Programa ng Suporta kaugnay ng COVID-19 para sa Bisita

Inanunsyo noong Enero 2022 ang Programa ng Suporta kaugnay ng COVID-19 para sa Bisita ng Airbnb (ang “Programa”). Itinatag ito para magbigay ng kaluwagan sa mga bisitang naantala ang mga reserbasyon ng pamamalagi dahil sa mga kamakailang paghihigpit sa pagbibiyahe kaugnay ng COVID-19 na ipinag-uutos ng gobyerno na inilalarawan sa ibaba.

Ikinalulugod ng Airbnb na maglaan ng $20 milyong USD na pondo sa Programa, na ipapamigay ayon sa aming pagpapasya para matulungan ang mga bisitang nahaharap sa mga pambihirang hamon na ito. Magtatapos ang Programa kapag nailaan na ang lahat ng pondo ng Programa, o sa Abril 30, 2022, alinman ang mauuna.

Hindi kwalipikado ayon sa Programang ito ang mga sitwasyong saklaw ng Patakaran sa mga Hindi Inaasahang Pangyayari ng Airbnb (kabilang kapag nagkaroon ng COVID-19 ang bisita).

Mga kwalipikadong nakanselang booking

Dapat makatupad sa lahat ng sumusunod na pamantayan ang mga nakanselang booking:

• Reserbasyon ng pamamalagi na may petsa ng pag-check in na Disyembre 1, 2021 o pagkalipas nito;
• Kinansela ng bisita (a) noong Disyembre 1, 2021 o pagkalipas nito, (b) bago ang pag-check in at sa loob ng 45 araw bago ang pag-check in, at (c) sa petsa ng pagtatapos ng Programa o bago pa ito; at
• Kinansela dahil sa kwalipikadong paghihigpit sa pagbibiyahe na ipinag-uutos ng gobyerno at ipinatupad pagkatapos ng pag-book.

Mga saklaw na uri ng paghihigpit sa pagbibiyahe na ipinag-uutos ng gobyerno

Ang mga sumusunod na paghihigpit sa pagbibiyahe kaugnay ng COVID-19 lang ang saklaw:

• Kautusan sa pagsasara ng hangganan, pananatili sa tahanan, o lockdown na nagbabawal sa:
  • Lahat ng hindi kinakailangang papasok na pagbiyahe sa pupuntahang lokasyon ng bisita, o
  • Lahat ng hindi kinakailangang palabas na pagbiyahe mula sa pagmumulang lokasyon ng bisita;
• Bago o pinalawig na kautusang dapat mag-quarantine o magbukod ng sarili ang lahat ng biyahero mula sa pagmumulang lokasyon pagdating nila sa pupuntahang lokasyon.

Kabilang dito ang mga sitwasyon kung saan mayroon nang kautusang mag-quarantine ang pupuntahang lokasyon sa panahon ng pag-book, pero pinalawig o pinatagal ito pagkatapos ng pag-book at bago ang petsa ng pag-check in. Halimbawa, kung kinakailangang mag-quarantine nang 7 araw sa pupuntahang lokasyon sa panahon ng pag-book, pero ginawa itong 14 na araw pagkatapos, maaaring kwalipikado ang booking.

Hindi kabilang dito ang mga sitwasyon kung saan nalalapat lang ang kautusang mag-quarantine o magbukod ng sarili sa isang partikular na bisita (o grupo ng mga bisita), at hindi sa lahat ng bumibiyahe para sa hindi kinakailangang dahilan mula sa pagmumulang lokasyon. Hindi rin kabilang dito ang mga sitwasyon kung saan kinakailangang mag-quarantine o magbukod ng sarili ang bisita sa pagmumulang lokasyon bago bumiyahe sa pupuntahan niya (halimbawa, dahil natukoy na nalapit siya sa taong may COVID-19).

Tandaang nalalapat lang ang Programa sa mga paghihigpit sa pagbibiyahe na hindi pa naipapatupad sa panahon ng pag-book. Halimbawa, kung may bisitang bibiyahe sa Israel na nag-book noong Oktubre—bago simulan ng Israel na paghigpitan ang pagbiyahe papasok dito dahil sa Omicron—na may petsa ng pag-check in sa Disyembre, magiging kwalipikado ang booking ayon sa Programang ito. Gayunpaman, kung ipinapatupad na ang mga paghihigpit sa pagbibiyahe na iyon noong na-book ng bisita ang pamamalagi, hindi siya magiging kwalipikado para sa kaluwagan ayon sa Programa.

Mga uri ng booking na hindi kwalipikado

Hindi kwalipikado para sa kaluwagan sa ilalim ng Programa ang mga sumusunod na booking:

• Mga booking sa Airbnb Luxe
• Mga booking sa Airbnb para sa Trabaho
• Mga booking para sa mga Karanasan
• Mga booking ng mga bisitang nakatira sa mainland China

Paghiling ng kaluwagan

Kung natutugunan ng booking ang mga pamantayan sa pagiging kwalipikado na nasa itaas, puwedeng makipag-ugnayan ang nag-book na bisita sa aming team ng 24/7 na Suporta sa Komunidad at kakailanganin niyang magbigay ng impormasyong nagpapatunay sa pagiging kwalipikado niya. Dapat naming matanggap ang anumang kahilingan para sa kaluwagan sa loob ng 90 araw mula sa petsa ng pagkansela sa booking.

Kung may matuklasan kaming anumang pandaraya, panloloko, o iba pang paglabag sa aming Mga Tuntunin ng Serbisyo o Mga Tuntunin ng Serbisyo sa mga Pagbabayad, may karapatan ang Airbnb na tumanggi sa kahilingan, bawiin ang kaluwagan, suspindehin o wakasan ang account ng bisita, o gumawa ng iba pang naaangkop na aksyong ayon sa batas.

Uri ng kaluwagang available

Kung may mga available pang pondo ang Programa at matukoy namin na kwalipikado para sa kaluwagan ang reserbasyon, maaaring makatanggap ang nag-book na bisita ng isang beses lang magagamit na kupon sa pagbibiyahe para sa 50% ng hindi na-refund na bahagi ng reserbasyon. Halimbawa, kung nagkansela ang bisita ng reserbasyong nagkakahalaga ng $500 at nakatanggap siya ng refund na $250 ayon sa patakaran sa pagkansela ng host, kwalipikado ang bisita na makatanggap ng kupon sa pagbibiyahe para sa $125 (50% ng bahaging hindi na-refund). Hindi maaapektuhan ang payout ng host para sa reserbasyon.

Inaasahan ng Airbnb na susuriin ang mga kahilingan sa pagkakasunod-sunod ng pagkatanggap namin sa mga ito. Nakadepende sa availability ng mga pondo ng Programa ang lahat ng ibibigay na kupon sa pagbibiyahe sa ilalim ng programang ito.

Kailan mo makukuha ang iyong kupon sa pagbibiyahe

Kung matukoy namin na kwalipikado para sa kaluwagan ang booking at may mga available pang pondo ang Programa, ipapadala sa account ng bisita ang kupon sa pagbibiyahe sa loob ng 7–10 araw ng negosyo. Mapupuntahan ng mga bisita ang mga kupon sa pagbibiyahe sa Profile > Mga Setting ng Account > Mga pagbabayad at payout > Mga credit at kupon.

Paghiling ng maraming kupon sa pagbibiyahe

Kung may mahigit sa isang kwalipikadong booking ang bisita, maaari siyang magsumite ng kahilingan para sa bawat kwalipikadong booking. May karapatan ang Airbnb na limitahan ang bilang ng kupon sa pagbibiyahe na ibibigay sa iisang bisita sa ilalim ng Programa.

Mga tuntunin para sa mga kupon sa pagbibiyahe

Isang beses lang magagamit ang kupon, hindi ito mare-refund, at magagamit lang ito para sa pagpapareserba ng pamamalaging may petsa ng pag-check in na Disyembre 30, 2023 o bago pa ito. May bisa lang ito para sa pagpapareserba ng pamamalagi sa Airbnb. Kung kakanselahin ng bisita ang reserbasyong na-book gamit ang kupon, mawawalan ng bisa ang kupon. Hindi maipagpapalit sa pera o mga gift card o maipapambayad para sa mga dating reserbasyon ang kupon, at hindi ito maililipat o magagamit kasabay ng iba pang alok, kupon, o diskuwento. Nakalaan sa Airbnb ang karapatan sa anumang remedyo, kabilang ang pagpapawalang-bisa sa kupon na ito, kung may pinaghihinalaang pandaraya, hindi wastong paggamit, paglabag sa aming Mga Tuntunin ng Serbisyo o Mga Tuntunin ng Serbisyo sa mga Pagbabayad, o mga teknikal na error.

Ang proseso ng Programa

Itinatag ng Airbnb ang Programa ng Suporta kaugnay ng COVID-19 para sa Bisita para tulungan ang ating komunidad ng mga bisita sa panahon ng kamakailang pagdami ng kaso ng COVID-19 sa buong mundo. Kami ang magpapasya sa lahat ng aspekto ng Programa, kabilang ang pagiging kawalipikado ng bisita. Hindi na mababawi at may bisa sa mga bisita ang mga desisyon ng Airbnb sa ilalim ng Programa pero hindi maaapektuhan ng mga ito ang iba pang karapatan ayon sa kontrata o batas na maaaring mayroon sila, halimbawa, sa ilalim ng aming Patakaran sa Pag-refund sa Bisita, Patakaran sa mga Hindi Inaasahang Pangyayari, o patakaran sa pagkansela ng host para sa booking. Hindi maaapektuhan ang anumang karapatang maaaring mayroon ang bisita na magsimula ng aksyong ayon sa batas.

Sumangguni sa page na ito para sa mga pinakabagong detalye ng Programa, at magpo-post kami ng update kapag natapos na ang Programa. Ang mga booking lang na kinansela sa petsa ng pagtatapos ng Programa o bago pa ito ang magiging kwalipikado para sa kaluwagan. Habang patuloy na nagbabago ang pandemya at mga sitwasyong kaugnay nito, susubaybayan namin ang Programa at maaari kaming magpasyang pahabain, ihinto, baguhin, o wakasan ang Programa.