Paano pinoprotektahan ng Airbnb ang mga host

Protektado ka ng mga patakaran namin kapag ang platform ng Airbnb ang ginagamit mo para sa pakikipag‑ugnayan, pagbu‑book, at pagbabayad.

Nagbibigay ang AirCover para sa mga Host ng libreng kumpletong proteksyon sa tuwing magpapatuloy ka ng mga bisita. Kasama rito ang: 

• USD3 milyong proteksyon sa pinsala para sa host, kabilang ang pagsaklaw sa mahahalagang gamit, mga nakaparadang kotse, at mga bangka
• USD1 milyong insurance sa pananagutan para sa host
• Pagberipika sa pagkakakilanlan ng bisita
• Mga background check sa mga nagbu‑book na bisita kapag pinapahintulutan ng batas
• Pagmamay-aring pagsusuri sa reserbasyon para makatulong na mapaliit ang posibilidad na magkaroon ng mga nakakaistorbong party at pinsala sa property

Iniaatas ng Airbnb sa lahat ng bisita na sundin ang mga pangunahing alituntunin bago magpareserba. Dapat nilang: 

• Ituring ang patuluyan mo na parang sarili nilang tahanan. Dapat iwan ng mga bisita ang patuluyan mo na hindi na nangangailangan ng labis na paglilinis at dapat nilang sundin ang mga panuntunan kaugnay ng kalat at pinsala. 
• Sundin ang mga alituntunin sa tuluyan mo. Kasama rito ang pagsunod sa naaprubahang bilang ng bisita, oras ng pag-check in at pag-check  out, at mga oras na dapat tahimik na. 

Kung hindi susunod sa mga alituntuning ito ang mga bisita, puwede kang makipag‑ugnayan sa Airbnb Support at maglahad ng naranasan mo sa review. Puwedeng suspindehin o alisin sa Airbnb ang mga bisitang paulit‑ulit na lumalabag sa mga alituntunin sa tuluyan.

Puwedeng magpatupad ng mga alituntunin sa tuluyan bukod pa sa mga pangunahing alituntunin ng Airbnb para makatulong sa iyong magtakda ng mga dapat asahan ng mga bisita. Makakapili ka sa listahang ito ng mga alituntunin sa tuluyan kaugnay ng:

• Mga alagang hayop
• Mga event
• Paninigarilyo, vaping, at mga e‑cigarette
• Mga oras na dapat tahimik na
• Mga oras ng pag‑check in at pag‑check out
• Maximum na bilang ng bisita
• Commercial photography at pagkuha ng video

Puwede kang magsulat ng mga kahilingan na partikular sa patuluyan mo, hangga’t makatwiran ito at sumusunod sa mga patakaran ng Airbnb. Halimbawa, puwede mong hilingin sa mga bisita na patayin ang aircon bago sila mag‑check out.

Hinihiling sa mga bisita na gumawa ng kumpletong profile na may litrato at mga personal na detalye para makatulong na makilala mo sila. 

• Batay sa mga tunay na interaksyon ang mga review sa bisita. Makakapagbigay lang ng review ang mga host at bisita sa isa't isa kapag tapos na ang pamamalagi. 
• Magpasya kung paano mo gustong mag‑book ang mga bisita. Sa Madaliang Pag‑book, malilimitahan mo ang mga pagpapareserba sa mga bisitang nakatapos na ng kahit isang pamamalagi nang hindi nagkaproblema o nakatanggap ng mababang rating. Kung gusto mo, puwede mong suriin ang bawat kahilingan sa pagpapareserba bago mo ito tanggapin.
• Ikaw ang may kontrol. Puwede kang magkansela ng reserbasyon kung makatwiran mong pinapaniwalaang magkakaroon ng party, hangga’t sumusunod ka sa Patakaran sa Pagkansela ng Host namin. Kung may duda ka sa isang kahilingan sa pagpapareserba, puwede mo itong tanggihan, hangga’t sumusunod ka sa Patakaran Laban sa Diskriminasyon ng Airbnb.

Handang sumuporta sa iyo ang Airbnb anumang oras at araw sa mahigit 60 wika sa pamamagitan ng:

• Suporta sa telepono at mensahe. Tumawag sa amin kung may kagyat na isyu. Para sa mga hindi kagyat na isyu tulad ng pag‑update sa kalendaryo mo o pagbago sa itinakda mong presyo, padalhan kami ng mensahe.
• Linyang pangkaligtasan na madudulugan anumang oras. Kung maramdaman mo mang hindi ka ligtas, mabilis mong makakaugnayan ang mga dalubhasang ahente gamit ang Airbnb app.
• Nakatalagang suporta para sa Superhost. Awtomatikong maikokonekta ang mga Superhost sa ekspertong staff kapag nakipag‑ugnayan sila sa Airbnb.

Hindi saklaw ng proteksyon sa pinsala para sa host, insurance sa pananagutan para sa host, at insurance sa pananagutan para sa mga experience at serbisyo ng AirCover para sa mga Host ang mga host na nag‑aalok ng mga tuluyan o experience sa Japan, kung saan nalalapat ang insurance para sa host sa Japan at insurance sa experience sa Japan, o ang mga host na nag‑aalok ng mga matutuluyan sa pamamagitan ng Airbnb Travel LLC. Nakasaad sa USD ang lahat ng limitasyon sa pagsaklaw.

Third‑party ang nagbibigay ng insurance sa pananagutan para sa host at insurance sa pananagutan para sa mga experience at serbisyo. 

Kung host ka ng tuluyan, experience, o serbisyo sa UK, sineseguro ng Zurich Insurance Company Ltd. at isinasaayos at pinagpapasyahan ng Airbnb UK Services Limited ang mga polisa ng insurance sa pananagutan para sa host at insurance sa pananagutan para sa mga experience at serbisyo nang walang karagdagang babayaran ang mga host sa UK. Itinalagang kinatawan ang Airbnb UK Services Limited ng Aon UK Limited, na pinapahintulutan at pinapangasiwaan naman ng Financial Conduct Authority. Ang numero ng pagpaparehistro ng Aon sa FCA ay 310451. Makukumpirma mo ito kapag pumunta ka sa Financial Services Register o tumawag ka sa FCA sa 0800 111 6768. Pinapangasiwaan ng Financial Conduct Authority ang polisa ng insurance sa pananagutan para sa host at insurance sa pananagutan para sa mga experience at serbisyo na bahagi ng AirCover para sa mga Host. Hindi pinapangasiwaang produkto na isinasaayos ng Airbnb UK Services Limited, FPAFF609LC ang iba pang produkto at serbisyo.

Kung nagho-host ka ng mga tuluyan, experience, o serbisyo sa European Economic Area (EEA), sineseguro ng sangay sa Spain ng Zurich Insurance Europe AG ang mga polisa ng insurance sa pananagutan para sa host at insurance sa pananagutan para sa mga experience at serbisyo, at isinasaayos at pinagpapasyahan ito ng Airbnb Spain Insurance Agency S.L.U. (ASIASL) nang walang karagdagang babayaran para sa kapakanan ng mga host sa EEA. Isang hindi eksklusibong ahensya ng insurance ang ASIASL na pinapangasiwaan ng Directorate General for Insurance Pension and Funds (DGSFP) at nakarehistro sa Spain sa ilalim ng numerong AJ0364 sa Rehistro ng mga Distributor ng Insurance ng DGSFP. Puwede mong beripikahin ang pagpaparehistrong ito sa pamamagitan ng pagbisita sa Rehistro ng mga Distributor ng Insurance ng DGSFP, at puwede mong i-access ang kumpletong detalye ng ASIASL dito.

Hindi insurance at hindi nauugnay sa insurance sa pananagutan para sa host ang proteksyon sa pinsala para sa host. Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa proteksyon sa pinsala para sa host. Para sa mga host na hindi sa Japan nakatira o nagnenegosyo, nalalapat ang Mga Tuntunin ng Proteksyon sa Pinsala para sa Host na ito.

Posibleng nagbago na ang impormasyong nakasaad sa artikulong ito mula noong na‑publish ito.