ng Airbnb.

Narito ang mga available na paraan ng payout at ang karaniwang tagal ng pagpapadala sa mga ito:

• Mabilisang payout: 30 minuto o mas mabilis
• Payoneer prepaid debit Mastercard: 24 na oras o mas mabilis pa
• PayPal: 1 araw ng negosyo
• Western Union: 1 araw ng negosyo (posibleng mag‑iba ayon sa bansa o rehiyon)
• Bank transfer: 3 hanggang 5 araw ng negosyo
• International wire: 3 hanggang 7 araw ng negosyo

Kapag nag‑host ka ng pamamalaging 28 gabi o mas matagal, ipapadala ng Airbnb ang payout mo nang hulugan kada buwan na magsisimula sa loob ng isang araw ng negosyo pagkatapos ng pag‑check in. Sa ilang sitwasyon, kabilang ang kapag hindi pa napapatunayan ng bagong host ang listing, iiisyu ang unang hulog 28 araw pagkatapos ng pag‑check in.

Matuto pa tungkol sa kung paano mababayaran. Puwede mong alamin ang katayuan ng mga payout mo sa dashboard ng kita anumang oras.