Mananatili ang Tahanan

Hindi mapaghiwalay ang 11 taong gulang na si Delaney at ang aso niyang si Louis. Pero nasa daycare si Louis noong nasalanta ng natural na sakuna ang tahanan ng pamilya niya at napilitan silang lumikas. Hindi pinapayagan ang mga alagang hayop sa unang pansamantalang tuluyan ng pamilya kaya inilipat sa shelter si Louis. Noong may nalipatang tuluyan sa Airbnb.org sina Delaney at ang mga magulang niya, napakasaya nilang nagsama muli ni Louis.

Nawalan ng tahanan dahil sa wildfire na nanalanta sa bayan nila ang therapist na si Eshele at ang 11 taong gulang na anak niyang lalaki na si Brayden. Habang namamalagi sa malapit na libreng pang‑emergency na matutuluyan sa Airbnb.org, naipagpatuloy ni Eshele ang pagbibigay ng mga serbisyo sa kalusugang pangkaisipan sa komunidad niya at nakapasok pa rin si Brayden sa mga klase sa pagsasayaw. Nagawa pa niyang magpa‑sleepover sa ika‑11 niyang kaarawan kasama ang malalapit na kapamilya at kaibigan.

Napilitan sina Stefanie, Pablo, at ang 8 buwan nilang anak na si Ada Sol na lumikas noong binaha nang matindi ang tahanan nila. Ilang araw silang nakulong sa apartment nila sa ikatlong palapag nang walang kuryente at sa hangin na unti‑unting lumalason sa kanila. Lumipat silang tatlo sa malapit na Airbnb kung saan sila nakahinga nang mas maluwag, naging panatag, at naging malapit sa isa't isa bilang pamilya.