Kaligtasan ng host at bisita

Para makatulong sa pagtitiyak sa mga ligtas na tuluyan, karanasan, at pakikisalamuha, hindi pinapayagan ang ilang partikular na aktibidad at pag-uugali sa ating komunidad.

Ang pinapahintulutan namin

• Pagtatanggol sa sarili: Kung pisikal kang aatakihin sa panahon ng pamamalagi o Karanasan, puwede mong ipagtanggol ang iyong sarili nang may naaangkop na puwersa hanggang sa mawala ang panganib.
• Mga pinapahintulutang armas: Maliban sa mga device na pampasabog o pansunog at armas na pang-atake, bilang bisita, maaari kang magdala ng mga legal na pag-aaring armas o hindi nakamamatay na armas, kung ligtas na naka-secure ang mga ito at inihayag mo ang mga ito sa iyong host bago ka dumating. Bilang host, puwede kang magtabi sa iyong tuluyan ng mga legal na pag-aaring armas sa kundisyong ligtas na naka-secure ang mga ito; dapat ding ihayag ang mga armas kung nakalagay ang mga ito sa lugar kung saan madali itong makita o matutuklasan ng mga bisita. Matuto pa tungkol sa aming mga alituntunin tungkol sa mga armas sa isang listing.

Ang hindi namin pinapahintulutan

• Mga banta o pang-aabuso: Hindi pinapahintulutan sa ating komunidad ang mga pagbabanta, karahasan, o pang-aabuso sa iba, kasama ang mga karelasyon, bata, hayop, at may sakit o may kapansanang tao.
• Seksuwal na pang-aabuso at mahalay na paggawi: Ipinagbabawal ang anumang uri ng seksuwal na pang-aabuso at mahalay na paggawi. Hindi katanggap-tanggap ang anumang di-ninanais o di-inaasahang paghipo, mapanlimbang o seksuwal na asal, o pag-uusap tungkol sa mga personal na relasyon o oryentasyong seksuwal.
• Mga mapanganib o ilegal na hayop: Ipinagbabawal ang anumang hayop na may lahi o uri na hindi puwedeng gawing alaga ayon sa batas sa lokasyon ng listing o Karanasan. Kailangang ikulong nang maayos at kusang ihayag ang mga alaga, pambukid, at mailap na hayop na maaaring maging banta sa kaligtasan sa panahon ng reserbasyon. Hindi kailangang ihayag ang mga hayop na walang palatandaan na puwedeng maging mapanganib dahil para lang sa "mga mapanganib na hayop” ang tool sa paghahayag. Matuto pa tungkol sa aming mga alituntunin tungkol sa mga mapanganib na hayop.
• Mga sumasabog na aparato, aparatong pansunog, o armas: Hindi kailanman pinapahintulutan ang mga bagay na ito sa tuluyan o Karanasan, kahit na legal na pinapahintulutan na magmay-ari ng ganito sa iyong lugar.
• Mga hindi naka-secure/hindi inihayag na armas. Kailangang maayos na ihayag at ligtas na i-secure ang anumang legal na pag-aaring armas.

Handa kaming tumulong

Kung kasalukuyang may emergency, makipag-ugnayan sa mga lokal na serbisyong pang-emergency o awtoridad na nagpapatupad ng batas para humingi ng tulong.

Handa kaming tumulong 24 na oras kada araw para sa iba pang isyu sa kaligtasan. Magbasa pa tungkol sa kung paano makipag-ugnayan sa amin sa aming Help Center.

Sineseryoso namin ang mga banta ng pagpapatiwakal at pananakit sa sarili, at maaari kaming makipag-ugnayan sa mga awtoridad para hilinging magsagawa sila ng pangungumusta kung makatanggap kami ng abiso na may napipintong panganib sa kaligtasan. Kung pakiramdam mo o ng iba pang tao na may pagbabanta o panganib sa inyong kaligtasan, makipag-ugnayan muna sa mga lokal na awtoridad na nagpapatupad ng batas para humingi ng tulong.

Gaya ng dati, kung may masaksihan o maranasan kang asal na pinapaniwalaan mong maaaring labag sa aming mga tuntunin o patakaran, ipaalam ito sa amin.