Ano ang inaasahan sa mga host ng tuluyan at mga listing nila

Kailangang matugunan ng bawat host ang mga pangunahing pamantayan na ito para maging komportable at maganda ang Karanasan ng mga bisita nila.

• Maaasahang pakikipag‑ugnayan: Mabilis dapat tumugon at handang sumagot ng tanong ng bisita o Airbnb sa loob ng makatuwirang panahon ang mga host. Dapat din nilang sundin ang anumang kinakailangang hakbang na ibibigay ng Airbnb para maayos ang mga isyu.
• Tumpak na listing: Tumutugma dapat sa paglalarawan ng listing sa panahon ng pagbu‑book ang property ng host, lokasyon, uri ng listing, antas ng privacy, at mga amenidad. Puwede lang baguhin ng mga host ang mga detalye ng natanggap nang booking kung papahintulutan ng bisita.
• Mga ligtas na tuluyan: Responsabilidad ng mga host na panatilihing ligtas ang listing nila. Dapat magbigay ng mga susi o access code para sa lahat ng pangunahing pasukan.
• Maaasahang pag‑check in: Dapat ibigay ng mga host sa mga bisita ang tamang impormasyon para makapasok sa tuluyan nila kapag magche‑check in na (hal., mga tamang access code at malinaw na direksyon). Dapat dumating sa napagkasunduang oras ang mga host na gustong sumalubong sa mga bisita sa pag‑check in. Dapat panatilihing ligtas ang paggamit ng mga lockbox o entry code (hal., palitan ang mga code sa kada reserbasyon).
• Mga malinis na tuluyan: Dapat ay walang banta sa kalusugan (hal. amag, peste, daga) sa property ng host, nakakatugon ito sa mataas na pamantayan ng kalinisan, at nililinis ito pagkatapos ng bawat pamamalagi.
• Mga ligtas na tuluyan: Responsabilidad ng mga host ng tuluyan na panatilihing walang banta sa kaligtasan ang listing (hal., nahaharangang fire exit, posibilidad na makuryente, lason sa daga). Dapat ihayag sa paglalarawan ng listing ang mga panganib na hindi maaalis sa listing (hal., mataas na lugar, katubigan sa paligid). Bukod pa rito, dapat sundin ng mga host ang lahat ng naaangkop na batas at regulasyon (hal., dapat matugunan ng listing ang mga naaangkop na rekisito ng fire code). Matuto pa tungkol sa impormasyong pangkaligtasan sa mga listing.
• Pahintulot sa pagho‑host: Iniaatas ng Airbnb na kumuha ng pahintulot sa pagho‑host at sumunod sa lahat ng naaangkop na batas ang lahat ng host. Hindi puwedeng gumamit ng third‑party para mag‑book ng hotel o patuluyan at i‑list ito sa Airbnb. Dapat sumunod ang mga host sa mga partikular na alituntunin para sa mga timeshare o katulad na uri ng tuluyan kapag pinag‑iisipan nilang mag‑list ng ganoon sa Airbnb.
• Kapakanan ng mga hayop: Hindi tinatanggap sa komunidad natin ang anumang bagay na nananamantala ng mga hayop (hal., mga zoo sa tabi ng kalsada o mga Karanasan sa pangangaso ng hayop para gawing palamuti). Kailangang matugunan ng mga host ang mga alituntunin ng Airbnb para sa kapakanan ng mga hayop. Matuto pa tungkol sa mga pangunahing alituntunin para sa mga host ng tuluyan.

Narito kami para tumulong

Kung may masaksihan o maranasan kang gawi na labag sa mga patakaran namin, ipaalam iyon sa amin.