Ang kailangan mong malaman tungkol sa pagpapatuloy ng mga pamilya
Maraming tanggapan, paaralan, at daycare center sa iba't ibang panig ng mundo ang sarado kaya mas madali na ngayong makakapili ang mga magulang kung saan sila maninirahan at magtatrabaho. Marami ang interesadong bumiyahe nang mas madalas— at pansamantalang lumipat kasama ng kanilang mga pamilya—sa mga lugar na mas malawak at kung saan puwedeng lumabas.
Posibleng hindi ligtas ang pagpapatuloy ng mga bata sa ilang lugar. Pero kung handa kang patuluyin sila, narito ang dapat mong malaman.
Magandang magplano nang maaga para sa pagho-host ng mga pamilya
Kung hindi ka sigurado sa pagpapatuloy ng mga bisitang may kasamang mga bata sa iyong patuluyan, may ilang bagay kang puwedeng gawin para mas makampante ka.
Makipag-ugnayan nang maaga tungkol sa kung ano ang available—at hindi available—sa iyong patuluyan.
Tulungan ang mga magulang na mag-empake sa pamamagitan ng pagdedetalye sa lahat ng nakahanda nang amenidad na pampamilya. Puwede ring isaad sa iyong guidebook ang mga rekomendasyon kung saan makakakuha o makakabili ng mga supply.
Updating your listing
Magsagawa ng pangunahing mga hakbang para sa kaligtasan para maprotektahan ang iyong mga bisita at ang iyong patuluyan.
- Tumulong na mapanatag ang isip ng lahat sa pamamagitan ng paglalagay ng smoke at carbon monoxide alarm at fire extinguisher malapit sa lutuan sa kusina
- Tandaang maglagay ng ganitong mga amenidad sa iyong listing, at huwag kalimutang regular na palitan ang mga baterya
- Isama ang mga lokal na numerong pang-emergency sa iyong manwal ng tuluyan at sa card na mabilisang masasangguni ng mga bisita
Alamin ang dapat gawin kung magkaroon ng isyu.
Maaari pa ring magkaaksidente gaano ka man kahanda, pero may ilang paraan para maprotektahan mo ang iyong sarili habang nagho‑host ka sa Airbnb.
- Humingi ng bayad sa pamamagitan ng Resolution Center: Puwede kang dumulog sa Resolution Center para sa mga nawawala o nasirang gamit, mga dagdag na serbisyo, o iba pang isyung may kaugnayan sa biyahe, gaya ng pagkawala ng susi ng bahay. Puwede ka ring magpadala ng pera sa bisita para mabayaran siya kaugnay ng mga isyung gaya ng hindi handa ang patuluyan mo noong nag‑check in siya.
- Alamin ang AirCover para sa mga Host: Kasama sa AirCover para sa mga Host ang proteksyon sa pinsala para sa host at insurance sa pananagutan para sa host. Palaging kasama at palaging libre ito.