Pag‑update sa mga setting at availability

Kailangang organisado ka para masubaybayan ang kalendaryo at mga setting mo kapag marami kang listing. Makakatulong ang mga tool para sa propesyonal na pagho‑host ng Airbnb para ma‑update mo nang sabay‑sabay ang maraming listing.

Magagamit ang multi‑calendar para suriin at subaybayan ang availability ng lahat ng listing mo sa iisang lugar. Makakahikayat ng mas maraming bisita ang pag‑aalok ng iba't ibang opsyon sa pagbu‑book. Mas malaki nang average na 45% ang kinita ng mga listing na tumanggap ng mga pamamalaging 28 gabi o mas matagal pa at ng maiikling pamamalagi kumpara sa mga listing na tumanggap lang ng maiikling pamamalagi noong 2022.*

Narito ang ilang setting na maaaring makatulong para mas madalas na maisama sa mga resulta ng paghahanap ang mga listing mo.

• Palugit ng availability: Gawing available ang hanggang 24 na buwan sa kalendaryo mo at maglagay ng diskuwento para sa maagang pagbu‑book para maagang mapuno ang mga paparating na petsa sa kalendaryo mo.
• Pagbu‑book sa mismong araw ng pag‑check in: Payagan ang pagbu‑book sa mismong araw ng pag‑check in ng mga bisita at maglagay ng diskuwento para sa pahabol na pagbu‑book. Buksan ang patuluyan mo sa mas maraming biyahero, gaya ng mga nakatira sa malapit.
• Minimum na tagal ng pamamalagi: Gawing mas maikli ang minimum na tagal ng pamamalagi para maisama ang mga listing mo sa mga resulta ng paghahanap ng mas maiikling pamamalagi at mapunan ang mga gabing hindi naka‑book sa kalendaryo mo.
• Maximum na tagal ng pamamalagi: Gawing 28 gabi o mas matagal pa ang maximum na tagal ng pamamalagi para maisama ang mga listing mo sa mga resulta ng paghahanap ng mas matatagal na pamamalagi.
  

Patok pa rin sa Airbnb ang mas matatagal na pamamalagi. Binubuo ng mga reserbasyong 28 gabi o mas matagal pa ang 18% ng lahat ng gabing na‑book sa buwan ng Hulyo, Agosto, at Setyembre noong 2023.**

Sa halip na paisa‑isang i‑edit ang bawat listing, isaayos ang availability mo sa pamamagitan ng sabay‑sabay na pag‑edit sa mga kategoryang ito:

• Tagal ng pamamalagi
• Diskuwento ayon sa tagal ng pamamalagi
• Patakaran sa pagkansela

Puwede ka ring magsaayos ng iba pang aspeto ng mga listing mo sa pamamagitan ng sabay‑sabay na pag‑edit sa mga kategoryang ito:

• Mga amenidad
• Uri ng property
• Mga bayarin at singil
• Lokasyon
• Paraan ng pag‑check in
• Mga karaniwang alituntunin sa tuluyan
• Mga detalye ng lokasyon
  

Para magsagawa ng sabay‑sabay na pag‑edit:

1. Tiyaking naka‑opt in ka sa mga tool para sa propesyonal na pagho‑host na sa desktop lang magagamit.

2. Pumunta sa Mga Listing mo at piliin ang lahat ng listing na gusto mong baguhin.

3. I‑click ang I‑edit.

4. Gumawa ng pagbabago at i‑click ang I‑save.

*Batay sa datos ng Airbnb para sa mga aktibong listing mula Enero hanggang Disyembre 2022

**Ayon sa ulat ng mga kita ng Airbnb para sa Q3 ng 2023

Kung gumagamit ka ng software na konektado sa API, maa‑access mo ang mga feature na ito sa software mo kung naidagdag na ng provider ang mga ito. Kung hindi, makipag‑ugnayan sa provider mo para alamin kung kailan magagamit ang mga ito.

Posibleng nagbago ang impormasyong nakasaad sa artikulong ito mula noong na‑publish ito.