Pagsasama‑sama ng mga diskuwento at pangkat ng mga tuntunin

Maraming ginagamit na salik sa pagkalkula ng presyo kada gabi kapag nag‑aalok ka ng iba't ibang diskuwento, nagsasama‑sama ka ng mga diskuwento at pangkat ng mga tuntunin, o nag‑aalok ka ng iniangkop na promo.

Kung magtatakda ka ng iba't ibang diskuwento para sa iisang yugto ng panahon, isa lang ang malalapat kada gabi. Laging malalapat ang diskuwentong may pinakamataas na priyoridad at mapapawalang‑bisa noon ang iba.

Ganito ang pagsasapriyoridad sa mga diskuwento:

1. Promo para sa bagong listing
2. Iniangkop na promo
3. Diskuwento ayon sa tagal ng pamamalagi
4. Diskuwento para sa maagang pagbu‑book
5. Diskuwento para sa pahabol na pagbu‑book

Halimbawa:

• Nag‑aalok ang itinakda mong iniangkop na promo para sa Hulyo ng 20% diskuwento sa presyo kada gabi na USD120.
• Nag‑aalok ang itinakda mong buwanang diskuwento ayon sa tagal ng pamamalagi ng 30% diskuwento sa presyo kada gabi na USD120.
• Makukuha ng bisitang magbu‑book sa buong buwan ng Hulyo ang iniangkop na promo, o ang 20% diskuwento, dahil mapapawalang‑bisa ng promo ang buwanang diskuwento ayon sa tagal ng pamamalagi.
• Magbabayad ang bisita ng USD96 kada gabi.

Unang malalapat lagi ang pangkat ng mga tuntunin. Kinakalkula ang anumang karagdagang diskuwento gamit ang presyo ayon sa pangkat ng mga tuntunin.

Halimbawa:

• Nag‑aalok ang itinakda mong pangkat ng mga tuntunin para sa Hulyo ng presyo kada gabi na USD100 sa halip na USD120.
• Nag‑aalok ang itinakda mong iniangkop na promo ng 20% diskuwento.
• Makakakuha ang bisita ng 20% diskuwento sa USD100 kada gabi dahil malalapat ang pangkat ng mga tuntunin bago ang iniangkop na promo.
• Magbabayad ang bisita ng USD80 kada gabi.

Malalapat sa presyo kada gabi ang 10% diskuwento para sa opsyong walang refund kapag nakalkula na ang lahat ng iba pang diskuwento.

Halimbawa:

• Nag‑aalok ang itinakda mong pangkat ng mga tuntunin para sa Hulyo ng presyo kada gabi na USD100 sa halip na USD120.
• Nag‑aalok ang itinakda mong iniangkop na promo ng 20% diskuwento sa presyong ayon sa pangkat ng mga tuntunin mo, o USD80 kada gabi.
• Kapag pinili ng bisita ang opsyong walang refund, makakakuha siya ng 10% diskuwento sa USD80.
• Magbabayad ang bisita ng USD72 kada gabi.

Kapag nagtakda ka ng iniangkop na promo, batay sa median na presyo sa nakalipas na 60 araw ang presyo kada gabi. Pinagsusunod‑sunod mula sa pinakamababa pataas ang lahat ng presyo kada gabi na itinakda mo para sa panahon ng promo, at ang presyo na matatapat sa gitna ang median.

Halimbawa:

• Nagtakda ka ng presyo para sa patuluyan mo na USD100 sa loob ng 30 araw at USD125 sa loob ng 30 araw sa nakalipas na 60 araw.
• Kakalkulahin ng Airbnb ang average ng dalawang presyo na iyon para makuha ang median na presyong USD112.50.
• Nag‑aalok ang itinakda mong promo ng 20% diskuwento sa median na presyo (USD112.50).
• Magbabayad ang bisita ng USD90 kada gabi.

Kung walang median na presyo sa nakalipas na 60 araw para sa isang gabi, hindi iyon malalapatan ng iniangkop na promo o diskuwento para sa pahabol na pagbu‑book. Ganito dapat ang petsa:

• Kasalukuyang hindi naka‑block
• Hindi naka‑block sa loob ng 28 araw sa nakalipas na 60 araw
• Wala pang 90 araw sa hinaharap

May ilang feature sa pag‑advertise na posibleng hindi gamitin para sa pagpo‑promote sa ilang rehiyon, gaya na lang ng paglalagay ng strikethrough. Walang pagsasapriyoridad ng diskuwento na nalalapat sa mga listing na gumagamit ng model sa pagtatakda ng presyo batay sa tagal ng pamamalagi sa pamamagitan ng nakakonektang API software.

Posibleng nagbago ang impormasyong nakasaad sa artikulong ito mula noong na‑publish ito.