Ano ang kuwarto sa Airbnb?

Posibleng maging paraan para kumita ng pera at makakilala ng mga tao ang iyong ekstrang espasyo. Kung mayroon kang ekstrang kuwarto, maaari kang mag-set up ng listing at tumanggap ng mga bisita sa iyong tuluyan.

“Kapaki-pakinabang ito, at hindi lang sa usaping pinansyal,” sabi ni Eric, isang Superhost sa Los Angeles. “Pumupunta ang mga bisita sa California para maglakbay nang sarili nila, pero masayang paglalakbay rin ito para sa amin, dahil hindi namin alam kung sino ang darating. Marami kaming natututuhan tungkol sa mga lugar sa buong mundo.”

Patok ang Mga Kuwarto sa buong mundo at pangatlo ito sa ranking sa mga booking sa lahat ng uri ng lugar na matutuluyan sa Airbnb.* Makakahanap at makakapag-book ng mga kuwarto ang mga bisita kapag pinili ang Kuwarto sa filter sa paghahanap.

Narito ang dapat mong malaman para makapagsimulang mag‑host ng kuwarto.

Kapag nag-book ng kuwarto ang bisita, makakakuha siya ng sariling pribadong kuwarto sa tuluyan ng host. Magagamit din niya ang mga common area kasama ang iba pang bisita.

Para maging kwalipikado bilang kuwarto, kailangang matugunan ng listing ang lahat ng pamantayang ito:

• May sariling pribadong kuwarto na may pinto ang bisita.

• May magagamit na pribado o pinaghahatiang banyo ang bisita.

• May magagamit ang bisita na kahit man lang isang common space, gaya ng kusina, sala, o likod‑bahay.

• Ginagamit ng host ang sarili niyang pangalan sa listing sa halip na pangalan ng negosyo o iba pang pangalan.

• Pinili ang “kuwarto” bilang uri ng listing o kuwarto sa mga setting ng listing ng host.

• Hindi pinaghahatiang kuwarto, hotel, resort, tent, campervan, hiwalay na unit (gaya ng bungalow sa bakuran), o anupamang uri ng property na nasa listahang ito ang pribadong kuwarto.

Kung hindi nakakatugon sa mga pamantayang ito ang listing mo, pumili ng ibang uri ng lugar kapag sine-set up ang listing.

Higit pang mapapakinabangan ang mga ekstrang kuwarto kaysa mangolekta ng alikabok o gawing taguan ng mga gamit. Kasama sa mga pakinabang ng pagli-list ng tuluyan na iyon ang:

• Pagkakaroon ng kita. Noong 2022, kumita ang mga host ng kuwarto ng mahigit USD2.9 bilyon sa iba't ibang panig ng mundo, at tumaas nang mahigit 20% ang median na kita mula sa 2021.**

• Pakikipag-ugnayan sa iba. Puwedeng humantong sa makabuluhang pakikisalamuha sa mga biyahero ang pagbabahagi ng iyong tuluyan, mga interes, kultura, at mga lokal na insight.

• Paggamit sa tuluyan na mayroon ka na. Sa pag-aalok ng iyong ekstrang kuwarto, makakapaghatid ka ng komportableng lugar na matutulugan ng mga magbabayad na bisita, nang hindi gumagastos nang malaki na maaaring mangyari kung magho-host ka ng isang buong tuluyan.

“Malaki ang bahay ko at mag‑isa akong nakatira dito, kaya perpekto ang lokasyon at sitwasyon ko para makapag‑host,” sabi ni Ruth, isang host sa Perth, Australia. “Hindi ko na kailangang gumastos nang malaki para makabili ng mga higaan, baguhin ang mga kuwarto, isaayos ang mga furniture, o anumang gaya nito.”

*Batay sa pandaigdigang datos ng Airbnb na nakolekta mula Mayo 2022 hanggang Marso 2023

**Median na kita para sa lahat ng host ng kuwarto sa iba't ibang panig ng mundo

Posibleng nagbago ang impormasyong nakasaad sa artikulong ito mula noong na‑publish ito.