Kung magkaroon ka ng problema o isyu sa panahon ng pamamalagi mo

May 72 oras ka para mag‑ulat ng anumang isyu sa host o sa Airbnb mula sa oras na mapag‑alaman mo ito.

Idokumento ang isyu at magpadala ng mensahe sa host

Narito kung paano maghanda:

• Idokumento ang isyu: Kung posible, kumuha ng mga litrato o video para idokumento ang mga isyu, gaya ng kulang o sirang amenidad.
• Magpadala ng mensahe sa host: Sa host pinakamainam na makipag‑ugnayan kung magkaroon ng anumang isyu sa pamamalagi mo. Malamang na matutulungan ka niyang ayusin ang isyu. Puwede kang direktang magpadala ng mensahe sa host para ipaalam sa kanya kung ano ang nangyayari.
• Humiling ng refund: Kung kailangan mong humiling ng refund dahil sa isyu, mas malaki ang posibilidad na tanggapin ng host ang kahilingan kung magkakasundo muna kayo sa halaga. Magpadala ng kahilingan para sa refund sa host sa Resolution Center at ibigay ang mga detalye ng isyu kasama ang mga litrato o video.

Humingi ng tulong sa Airbnb para malutas ang isyu

Bagama't gusto naming direktang ayusin ng mga host at bisita ang mga bagay‑bagay kung magagawa nila, alam naming hindi ito palaging posible. Kung hindi malutas ng host ang isyu, hindi siya tumugon man lang, o tanggihan niya ang kahilingan mo para sa refund, i‑click o i‑tap ang Humingi ng Tulong sa page ng reserbasyon para ipaalam iyon sa amin. May miyembro ng team namin na tutulong para malutas ang isyu.

Kung matukoy naming saklaw ng AirCover para sa mga bisita ang isyu, tutulungan ka naming maghanap ng katulad na matutuluyan depende sa availability at pagkakalapit ng presyo. Kung walang available na katulad na tuluyan o ayaw mong muling mag‑book, bibigyan ka namin ng buo o bahagyang refund.

Kung may emergency o may banta sa kaligtasan mo

Kung may emergency o may banta sa kaligtasan mo, makipag‑ugnayan kaagad sa lokal na pulisya o mga serbisyong pang‑emergency. Kung hindi ka pamilyar sa mga numero ng telepono ng mga lokal na serbisyong pang‑emergency, puwede mong gamitin ang Airbnb para tumawag sa mga serbisyong pang‑emergency ngayon.

Para sa anupamang isyu sa kaligtasan, puwede kang lumapit sa amin kahit kailan sa nakatalagang linyang pangkaligtasan na madudulugan anumang oras. Makipag‑ugnayan sa amin sa pamamagitan ng pagtawag, pagpapadala ng email, o pakikipag‑chat para maisapriyoridad ka ng mga ahenteng pangkaligtasan na sumailalim sa espesyal na pagsasanay.

Kung may isyu kaugnay ng pagpapagamit ng tuluyan sa komunidad ninyo

Para sa mga alalahanin kaugnay ng pagpapagamit ng tuluyan sa komunidad ninyo, makipag‑ugnayan sa aming team ng Suporta sa Kapitbahayan.