Ano ang itinuturing na kuwarto?

Mainam ang mga kuwarto para sa mga bisitang naghahanap ng kaunting privacy pero gusto pa ring makakilala ng ibang tao at makapamalagi sa lugar nang parang lokal. Sa kuwarto, may sariling kuwarto sa property ang mga bisita at makakagamit din sila ng mga pasilidad kung saan may iba silang maaaring makahati. Halimbawa, para makapunta ang bisita sa kuwarto niya, maaaring kailangan niyang dumaan sa mga indoor space na ginagamit din ng iba pang tao.

Ano ang kinakailangan para mahanap ng mga bisita ang listing mo bilang Kuwarto?

Para mahanap ng mga bisita ang listing mo bilang kuwarto sa Airbnb—gaya sa mga resulta ng paghahanap, sa kategoryang Mga Kuwarto, sa page ng listing mo, at sa iba pang paraan—kailangang matugunan ng listing ang mga sumusunod na rekisito:

• Kuwartong may pinto ang naka‑list na patuluyan, at nakalaan dapat iyon para lang sa bisita sa buong pamamalagi niya
• Magagamit ng bisita ang isa o higit pa sa mga sumusunod na common space: banyo, kusina, o sala
• Makikituloy ang mga bisita sa property mo kaya mahalagang makilala nila ang host nila. Dahil dito, kailangang tao na gumagamit ng sarili niyang pangalan ang host ng listing. Hindi pinapahintulutan ang pangalan ng negosyo, palayaw, at iba pang pangalan
• Posibleng maituring na pribadong kuwarto ang mga pribadong kuwarto sa mga gusali, condo, townhouse, at apartment na maraming unit kung natutugunan ng mga iyon ang mga nakasaad na rekisito

Ano‑anong listing ang hindi itinuturing na Kuwarto?

• Loft, kuwarto, o iba pang patuluyan na walang pintong naghihiwalay roon sa iba pang bahagi ng property
• Pinaghahatiang kuwarto kung saan maaaring may ibang makahati ang bisita sa tutulugan niyang kuwarto
• Tent, campervan, airstream, bus, kotse, o RV
• Hotel, boutique hotel, aparthotel, pension, hostel, coliving apartment, serviced apartment, guesthouse, nature lodge, wellness resort, o resort
• May posibilidad na ituring o hindi ituring na pribadong kuwarto ang isang bed & breakfast. Halimbawa, hindi iyon ituturing na pribadong kuwarto kung katulad iyon ng boutique hotel o hostel, o hindi iyon nakakatugon sa mga rekisitong inilarawan sa itaas.
• Mga secondary suite o guesthouse na nasa loob ng bakuran pero may kumpletong pasilidad

Kung hindi nahahanap ang listing mo bilang Kuwarto

Kung isasaad mong kuwarto ang uri ng listing mo pero hindi iyon nakakatugon sa mga nabanggit na rekisito, posibleng hindi mahanap ng mga bisita ang listing mo bilang kuwarto sa mga resulta ng paghahanap, sa kategoryang Mga Kuwarto, o sa iba pang paraan. Sa halip, maaaring ilarawan sa mga bisita na lugar na matutuluyan ang listing mo at posible iyong lumabas sa mga resulta ng paghahanap para sa anumang uri ng tuluyan.

Kung ia‑update mo ang iyong listing para matugunan ang mga nabanggit na rekisito, maaaring suriin ang mga pagbabago para matukoy kung dapat mahanap ng mga potensyal na bisita ang listing mo bilang kuwarto.

Kung hindi nakakatugon ang listing mo sa mga nabanggit na rekisito, puwede mong i‑edit ang uri ng listing at/o property mo at hanapin ang paglalarawang naaangkop sa patuluyan mo. Kung nagho-host ka ng pamamalagi sa patuluyang nakakonekta sa iyong tahahan pero hindi iyon nakakatugon sa mga nabanggit na rekisito, iminumungkahi naming i-edit mo ang iyong listing sa seksyong Uri ng Property sa desktop o sa Property at mga bisita sa mobile. Halimbawa, puwede mong piliin ang secondary unit bilang pinakamalapit na naglalarawan sa patuluyan mo at ang guest suite bilang uri ng property mo.