Paano isalaysay ang iyong kuwento

May mga nalalaman ang mga Superhost na sina Tereasa at David tungkol sa kapangyarihan ng pagkukwento. Bilang mga magulang, preservationist, creative director, nai-publish na may-akda, at may-ari ng Camp Wandawega sa Elkhorn, Wisconsin, natutunan nila kung paano napagsasama-sama ng paggawa ng mga salaysay ang mga tao. "Nang magsimula kaming tumuklas at mag-post ng mga detalye ng kasaysayan ng camp - bilang isang lugar na ilegal na nagbebenta ng alak noong 1920s, isang lugar na pinagpupulungan ng mafia, isang bahay-aliwan, isang summer camp para sa komunidad ng mga refugee mula sa Latvia, pati na rin ang aming sariling koneksyon dito - nalaman naming na naka-relate talaga ang mga tao rito,” sabi ni Tereasa.

Dito, nagbahagi sila ng ilang bagay na kapupulutan ng aral tungkol sa kung paano mahanap at mabuo ang kuwento ng iyong patuluyan.

Tereasa: "Kahit na hindi isang daang-taong bar o nightclub ang iyong lugar, laging may kuwentong maisalaysay. Para mahanap ang iyong kuwento, magsimula sa pagsasaliksik:

• Ano ang kasaysayan ng iyong patuluyan?
• Anong mga karanasan ang natatangi sa iyong bayan na hindi makukuha ng mga bisita sa iba pang lugar?
• Ano ang mga interesanteng detalyeng baka hindi mo pinapansin?

Magsaliksik ka at ilagay iyon sa iyong listing. ”

David: “Marami ka pang ibang maibabahagi sa iyong listing bukod sa bilang ng mga silid-tulugan at banyo. Nais malaman ng mga tao kung saan sila makakakuha ng masarap na kape at saan ang iyong mga paboritong lugar — kaya't ibahagi kung ano ang kakaiba sa karanasang maiaalok mo. Naghahanap ang mga bisita ng koneksyon at dahilan para maging emosyonal na kabahagi, at nakakatulong ang mga kuwento na pagsama-samahin tayo."

David: "Maaga pa lang, nalaman namin na kailangan naming pangasiwaan nang maaga ang mga inaasahan ng mga tao dahil ayaw naming mabigo sila. Kaya ginawa namin ang aming Pahayag sa Mabababang Inaasahan. Isa itong nagbibirong paraan para maipakilala namin ang buhay sa kabukiran habang nagka-camping. Sinasabi nito sa mga tao kung ano ang aasahan — na madalas ay hindi kasiya-siyang mga insekto, mga nilalang sa kagubatan, at walang aircon — kaya kung kailangan mo ng mga sapin mula sa Egypt o modernong luho, baka hindi ito ang lugar para sa iyo.”

Tereasa: "Walang pagpapanggap ang lugar namin. Kaya naman ipinapakita namin iyon sa wikang ginagamit namin para ilarawan ang aming patuluyan. Napagpasyahan naming maging matapat sa mga tao. Gumamit kami ng tonong nakakatawa pero totoong totoo. Ginagawa naming katatawanan ang mga eksaherasyon at ito ang nagbibigay sa amin ng sense of humor, na sa tingin ko ay siya namang dahilan kung bakit naging mas madali kaming lapitan. At hindi mo kailangang maging isang manunulat para maging madaling malapitan — puwedeng ilarawan mo lang ang iyong lugar sa isang talagang mapagpakumbabang pamamaraan."

David: "Kapag nagse-surf ako sa Airbnb, nagugustuhan ko kapag lumalabas ang personalidad ng isang tao sa paraan ng kanilang paglalarawan sa kanilang lugar. Lalo na kung magkakasama tayo sa isang patuluyan, gusto kong malaman kung mayroon kang sense of humor at isa kang taong gugustuhin kong makasama. Hindi dapat eksaherado ang iyong paglalarawan. Huwag subukang magpanggap na pinakamahusay sa anumang bagay sa buong mundo. Maging matapat, makatotohanan, at masaya dahil gusto ng mga taong maging komportable kapag namalagi sila sa iyong lugar."

Tereasa: "Upang madagdagan ang interes at mga pag-book, palakasin ang social media presence ng iyong patuluyan. Sa katotohanan, sa social media tayo unang nahahanap ng karamihan sa mga tao. Hindi nila sinasadyang makita ang aming mga litrato o nakikita nila ang mga ito sa aming Instagram feed — talagang mahusay itong paraan para magkaroon ng mga tagasubaybay at maanyayahan sila sa mga posibilidad na puwede nilang maranasan sa camp. Ilang tip:

• Subukang ibahagi ang mga sandali ng buhay na gustong maranasan ng mga tao. Maganda kung mayroon kang librong sa tabi ng kama, at isang umuusok na tasa ng kape na may tanawin sa bintana — lahat ng ito.
• Mahalagang nakakahimok na elemento para sa visual na pagkukuwento ang mahusay na pag-iistilo at magandang pagkuha ng litrato. Gawin itong nakakaengganyo at maganda!"

David: "Kapag bumibisita ang mga tao sa Wandawega, hindi ko mabilang kung gaano karaming beses sinasabi sa akin ng mga tao na nakakita sila ng litrato sa Instagram, at gusto nilang tumakbo kaagad papunta roon para muling gawin ang sandaling iyon para sa mga sarili nila. Nagiging bucket list ng mga sandali ang Instagram — at isang visual na preview ng iyong patuluyan para sa target mong bisita. Kadalasan, puwedeng ito ang maging dahilan para ma-book ang iyong patuluyan.”

David: "Sa simula, marami kaming nagawang pagkakamali. Pero natutunan naming tanggapin ang tinatawag nating upfailing—at ang kaguluhan ng buhay. Halimbawa, sa pagkukuwento, nalaman namin na mayroong tinatawag na sobrang pagbabahagi. Bagama't gustong gusto ng mga taong marinig ang kuwento tungkol sa madam sa bahay-aliwan, sa mafia, at sa mga naganap na pagpatay - hindi nila kinakailangang malaman kung saan ito nangyari - lalo na kung kailangan nilang matulog doon. Sa paglipas ng panahon, matutuklasan mo kung ano ang gumagana, kung ano ang hindi, at kung saan nakaka-relate ang mga taong nagbabasa."

Tereasa: "Para sa amin, ang upfailing ay tungkol sa pagturing sa bawat balakid bilang isang pagkakataon na lumago. Ito ang paraan para matuto ka.”

Tereasa: "Noong una kaming nagsimula sa paglalakbay na ito, mayroon akong malaking takot na ibahagi ang aming mga 'dati' na litrato. Akala ko walang sinuman ang gugustuhing mamalagi sa amin dahil sa kung gaano kakila-kilabot ang hitsura nito. Pero talagang nakuha namin ang pinakamaraming pakikipag-ugnayan mula sa mga 'dati at pagkatapos' na litrato.”

David: "Tumutugon ang mga tao sa katapatan. Nais nilang makita ang proseso. Muli, naghahanap sila ng isang personal na koneksyon — kaya huwag matakot na ibahagi ang ilang parte ng iyong personal na paglalakbay. Panatilihin itong matapat, at sabihin ang iyong natatanging kuwento."

Matuto pa tungkol sa pagiging host