Paano makakatulong na pigilan ang human trafficking
Bilang host man o bisita, may magagawa ka para matukoy at matugunan ang potensyal na human trafficking sa listing mo. Kaugnay nito, mariin ka naming hinihikayat na mag‑ulat ng mga pinaghihinalaang kaso ng human trafficking sa Pambansang Hotline para sa Human Trafficking sa U.S. Kung nasa labas ka ng U.S., makakahanap ka sa Global Modern Slavery Directory (GMSD) ng mga organisasyon sa iba't ibang panig ng mundo na tumutugon sa isyu ng human trafficking.
Ang kahulugan ng human trafficking
Posibleng maiba ang kahulugan ng human trafficking depende sa bansa kung nasaan ka, pero may tatlong pangunahing salik ayon sa United Nations na ginagamit sa kahulugan sa karamihan ng mga bansa. Para maituring na trafficking ang sitwasyon, mayroon dapat nito:
- Pagsasagawa: ang pag‑recruit, pagpapadala, paglilipat, pagtatago, o pagtanggap ng mga tao.
- Pamamaraan: ang pagbabanta o paggamit ng dahas, pandurukot, panloloko, pamimilit, o pang‑aabuso sa awtoridad.
- Layunin: Pananamantala kabilang ang pananamantala sa sex work ng iba o iba pang anyo ng seksuwal na pananamantala, sapilitang pagtatrabaho o pagbibigay ng serbisyo, pang‑aalipin o mga gawaing katulad ng pang‑aalipin, pang‑aalila, o pagtatanggal ng mga organ.
Sino ang malamang na maging biktima
May posibilidad na mabiktima ng human trafficking ang sinuman, pero mas malamang na maging biktima ang ilang partikular na tao dahil sa kakulangan sa mga pangunahing pangangailangan. Kabilang dito ang mga taong naghihirap o walang tiyak na tirahan at mga taong nakaranas o nakakaranas ng trauma o adiksyon. Mas malamang na mapagsamantalahan ang mga kakulangan at maging biktima ng trafficking ang mga grupong minorya, imigrante, at miyembro ng LGBTQ+ dahil sa dati na at nagpapatuloy pang diskriminasyon at kawalan ng pagkakapantay‑pantay sa lipunan.
Para maituring na human trafficking ang isang sitwasyon, kadalasang may senyales ito ng dahas, panloloko, o pamimilit. Posibleng ganito iyon:
- Hindi malaya o ligtas na makaalis sa sitwasyon ang tao at hindi niya basta‑bastang magamit ang sarili niyang pera at kagamitan
- Sapilitang pinagtatrabaho ang tao sa ilalim ng mga kondisyong iba sa napagkasunduan noong ni-recruit siya
- Sapilitang pinapagamit ng droga o pinapainom ng alak ang tao
- Pagbabanta o paggamit ng pisikal na puwersa o karahasan
- Paggamit ng mga panggapos
- Mga pinsala sa katawan
Mga katangiang maaari mong mapansin kung may pananamantalang nagaganap sa listing:
- Sapilitang pagtatrabaho:
- Menor de edad ang manggagawa
- Mga palatandaan ng hindi malinis na pangangatawan, malnutrisyon, o pagkahapo
- Pinapatira ng employer ang manggagawa sa hindi naaangkop na lugar (walang privacy o hindi maayos ang tulugan)
- May utang na pera sa employer o recruiter ang manggagawa at/o hindi ibinibigay ang ipinangako o nararapat na ibayad sa kanya
- Hindi pinapahintulutan ang manggagawa na magpahinga gaya ng naaangkop
- Mapanganib o masama sa kalusugan ang mga kondisyon sa trabaho ng manggagawa at hindi siya binibigyan ng angkop na kagamitang pangkaligtasan o pagsasanay
- Mukhang pinagmamatyagan ng ibang tao ang manggagawa kapag nakikipag‑ugnayan siya sa iba
- Sex trafficking:
- Binabanggit ang address ng listing sa mga ad online para sa komersyal na seksuwal na serbisyo
- Mga ulat ng madalas na pagdating ng mga hindi pinapahintulutang bisita sa iba't ibang oras.
- Labis-labis na kagamitan para sa seksuwal na aktibidad sa listing
- Naka-set up na kagamitan para sa video o photo shoot
Ang dapat gawin kung maharap ka sa sitwasyong mukhang human trafficking
Bilang host man o bisita, makakatulong kang pigilan ang human trafficking. Kung makaranas ka ng sitwasyon sa listing mo na may maaaring may kinalaman sa human trafficking, puwede kang makipag‑ugnayan sa Pambansang Hotline para sa Human Trafficking sa pamamagitan ng pagtawag sa 1‑888‑373‑7888, pagpapadala ng text na “BeFree” sa 233733, o pakikipag‑chat nang live sa humantraffickinghotline.org/chat para humingi ng tulong. Makakatawag sa hotline nang 24/7, walang bayad, kompidensyal, at sa 200+ wika.
Dapat mo ring iulat sa Airbnb ang potensyal na insidente sa human trafficking. Isang komprehensibong hub para sa kaligtasan na nasa app ang Safety Center ng Airbnb at may mahahalagang sanggunian dito. Sa pamamagitan ng Safety Center, puwede kang makipag-ugnayan sa Linya ng Agarang Suporta ng Airbnb, gayundin sa mga lokal na serbisyong pang-emergency nasaan ka man sa mundo.
Mga kaugnay na artikulo
Patakaran sa Nilalaman at ang Coronavirus
Alamin pa ang tungkol sa Patakaran sa Nilalaman ng Airbnb na partikular sa COVID-19.- Bisita
Mga ilegal at ipinagbabawal na aktibidad
Hindi pinapahintulutan ng Airbnb ang mga ilegal na aktibidad at ibang asal na puwedeng makapinsala sa ating komunidad. - Bisita
Tumutulong para mapanatiling malusog ang ating komunidad
Habang bumibiyahe ang ating komunidad sa buong mundo at tumatanggap ng mga mamamayan mula sa lahat ng panig ng mundo sa kanilang mga tuluyan…