Mga lock ng kuwarto at banyo para sa listing ng Kuwarto mo

Inaasahan ng mga bisita na mala‑lock nila ang kuwarto at anumang banyong magagamit nila. Mahigpit naming inirerekomendang maglagay ka ng lock sa anumang kuwarto at banyong magagamit ng mga bisita.

Ina-update ang impormasyon ng lock para sa listing ng Kuwarto mo

Kung may lock na ang mga kuwarto at banyo sa patuluyan mo, siguraduhing i-update ang paglalarawan ng listing mo. Puwede mong i-update ang impormasyon sa lock para sa listing ng Kuwarto sa pamamagitan ng pagbubukas sa mga setting ng listing mo. Pagkatapos, i-navigate ang Mga Detalye ng listing, i-click ang seksyong Mga Kuwarto at Lugar, at piliin ang kuwarto kung saan mo gustong magdagdag ng impormasyon sa lock.

Mga uri ng lock na inirerekomenda

Mga lock ng kuwarto

Dapat na puwedeng ma-lock ng mga bisita ang pinto ng kuwarto mula sa loob (para sa kanilang privacy) at mula sa labas (para sa seguridad ng kanilang mga gamit). Inirerekomenda ang lock na may susi, na kapares ng panloob na trangka.

Mga lock ng banyo

Para sa mga banyo na magagamit ng mga bisita, dapat na puwedeng mai-lock o maitrangka ng mga bisita ang pinto ng banyo para sa privacy.

Mga dapat isaalang‑alang para sa mga susi at keypad

Anumang uri ng lock o trangka ang piliin mo, pag‑isipang sundin ang pinakamaiinam na kagawiang ito:

• Kung maraming Kuwarto sa isang listing na gumagamit ng mga keypad, hindi dapat magkaparehas ang mga code. Gayundin, kung maraming Kuwartong may mga lock sa labas na nabubuksan ng susi, hindi dapat magkaparehas ang lock at mga susi.
• Kung gumagamit ng (mga) digital na keypad, hindi dapat ilagay ang code sa listing kung saan maaari iyong mabasa ng iba. Gayundin, kung may mga duplicate na susi ng Kuwarto, dapat itago ang mga iyon sa ligtas na lokasyon. Hindi rin dapat iwan ang mga susi sa pinaghahatiang lugar o kung saan maaaring makuha ang mga iyon ng mga taong walang pahintulot.

Bago ka maglagay ng mga lock, siguraduhing alamin ang mga lokal na regulasyon at anupamang paghihigpit na posibleng nalalapat sa paglalagay ng mga lock sa patuluyan mo, gaya ng mga rekisito tungkol sa mga uri ng lock na puwede mong idagdag o mga pag‑aprubang maaaring kailanganin mo.