Gumamit ng mga mabilisang tugon para makatipid sa oras

Kadalasang magkakatulad ang tanong ng iba't ibang bisita sa host ng experience: Ano ang availability mo sa susunod na linggo? Saan tayo magkikita? Paano ako magpaplano kung sakaling uulan?

Puwede kang maghanda ng iisang sagot gamit ang mga mabilisang tugon sa tab na Mga Mensahe para makatugon nang mabilis.

Tumutukoy ang mabilisang tugon sa maikling nakasulat nang mensahe na naka‑save bilang template sa mga setting ng pagpapadala ng mensahe.

Sa pamamagitan ng mga placeholder para sa mga detalye, tulad ng pangalan ng bisita, maiaangkop ang bawat mensahe gamit ang impormasyong kukunin sa listing o reserbasyon.

Gumawa ng sarili mong mabilisang tugon o i‑edit ang mga template ng Airbnb. Halimbawa, kung madalas na kailangan mong makipag‑ugnayan sa mga bisitang male-late, subukang i‑save bilang mabilisang tugon ang karaniwang sagot mo.

Puwede kang magpadala kaagad ng mga mabilisang tugon o iiskedyul ang mga ito para awtomatikong ipadala sa ibang pagkakataon.

Para makapagpadala kaagad ng mabilisang tugon sa bisita:

• Pumunta sa tab na Mga Mensahe.
• Piliin ang pag‑uusap kung saan mo gustong sumagot.
• I‑tap ang plus sign (+) sa tabi ng Sumulat ng mensahe.
• Piliin ang Magpadala ng mabilisang tugon.
• Pumili ng mabilisang tugon. Lalabas ito sa pag‑uusap.
• I‑edit ang mensahe o ipadala iyon nang walang binabago.
• I‑tap ang arrow (↑) para ipadala ang mensahe.

May mga iminumungkahing tugon din sa tab na Mga Mensahe. Gumagamit ang mga iyon ng artificial intelligence para maintindihan ang tanong ng bisita at makapagmungkahi ng mabilisang tugon mo para sagutin iyon. Lalabas sa pag‑uusap ang iminumungkahing tugon. Sa iyo lang iyon ipapakita. Puwede mong i‑edit ang iminumungkahing tugon bago mo iyon ipadala. Puwede ka ring sumulat ng ibang tugon.

Para awtomatikong makapagpadala ng mabilisang tugon sa lahat ng bisita:

• Pumunta sa tab na Mga Mensahe.
• I‑tap ang icon ng mga setting sa itaas ng screen mo.
• I‑tap ang Pangasiwaan ang mga mabilisang tugon.
• Piliin ang mabilisang tugon na gusto mong iiskedyul at i‑tap ang Susunod.
• I‑tap ang Iiskedyul para sa at piliin kung kailan mo gustong matanggap ng mga bisita ang mensahe, halimbawa, sa pagkumpirma ng booking o dalawang oras bago magsimula ang experience.

Sa kumpirmasyon ng booking, may dalawa kang opsyon: Mag‑iskedyul ng direktang mensahe sa bawat bisitang magbu‑book, o group message pagkatapos mag‑book ng unang bisita. 

Kapag nag‑iskedyul ka ng group message, awtomatikong idaragdag sa thread ang mga bisitang magbu‑book ng experience para sa parehong petsa at oras. Mababasa nila ang lahat ng mensahe sa thread, kaya hindi mo na kailangang ulitin ang pagpapadala ng mensahe.

May lalabas na paalala sa pag‑uusap ninyo ng bisita kapag malapit nang ipadala ang nakaiskedyul na mabilisang tugon. Isaayos o laktawan ang pagpapadala ng mensahe kung uulitin lang niyon ang impormasyong naibahagi mo na.

Pinakamainam ang mabilisang tugon kapag maikli at nakatuon iyon sa iisang paksa. Makakahanap ka ng mga nakahanda nang template sa tab na Mga Mensahe para sa mga karaniwang paksa tulad ng mga ito. Subukang ipadala ang mga ito sa mahahalagang sandali.

• Pagkumpirma ng booking: Magpadala ng pambungad na mensahe para magpakilala at kumustahin ang mga bisita kung mayroon silang tanong o espesyal na kahilingan, gaya ng mga partikular na pangangailangan o preperensya sa pagkain.
• Paghahanda: Tulungan ang mga bisita na masulit ang experience sa pamamagitan ng pagtatakda ng mga dapat asahan, tulad ng pagpapadala ng ulat ng panahon na may mga tip kung ano ang isusuot o dadalhin para maging komportable sila.
• Bago ang experience: Makipag‑ugnayan 24 na oras bago ang takdang petsa para ipaalala sa mga bisita ang oras ng pagsisimula at lokasyon ng pagkikita. Magbigay ng mga malinaw na direksyon kung paano makapunta roon.
• Pagkatapos ng experience: Magbahagi ng mga lokal na rekomendasyon at pag‑isipang humingi ng feedback at pampublikong review sa mga bisita.

Kapag nagdagdag ka ng mga litrato o video sa mga mabilisang tugon, mas madali kang makakapagpakilala, makakapagbigay ng ideya sa hitsura ng lugar ng pagkikita, o makakapagpakita ng mga highlight ng experience. Halimbawa, kung kumuha ka ng mga litrato ng mga bisita sa aktibidad, maglakip ng ilan sa mga ito sa mabilisang tugon na “pagkatapos ng experience” bago mo ito ipadala.

Kapag nakumpirma na ang mga booking, makakapaglakip ka na ng mga file sa mga mensahe. Magpadala ng mga litratong PNG o JPG (hanggang 50 megabyte) at mga video na MP4 o MOV (hanggang 100 megabyte at 60 segundo).

Posibleng mag-iba ang karanasan ng user depende sa lokasyon. Posibleng nagbago ang impormasyong nakasaad sa artikulong ito mula noong na‑publish ito.