Muling pag‑activate ng listing
Kailangang i‑deactivate minsan ang mga listing dahil sa pagkukumpuni, pagpapaayos, pagkasuspinde, o iba pang bagay. Simple lang muling mag‑activate kapag handa ka na.
Paghahanda para sa muling pag‑activate sa listing mo
Suriin ang listing mo para siguraduhing tumpak ito. Kung na‑deactivate ang listing mo dahil sa isyu sa kalidad, tugunan ang problema at siguraduhing isasaad sa listing mo ang mga update bago ka muling mag‑activate.
Suriin nang mabuti ang mga salik na ito.
- Presyo: Ihambing ang itinakda mong presyo kada gabi sa mga average na presyo ng mga katulad na listing sa malapit para alamin kung naaangkop ito sa kasalukuyang sitwasyon o dapat itong baguhin.
- Availability: Panatilihing updated ang kalendaryo mo para maiwasan ang pagkakansela ng mga reserbasyon.
- Mga litrato: Kumuha ng mga bagong malinaw na litrato para itampok ang kasalukuyang kalagayan ng tuluyan mo.
- Mga amenidad: Isaad ang anumang bagong amenidad o pag‑isipang magdagdag ng mga amenidad na hinahanap‑hanap ng mga bisita.
- Pamagat ng listing: Gumamit ng maikli at madaling basahing pamagat para mamukod‑tangi ang tuluyan mo sa mga resulta ng paghahanap.
- Paglalarawan sa listing: Magtakda ng angkop na dapat asahan gamit ang malinaw at tumpak na mga detalye.
- Pag‑check in at pag‑check out: Siguraduhing tama pa rin ang mga tagubilin mo sa pag‑check in at pag‑check out.
- Mga gawain sa pag‑check out: Suriin ang mga pangunahing dapat gawin ng mga bisita bago sila umalis tulad ng pag‑off ng mga ilaw o pag‑lock ng pinto.
Muling pag‑activate sa listing mo
Simple lang ang proseso ng muling pag‑activate ng listing. Sundin ang mga hakbang na ito:
- Pumunta sa Mga Listing at piliin ang listing na gusto mong muling i‑activate.
- Sa Mga pangunahing aspeto ng listing, pumunta sa Katayuan ng listing.
- Gawing Naka‑list ang Katayuan ng listing.
- I‑tap o i‑click ang I‑save.
Kapag nagawa mo nang Naka‑list ang katayuan, kadalasang mahahanap na ng mga bisita ang tuluyan mo sa mga resulta ng paghahanap sa loob ng 24 na oras pero posibleng abutin ito nang 72 oras.
Kung gumagamit ka ng software na konektado sa API, maa‑access mo ang mga feature na ito sa software mo kung naidagdag na ng provider ang mga ito. Kung hindi, makipag‑ugnayan sa provider mo para alamin kung kailan magagamit ang mga ito.
Posibleng nagbago ang impormasyong nakasaad sa artikulong ito mula noong na‑publish ito.