Paggamit ng Zoom para mag-host ng mga Karanasan Online

Drag Queen Bingo, workshop sa astrology, o leksyon sa pagluluto kasama ng mga lola sa Italy man ito, may pagkakapareho ang lahat ng Karanasan Online sa Airbnb—isinasagawa ang lahat sa Zoom. Bukod pa sa pagho-host ng Karanasan Online sa pamamagitan ng Zoom, gagamitin mo rin ito para isumite ang iyong demo para sa pag-apruba. I-download ito rito.

Pag-record ng iyong demo

Bilang bahagi ng proseso ng pagsusumite, hihilingin namin sa iyo na gumamit ka ng Zoom para mag-record ng demo ng ginawa mong Karanasan. Narito ang ilang tip para matiyak na maayos ang iyong recording.

Puwede kang gumamit ng ibang serbisyo para i-record ang video na isusumite mo, pero mariin naming inirerekomenda na gumamit ka ng Zoom para masanay ka sa paggamit nito sa pagho-host ng Karanasan.

Pag-activate sa bago mong Zoom account

Kapag naaprubahan ang Karanasang ginawa mo, hihilingin sa iyong i-activate ang bagong Zoom account sa mga setting ng Karanasan. Isa itong natatanging Zoom account na nauugnay sa Karanasang ginawa mo sa Airbnb—dapat gumamit ang bagong account na ito ng email address na naiiba sa anumang kasalukuyang Zoom account mo.

Posibleng abutin nang hanggang 30 minuto pagkatapos mong gawin ang lahat ng hakbang bago ma-update ang katayuan ng pag-activate sa Zoom.

Pagho-host

Paghanap sa iyong link sa Zoom

Makakatanggap ang mga bisita ng natatanging link sa Zoom para sa bawat time slot ng Karanasan sa kalendaryo mo. May 2 paraan para mahanap ang link:

• Sa email ng kumpirmasyon na ipinapadala sa tuwing may magbu-book na bisita
• Sa email ng paalala na ipinapadala bago magsimula ang Karanasan

Pagpapapasok ng mga bisita

Sa feature na Waiting room ng Zoom, makokontrol mo kung sino ang makakasali sa Karanasan sa pamamagitan ng pagpapapasok sa mga bisita nang paisa-isa. Kaya kung may bisita na magbabahagi ng link sa Zoom sa iba pang bisita na hindi kasama sa kanyang reserbasyon, hindi mo kailangang papasukin ang dagdag na bisitang hindi nagbayad. Gayunpaman, puwede kang humiling ng bayad para sa dagdag na bisita sa Resolution Center.

Pag-troubleshoot

Kung nagkakaproblema ka kaugnay ng Zoom, makipag-ugnayan sa Help Center ng Zoom. Kung nagkakaproblema ang iyong mga bisita, maaari ding makatulong na ipadala sa kanila ang artikulong ito tungkol sa pagdalo sa mga Karanasan Online.