Mga pagpapaganda sa inbox para pangasiwaan ang pakikipag‑ugnayan sa mga bisita
Note ng editor: Na‑publish ang artikulong ito bilang bahagi ng Airbnb 2023 Release sa Mayo. Maaaring nagbago ang impormasyon mula noong na‑publish ito. Matuto pa tungkol sa pinakabago naming release ng produkto.
Para maging matagumpay ang pagho‑host, kailangang epektibo ang pakikipag‑ugnayan sa mga bisita at kumokonsumo iyon ng oras. May dalawa kaming upgrade para pasimplehin ang pakikipag‑ugnayan: ang palatandaang nabasa na at mga bagong mabilisang tugon.
Palatandaang nabasa na
Sinabi mo sa aming gusto mong malaman kung natanggap na ng mga bisita ang mga mensahe mo. Sa pamamagitan ng palatandaang nabasa na, malalaman na ng mga host at bisita kung nabasa na ang mga mensahe nila.
Kapag nabasa mo na o ng mga bisita mo ang mensaheng ipinadala gamit ang Airbnb app, may lalabas na palatandaang nabasa na sa ibaba lang ng huling mensahe sa thread ng mensahe.
Bilang default, io‑on para sa lahat ng user ng Airbnb ang palatandaang nabasa na sa unang bahagi ng Hunyo. Para i‑off iyon, pumunta sa seksyong Privacy at pagbabahagi sa mga setting ng account mo.
Mga bagong mabilisang tugon
Matipid na sa oras ang paggamit ng mga mabilisang tugon at mga nakaiskedyul na mensahe. Ngayon, puwede ka nang magdagdag ng kapaki‑pakinabang na card na naka‑link sa bago mong mga tagubilin sa pag‑check out sa anumang mabilisang tugon o nakaiskedyul na mensahe.
Para mas mabilis mo itong magawa, magdaragdag kami ng mga awtomatikong suhestyon sa inbox mo. Ganito ang proseso ng mga ito:
Kung magpadala ng mensahe ang iyong bisita tungkol sa pag‑check out, makakatanggap ka ng awtomatikong suhestyon na magpadala ng mabilisang tugon na naka‑link sa mga tagubilin sa pag‑check out mo.
Kung hindi ka pa gumagawa ng mga tagubilin sa pag‑check out, makakatanggap ka ng awtomatikong suhestyon na gumawa noon, saka mo maibabahagi ang mga iyon bilang card ng mabilisang tugon.
Kasama ang mga feature ng inbox na ito sa Airbnb 2023 Release sa Mayo na may 25 upgrade para sa mga host. Sumali sa Maagang Access para magamit na ang mga bagong tool na ito.