Pagtatakda ng mga kapaki-pakinabang na alituntunin sa tuluyan

Itinatakda ng mga alituntunin sa tuluyan mo ang mga dapat asahan ng mga bisita at nagbibigay ang mga ito sa kanila ng ideya tungkol sa paraan ng pagho-host mo. Nakakatulong din ang mga alituntunin para makapagpasya ang mga bisita kung naaangkop sa kanila ang iyong patuluyan bago sila mag-book.

Makakapili ang mga host sa listahan ng mga karaniwang alituntunin sa tuluyan sa mga sumusunod na aspeto:

• Mga alagang hayop
• Mga Event
• Paninigarilyo, vaping, at mga e-cigarette
• Mga oras na dapat tahimik na
• Oras ng pag-check in at pag-check out
• Maximum na bilang ng bisita
• Commercial photography at filming

Kapansin-pansing itinatampok ang iyong mga alituntunin sa tuluyan sa apat na bahagi: sa page ng listing mo, sa screen habang binu-book ng mga bisita ang iyong patuluyan, at sa email na Mag-empake na na ipinapadala sa mga bisita, at sa Gabay sa Pagdating na matatanggap ng mga bisita bago ang kanilang biyahe.

Sa mga pangunahing alituntunin para sa mga bisita, puwedeng ipatupad ang anumang alituntuning pipiliin mo mula sa listahan ng mga karaniwang alituntunin sa tuluyan. Kung may malabag na alituntunin sa tuluyan ang bisita, ang una mong dapat gawin ay makipag-ugnayan sa bisita at subukang direktang resolbahin ang isyu. Kung hindi iyon mareresolba, makipag-ugnayan sa Suporta sa Komunidad para humingi ng tulong.

Kung mayroon kang mga espesyal na rekisito na hindi kasama sa listahan ng mga karaniwang alituntunin sa tuluyan, puwede mong ilagay ang mga iyon sa mga karagdagang alituntunin. Mainam kung maiiwasang bigyan ang mga bisita ng masyadong maraming alituntunin para hindi sila mabigla. Gayunpaman, puwede kang magdagdag ng anumang mahalagang bagay tungkol sa mga lokal na kaugalian o kaugnay ng kalusugan at kaligtasan. Narito ang ilang halimbawa mula sa mga host:

• “Hindi sementado ang daan sa amin at putik iyon kaya hinihiling namin na magtanggal ng sapatos dahil gumagamit ng carpet sa bahay,” sabi ni Juliette na miyembro ng Host Advisory Board sa Nairobi, Kenya.
• “Pakisara at paki-lock ang lahat ng bintana at pinto kapag umalis ka sa suite,” sabi nina Dave at Deb na mga host sa Edmonton, Canada.
• “Huwag mag-iwan ng anumang pagkain sa kuwarto,” sabi ni Momi na host sa Honolulu.

Naaayon dapat ang lahat ng karagdagang alituntunin sa mga patakaran at tuntunin ng Airbnb, kabilang ang aming mga tuntunin ng serbisyo at patakarang laban sa diskriminasyon.

Posibleng nagbago ang impormasyong nakasaad sa artikulong ito mula noong na-publish ito.