Paano ayusin ang mga litrato ng listing at gawing pagpapakilala ng patuluyan

Piliin, i-browse, i-book. Iyon ang nais mong gawin ng bawat biyahero kapag lumabas ang iyong listing sa kanilang mga resulta ng paghahanap, tama ba? Madalas mong maiimpluwensyahan ang kanilang desisyon na mamalagi sa iyo — o patuloy na mag-scroll — sa mga larawan ng iyong tuluyan na ibinibigay mo.

Higit pa sa paggugugol ng ilang oras sapagkuha ng magagandang litrato ng listing at pagpili ng mga pinakamagandang litrato para ibahagi, ano ang maaari mong gawin para maakit ang mga bisita? Subukang gawing isang organisadong virtual tour ang iyong gallery ng mga litrato.

Binubuo ang photo gallery mo ng lahat ng larawang na-upload sa iyong listing. Sa mas maliliit na screen, tulad ng mga smartphone, puwedeng tingnan ng mga bisita ang iyong photo gallery sa pamamagitan ng pag-tap sa iyong pangunahing larawan, na nakahiwalay sa itaas ng iyong page ng listing.

Sa mas malalaking screen, tulad ng mga tablet at laptop, pinapalitan ng isang grid na may 5 litrato ang nag-iisang pangunahing larawan, na nagbibigay sa mga bisita ng mas malinaw na ideya kung ano ang interesante sa iyong tuluyan. Puwede silang pumili ng alinman sa mga larawan para i-browse ang iyong gallery, na nasa mas malaki at patayong grid.

Maaari mong ayusin ang mas malaking grid na ito ayon sa kuwarto o lugar ng iyong tuluyan. Ituring itong pagbibigay sa mga bisita ng isang virtual tour — isang pagkakataon na suriin nang mabuti ang bawat sulok ng iyong tuluyan bago mag-book.

Magsimula sa pamamagitan ng pagtiyak na nagbibigay ka ng malinaw at maliwanag na mga larawan ng bawat kuwarto at lugar sa iyong tuluyan na magagamit ng mga bisita. Iminumungkahi ng Superhost na si Sarah ng Sayulita, Mexico, na magsama ng "hindi bababa sa 2 larawan ng bawat silid-tulugan, mula sa iba't ibang anggulo, para makita ng mga bisita kung mayroong aparador, eskritoryo, o kung ano man ang naroroon."

Susunod, kung hindi mo pa nagagawa, magdagdag ng ilang litrato ng mga espesyal na amenidad o iba pang mga detalye. Puwedeng isama rito ang kusinang kumpleto ang kagamitan, opisina na may pinto, o palaruan ng mga bata na puno ng mga gamit.

Puwede ring magbigay ng mahalagang impormasyon ang mga litrato ng mga accessibility feature, tulad ng walang hahakbangang baitang na pasukan o malalawak na pintuan. Karaniwang gusto ng mga bisita na makita kung ano ang natatangi sa iyong tuluyan — at kung bakit magandang mamalagi rito.

Kapag masaya ka na sa iyong photo gallery, maaari mo itong ayusin sa isang virtual tour. I-update ang iyong listing gamit ang dalawang simpleng hakbang na ito:

1. Sa ilalim ng mga detalye ng listing, piliin ang Property at mga kuwarto , pagkatapos ay mag-scroll pababa para i-edit ang Mga kuwarto at lugar.
2. Lilitaw ang listahan ng mga lugar o kuwarto na puwedeng magamit ng iyong mga bisita. (Para magdagdag o mag-alis ng mga kuwarto, pumunta sa I-edit ang mga kuwarto at lugar.) Pumili ng isang kuwarto sa listahan, pindutin ang button na Magdagdag ng mga litrato, at piliin ang mga litrato ng kuwartong ito na nasa iyong photo gallery. Ulitin ang parehong proseso para sa bawat kuwarto.

Makakatulong ang pag-aayos ng bawat litrato sa iyong photo gallery ayon sa partikular na kuwarto o lugar na lumikha ng isang nakakaengganyong tour na madaling sundan ng mga bisita. OK lang kung mayroon kang ilang mga naiibang litrato, na awtomatikong mapupunta sa seksyon ng mga Karagdagang Litrato sa dulo ng tour — siguraduhin lamang na talagang hindi kabilang sa anumang iba pa ang mga ito para maiwasan ang pagkalito.

Matapos mong i-update ang iyong listing, inaayos ang iyong gallery ayon sa kuwarto o lugar. Nakakakuha ang mga bisita ng overview ng property para ma-explore nila ang bawat lugar, o puwede silang mag-scroll sa buong tour. Karaniwang nagsisimula ang tour sa sala, pagkatapos ay sa kusina, silid-tulugan, banyo, mga lugar sa labas, at anumang karagdagang lugar na mayroon ka sa iyong listing.

Mahalagang tandaan na hindi nakakaapekto sa pangunahing litrato o sa grid na may 5 litrato sa taas ng listing mo ang pag-aayos ng iyong photo gallery ayon sa kuwarto o lugar. Isa lamang itong dagdag na paraan para makatulong kang mabigyan ang mga mausyosong bisita ng impormasyon at kumpiyansang kailangan nila para mag-book ng pamamalagi sa iyo.