Palaguin ang negosyo mong pagho‑host

Habang lumalago ang negosyo mong pagho‑host, mainam na humanap ng mga paraan para maparami ang booking at patuloy na magpalago.

Makakatulong ang pagho‑host sa Airbnb para masuportahan ang mga layunin mo sa negosyo, gusto mo mang magdagdag ng mga bago o dati nang property o mamuhunan sa mga kasalukuyang listing.

• Pagiging patok sa mga bisita: Mataas pa rin ang demand ng mga bisita. Dumami nang 14% ang mga na‑book na pamamalagi at Karanasan noong Hulyo, Agosto, at Setyembre 2023 kumpara sa mga buwang ito noong 2022.*
• Tuloy‑tuloy na paglago: Mahigit USD19 na bilyon ang kinita ng mga Airbnb host mula Hulyo hanggang Setyembre 2023 pa lang. Pagsapit ng Nobyembre 2023, patuloy na nagkaroon ng dalawang digit na porsyento ng pagdami ng mga aktibong listing sa Airbnb sa iba't ibang rehiyon at uri ng merkado.*
• Pamumuhunan sa customer service: Noong tag‑araw ng 2023, nasagot namin ang 94% ng mga tawag sa English at siyam pang ibang wika sa loob ng dalawang minuto. Noong Nobyembre 2023, sinimulan naming itugma ang mga tumatawag sa mga ahente ng customer service na mas mabilis na makakatugon sa mga partikular na isyu.*
• Tuloy‑tuloy na pagpapahusay: Milyon‑milyon na ang nakolekta naming feedback kung paano mapapahusay ang Airbnb. Mula noong sinimulan namin ang dalawang beses sa isang taon na pag‑release ng produkto noong 2021, mahigit 350 bagong feature at upgrade na ang nailunsad namin.

Kapag mayroon ka nang tatlo o higit pang listing, matutulungan ka ng mga Market Associate ng Airbnb na palaguin ang negosyo mo.

Magagawa ng mga Market Associate na:

• Tulungan kang magdagdag ng mga bagong property sa Airbnb
• Sumuporta sa mahusay na pag‑set up sa mga listing mo
• Sumagot ng mga tanong tungkol sa propesyonal na pagho‑host
• Magbahagi ng mga insight tungkol sa mga trend sa pagbu‑book at pinakamahusay na kasanayan
• Magbigay ng impormasyon tungkol sa mga patakaran ng Airbnb at update sa mga produkto para sa propesyonal na pagho‑host

Tandaang hindi makakatulong ang mga Market Associate sa mga isyu sa customer service, gaya ng mga problema sa mga kasalukuyang reserbasyon o katulad na tanong tungkol sa account.

Para humingi ng tulong sa Market Associate, padalhan kami ng email at ibahagi ang lokasyon mo at bilang ng listing na mayroon ka. Siguraduhing gamitin ang email address na nauugnay sa Airbnb account mo. Makikipag‑ugnayan kami sa iyo para mag‑iskedyul ng tawag.

*Ayon sa ulat ng mga kita ng Airbnb para sa Q3 ng 2023

Kung gumagamit ka ng software na konektado sa API, maa‑access mo ang mga feature na ito sa software mo kung naidagdag na ng provider ang mga ito. Kung hindi, makipag‑ugnayan sa provider mo para alamin kung kailan magagamit ang mga ito.

Posibleng nagbago ang impormasyong nakasaad sa artikulong ito mula noong na‑publish ito.