Mga bagong paraan para matuklasan ng mga bisita ang iyong listing

Kadalasang nagsisimula ang talagang di-malilimutang mga biyahe sa simpleng kagustuhang magbakasyon. Para malaman kung saan at kailan bibiyahe, kadalasang naghahanap ng mga ideya online ang mga biyahero habang sinusubukan nilang bumuo ng perpektong plano. Kaya mayroon kaming handog na bagong paraan para ma-explore ng mga bisita ang Airbnb at matuklasan nila ang magagandang listing na tulad ng iyo.

Matutunghayan sa Airbnb 2022 Release para sa Tag-init ang pinakamalaking pagbabago sa Airbnb sa loob ng isang dekada. Tampok sa bagong disenyo ang mga listing sa 56 na Kategorya sa Airbnb kaya madaling makakahanap at makakapag-book ang mga bisita ng mga tuluyang ngayon lang nila matutuklasan. Tampok din ang makabagong feature na tinatawag na Magkaugnay na Pamamalagi na nagbibigay-daan sa mga bisita na mag-book ng mas matagal na pamamalagi sa pagitan ng dalawang tuluyan.

Bilang host, magiging kapaki-pakinabang para sa iyo ang mga nakakasabik na feature na ito kapag tiniyak mong kumpleto at napapanahon ang mga detalye ng iyong listing, napapanahon ang availability, at mataas ang kalidad ng mga litrato.

Sa bagong disenyo ng Airbnb—pinaghahatiang kuwarto, pribadong kuwarto, o buong tuluyan man ang iyong listing— maaari itong matuklasan ng mas maraming uri ng bisita habang nagsisimula pa lang silang magplano ng biyahe.

Puwedeng mahanap ng mga bisita ang iyong listing sa pamamagitan ng:

• Mga Kategorya ng Airbnb. Sa tuwing bubuksan ng mga bisita ang app, lalabas ang magagandang tuluyan na available para agaran nilang ma-book.
• Magkaugnay na Pamamalagi. Sa mga resulta ng paghahanap para sa mga pamamalagi na pitong gabi o higit pa, kasama na ngayon ang opsyong hatiin ng mga bisita ang kanilang biyahe sa dalawang tuluyan.
• Higit na flexibility. Makakapaghanap na ang mga bisita ng mga tuluyan gamit ang mga petsa at lokasyong walang takdang limitasyon—gamit ang mga feature na inilunsad namin noong nakalipas na taon—o maaari nilang gawing mas partikular ang mga resulta para matugunan ang kanilang mga pangangailangan.

Kapag binuksan ng mga bisita ang Airbnb, may mga kategorya sa itaas na ipinapangkat ang mga listing sa mga pinapangasiwaang koleksyon batay sa natatanging estilo, lokasyon, o kalapit na aktibidad ng mga ito. Tampok sa mga kategorya ang mga tuluyan na may mga feature na tulad ng magagandang tanawin o mga kusina ng chef, malapit sa lawa o pambansang parke, o may access sa golf o surfing.

Kapag naghanap ang mga bisita ng mga tuluyan sa isang partikular na destinasyon, makakakuha sila ng mga resultang gaya ng dati, sa kategoryang tinatawag na Lahat ng Tuluyan. Ngayon, mayroon ding mga karagdagang kategorya batay sa lokasyong iyon kaya madali nang makakatuklas ng mga nakakamanghang tuluyan sa loob ng o malapit sa lugar kung saan naghahanap ng matutuluyan.

Puwede ring lumabas ang mga listing sa maraming kategorya. Kung may kusina ng chef sa iyong lakehouse, puwedeng lumabas ang listing sa Kategoryang Lawa at sa Kategoryang Kusina ng Chef, bukod pa sa mga resulta ng paghahanap para sa iyong lokasyon.

Isa sa mga pinakaespesyal na bagong kategorya ang Elegante na isang koleksyon ng mahigit sa 20,000 tuluyan na pinili dahil sa kilalang arkitektura at makapukaw-inspirasyong interior ng mga ito. Kasama sa Kategoryang Elegante ang mga tuluyan na mula sa mga bantog na arkitekto gaya ng mga property nina Frank Lloyd Wright at Zaha Hadid, mga tuluyan na naitampok sa mga publikasyong pandisenyo, at mga tuluyang iniaalok ng mga host na mahusay na gumamit at nagpatupad ng mga sarili nilang disenyo.

Narito ang ilan sa Mga Kategorya sa Airbnb: Magandang Tanawin, Beach, Camping, Mga Kusina ng Chef, Probinsiya, Mga Creative Space, Golf, Mga Makasaysayang Tuluyan, Mga Kilalang Lungsod, Mga Pambansang Parke, Skiing, Surfing, Tropikal, at Mga Vineyard.

Simula pa lang ang mga kategoryang ito ng bagong paraan ng paghahanap na magbibigay-daan sa mga bisita na makatuklas ng mas maraming matutuluyan. Sa paglipas ng panahon, maghahandog kami ng mas marami pang kategorya na nagtatampok ng mga natatanging feature at mga espesyal na lokasyon ng iyong mga property. Naniniwala kaming nakasalalay sa mga kategorya ang hinaharap ng paghahanap, at may kategorya para sa bawat tuluyan at bawat host sa Airbnb.

Dumaraan sa proseso ng pagpili ang mga tuluyan sa bawat kategorya. Sinusuri ang milyon-milyong aktibong listing sa Airbnb gamit ang machine learning para suriin ang mga pamagat, paglalarawan, caption ng litrato, at review ng bisita. Kaya mahalagang tiyakin na napapanahon at kumpleto ang impormasyon ng iyong listing.

Magagawa ng mga bisita na mag-browse at mag-book ng mga listing nang naaayon sa kanilang mga sitwasyon. Sa feature na Magkaugnay na Pamamalagi, mabibigyan ang mas maraming host ng pagkakataon na maging bahagi ng biyahe ng mga bisita.

Kapag naghanap ang mga bisita ng biyahe na tatagal nang isang linggo o higit pa, awtomatikong lalabas ang Magkaugnay na Pamamalagi sa mga resulta ng paghahanap. Habang nag-i-scroll sila sa Kategoryang Lahat ng Tuluyan, makakahanap ang mga bisita ng mga opsyong hatiin ang kanilang biyahe sa dalawang tuluyan sa iisang lokasyon.

Dati, kung naghanap ang mga bisita ng isang buwang biyahe pero dalawang linggo lang ang availability mo sa panahong iyon, hindi lalabas ang iyong tuluyan sa mga resulta ng paghahanap. Sa Magkaugnay na Pamamalagi, puwedeng ipares ang iyong listing sa iba pang listing para mapaunlakan ang buong biyahe ng bisita.

Nagpapares ang bawat Magkaugnay na Pamamalagi ng dalawang property na tumutugma ang lokasyon, uri ng property, at mga amenidad sa hinanap ng bisita. Halimbawa, kung may pamilyang naghahanap ng buong tuluyan na may mga accessibility feature, gaya ng walang baitang na pasukan o mga pintuang mas malawak sa 32 pulgada, magpapares ang Magkaugnay na Pamamalagi ng dalawang listing na mayroon ng mga naturang feature.

Kapag nag-book ang mga bisita ng Magkaugnay na Pamamalagi, makakatanggap ang mga host ng magkaibang kahilingan sa pag-book. Malalapat ang itinakda mong presyo at mga alituntunin sa tuluyan para sa bilang ng gabing na-book, gaya ng nangyayari sa ibang reserbasyon.

Sa mga bagong feature ng Airbnb, mas maraming tao sa mas maraming lugar na ang makakapansin sa iyong tuluyan. Narito ang ilang bagay na puwede mong gawin para mamukod-tangi ang iyong listing:

1. Itampok ang dahilan kung bakit natatangi ang iyong lugar sa pamamagitan ng mga litratong may mataas na kalidad. Kapag may mga litratong nagbibigay ng ideya tungkol sa iyong tuluyan—kinunan man ang mga ito ng propesyonal o gamit ang iyong smartphone, puwedeng maging kaaya-aya para sa mga bisita ang iyong listing.
2. Suriin ang listahan ng mga amenidad at feature, at alamin kung may anumang bago. Idagdag o i-update ang lahat ng iniaalok sa iyong tuluyan habang isinasaalang-alang ang patok na mga amenidad na gusto ng mga bisita para maisama ito sa mga nauugnay na kategorya.
3. I-test ang bilis ng wifi. Kapag may maaasahang access sa internet, mapapanatag ang mga bisita na magagawa nilang magtrabaho at makipag-ugnayan online kung kinakailangan sa panahon ng kanilang pamamalagi.
4. Pag-isipan kung accessible ang iyong listing sa lahat ng biyahero. Magdagdag ng mga litrato at detalye ng mga accessibility feature, gaya ng mga walang baitang na pasukan at malalawak na pintuan, na kaaya-aya para sa mga bisitang may iba't ibang pangangailangan.

Maaaring matuklasan ng mas maraming uri ng bisita ang iyong listing kapag inilagay mo sa iyong listing ang lahat ng detalye, maliit man o malaki. Maaaring ang patuluyan mo lang pala ang hinahanap nila.

*Ayon sa internal na datos ng pagsubok ng Airbnb hanggang 4/14/2022.

Posibleng nagbago ang impormasyong nakasaad sa artikulong ito mula noong na-publish ito.