Ang tab na Mga Mensahe ang bago mong inbox

Ginagamit ng mga host ang inbox nang higit sa anupamang bahagi ng app. Sa bagong tab na Mga Mensahe, mas mabilis at mas simple na ang pakikipag‑ugnayan sa platform ng Airbnb.

Sa pinagandang inbox, nasa iisang lugar na ang mga mensahe mo tungkol sa pagho‑host, pagbiyahe, at suporta. Sa tab na Mga Mensahe, magagawa mong:

• I‑filter ang mga mensahe sa isang tap o click lang.
• Makipag‑ugnayan sa lahat ng bisitang sasama sa reserbasyon sa isang group message.
• Sagutin nang mas mabilis ang mga tanong ng bisita gamit ang mga mabilisang tugon na iminumungkahi ng AI.
• Tumugon sa mga mensahe gamit ang mga emoji.
• Walang hirap na maghanap sa lahat ng mensahe mo.

Sa default na view sa tab na Mga Mensahe, nakalista ang lahat ng mensahe mo. Piliin ang Pagho‑host, Pagbiyahe, o Suporta para i‑filter ang mga mensahe ayon sa uri.

Sa Pagho‑host, magagamit mo ang mga karagdagang filter na ito:

• Hindi pa nababasa: mga hindi pa nabubuksang mensahe ang ililista.
• Yugto ng reserbasyon: isinasaayos ang mga mensahe ayon sa mga kahilingan sa pagpapareserba, nalalapit na reserbasyon, kasalukuyang hino‑host, o nakalipas na reserbasyon.
• Mga listing: isinasaayos ang mga mensahe ayon sa listing kung higit sa isa ang listing mo.
• May star: inililista lang ang mga mensaheng minarkahan mo ng star.

Kung may co‑host ka, Superhost Ambassador ka, o nagho‑host ka ng Karanasan, mapapansin mo rin sa tab na Mga Mensahe ang mga filter na ito:

• Co-host: inililista ang mga pag‑uusap ninyo ng sinumang co‑host sa isang listing.
• Superhost Ambassador: inililista ang mga mensahe sa pagitan ninyo ng mga host na itinugma sa iyo.
• Mga Karanasan: mababasa mo rito ang mga mensaheng nauugnay sa mga booking ng Karanasan.

Magsisimula ng bagong pag‑uusap ang bawat bagong booking. May label ang bawat pag‑uusap tulad ng Nagpapareserba o Co‑host para malaman mo kaagad kung ano ang paksa. May berdeng tuldok na tutukoy kung tungkol sa kasalukuyan o nalalapit na booking ang mensahe. May pulang tuldok na tutukoy kung kailangan mong umaksyon. Halimbawa, kung kailangan mong tumugon sa kahilingang mag‑book.

Gamitin ang filter na Pagbiyahe para basahin ang mga mensaheng ipinapadala at natatanggap mo bilang bisita. Inililista naman ng filter na Suporta ang mga mensahe mo sa Airbnb Support.

Puwede nang makipag‑ugnayan ang mga host sa lahat ng bisitang sasama sa biyahe. Ganito ang proseso ng pagpapadala ng mensahe sa grupo:

• Mag‑iimbita ang nag‑book na bisita ng ibang taong sasali sa pag‑uusap.
• Idaragdag sa reserbasyon at sa group message para sa biyaheng iyon ang sinumang bisitang tatanggap sa imbitasyon. Mababasa ng mga bisita ang lahat ng mensahe kahit huli na silang sumali.
• Ipapadala sa lahat ng nasa group message ang mga mensahe mo.
• Piliin ang button na Mga detalye para sa higit pang impormasyon tungkol sa reserbasyon at pag‑uusap, kabilang ang listahan ng lahat ng sumali.
• Piliin ang litrato ng isang bisita para pumunta sa profile niya at kilalanin pa ang iho‑host mong bisita.

Tumutukoy ang mga mabilisang tugon sa mga template ng mensahe na gagawin mo para sumagot ng mga madalas itanong tungkol sa pag‑check in, pag‑check out, at higit pa. Kailangan mong i‑set up ang mga mabilisang tugon para magamit ang feature na mga mabilisang tugon na iminumungkahi ng AI.

Gumagamit ng AI ang feature na ito para intindihin ang tanong ng bisita at awtomatikong magmungkahi ng isa sa mga itinakda mong mabilisang tugon bilang sagot. Lalabas sa group message ang iminumungkahing mabilisang tugon at ikaw lang ang makakakita nito. Puwede mong suriin at i‑edit ito bago mo ipadala ang mensahe.

Sa tab na Mga Mensahe, puwede kang tumugon sa mga mensahe gamit ang mga emoji. Magagamit ng sinumang kasali sa pag‑uusap ang emoji na nakangiting mukha, puso, thumbs up, pumapalakpak, o tumatawa para tumugon sa mga mensahe.

May partikular na pag‑uusap bang kailangan mong mahanap? Naghahanap sa lahat ng mensahe mo ang na‑upgrade na tool para sa paghahanap.

Puwede kang maghanap sa mga mensahe gamit ang pangalan ng tao o partikular na salita o parirala. Isasaalang‑alang sa mga resulta ang anumang na‑apply mong filter para mas mabilis mong matunton ang hinahanap mong pag‑uusap.

Sumali sa Maagang Access para masubukan na ang tab na Mga Mensahe.

Posibleng nagbago ang impormasyong nakasaad sa artikulong ito mula noong na‑publish ito.