Ano ang Patakaran sa mga Malubhang Nakakaudlot na Pangyayari?

Pinakamahalaga para sa amin ang kaligtasan ng mga host at bisita. Kapag hindi ka makakapag‑host dahil sa kalamidad, krisis sa kalusugan ng publiko, o iba pang malawakang pangyayari, may patakaran kaming ipinapatupad para makatulong na protektahan ka at ang mga bisita mo.

Patakaran sa mga Hindi Inaasahang Pangyayari ang tawag dati sa patakarang ito. Gumawa kami ng pagbabago sa nilalaman at pangalan ng patakaran para mas madali itong maunawaan.

Malalapat ang binagong Patakaran sa mga Malubhang Nakakaudlot na Pangyayari sa lahat ng pamamalagi at Karanasang nakatakda sa o pagkalipas ng Hunyo 6, 2024, kailan man ipinareserba ang mga iyon.*

Ipinapaliwanag ng patakaran kung paano pinapangasiwaan ng Airbnb ang mga pagkansela at refund kapag naapektuhan ang reserbasyon ng mga malawakang pangyayari.

Saklaw ang mga sumusunod na pangyayari kung maapektuhan ng mga iyon ang lokasyon ng ipinareserba, mangyari ang mga iyon pagkatapos magpareserba, at hadlangan ng mga iyon o ipagbawal dahil sa mga iyon ang pagsasagawa o pagpapatuloy sa reserbasyon:

• Mga idineklarang emergency na may kinalaman sa kalusugan ng publiko at mga epidemya. Kasama rito ang mga epidemya, pandemya, at emergency na may kinalaman sa kalusugan ng publiko na idineklara ng pamahalaan. Hindi kasama rito ang mga sakit na karaniwang lumalaganap o nauugnay sa isang lugar. Hindi saklaw ang COVID‑19 ng Patakaran sa mga Malubhang Nakakaudlot na Pangyayari.
• Mga paghihigpit ng gobyerno sa pagbiyahe. Kasama rito ang mga mandatoryong paghihigpit na ipinataw ng isang ahensya ng pamahalaan, gaya ng kautusang lumikas. Hindi kasama rito ang mga babala sa paglalakbay at katulad na patnubay mula sa pamahalaan.
• Mga aksyon ng militar at iba pang labanan. Kasama rito ang mga digmaan, labanan, pananalakay, digmaang sibil, terorismo, pagsabog, pagbomba, pag‑aaklas, kaguluhan, at himagsikan.
• Malawakang pagkawala ng mga pangunahing utility. Kasama rito ang matagalang pagkawala ng mga pangunahing utility, gaya ng heating, tubig, at kuryente, na nakakaapekto sa karamihan ng mga tuluyan sa isang partikular na lokasyon.
• Mga kalamidad. Kasama rito ang mga kalamidad at iba pang malubhang pangyayaring dala ng lagay ng panahon. Saklaw lang ang mga lagay ng panahon o kalikasan na karaniwang nangyayari kaya posibleng maasahang mangyari sa isang partikular na lokasyon kapag nauwi ang mga iyon sa isa pang pangyayaring saklaw ng patakaran na makakahadlang sa pagtuloy sa reserbasyon. Halimbawa, saklaw lang ang bagyo kapag panahon ng bagyo sa Mexico kung mauuwi iyon sa mandatoryong kautusang lumikas.

Kung saklaw ang pangyayari:

• Puwedeng magkansela ng reserbasyon ang mga host nang hindi mapapatawan ng multa o iba pang penalty. Iba‑block ang kalendaryo ng listing nila para sa mga petsang kakanselahin.
• Puwedeng magkansela ng reserbasyon ang mga bisita at maaari silang makatanggap ng refund o credit sa biyahe anuman ang patakaran sa pagkansela ng host. Mananatiling available ang kalendaryo ng listing kung bisita ang magkakansela ng reserbasyon.
• Walang matatanggap na payout ang host kapag kinansela ng host o bisita ang reserbasyon.
• Puwedeng kanselahin ng mga host at bisita ang mga natitirang gabi kahit nakapag‑check in na ang mga bisita.

Kung hindi saklaw ang pangyayari:

• Mapapailalim sa bisa ng patakaran sa pagkansela ng listing ang pagkansela ng bisita.
• Mapapailalim ang pagkansela ng host sa bisa ng Patakaran sa Pagkansela ng Host na posibleng magpataw ng multa at iba pang penalty.
• Puwede pa ring magkasundo sa refund ang mga host at bisita sa labas ng patakaran.

Gumawa kami ng pagbabago sa nilalaman at pangalan ng patakaran para tugunan ang natanggap naming feedback ng mga host at bisita. Halimbawa, may mga host na nahihirapang tukuyin kung saklaw ang isang inaasahang pangyayaring may kinalaman sa lagay ng panahon o iba pang pangyayaring nakakaapekto sa kakayahan ng mga bisita na bumiyahe.

Narito ang mahahalagang update:

• Malalapat lang ang patakaran sa mga pangyayari sa lokasyon ng ipinareserba. Hindi na saklaw ang mga pangyayaring nakakaapekto sa kakayahan ng bisita na bumiyahe papunta sa ipinareserba niya.
• Malinaw na puwedeng masaklaw ang mga inaasahang pangyayaring may kinalaman sa lagay ng panahon sa lokasyon ng ipinareserba kung mauuwi ang mga iyon sa isa pang saklaw na pangyayari, gaya ng paghihigpit ng gobyerno sa pagbiyahe o malawakang pagkawala ng utility.

Hiwalay sa Patakaran sa mga Malubhang Nakakaudlot na Pangyayari ang Patakaran sa Pagkansela ng Host. Sa Patakaran sa Pagkansela ng Host, hindi sisingilin ng Airbnb ang mga bayarin at, sa ilang sitwasyon, maging ang iba pang posibleng ipataw kung magkakansela ang host dahil sa ilang partikular na wastong dahilan na hindi kontrolado ng host, gaya ng pumutok na tubo. Inaasahang igagalang ng mga host ang mga nakumpirma nang reserbasyon ayon sa Patakaran sa Pagkansela ng Host.

Sa parehong patakaran, obligado ang mga host na magkansela kung hindi makakapamalagi sa patuluyan nila o hindi tumutugma ang patuluyan nila sa ipinareserba ng bisita. Halimbawa, kung hindi magagamit ang pool mo pagkatapos ng malakas na bagyo pero nakasaad sa listing mo na may pool ka, kailangan mong magkansela o makipagkasundo sa mga bisita bago ang nakatakdang pag‑check in.

*Maliban kung may ibang ipaalam ang Airbnb sa mga partikular na user.

Hindi nalilimitahan ng patakarang ito ang mga karapatan ng mga host at bisita ayon sa mga lokal na batas at regulasyon, at walang epekto sa mga karapatan nila ayon sa batas ang anumang desisyong gagawin ng Airbnb sa bisa ng patakarang ito.

Posibleng nagbago ang impormasyong nakasaad sa artikulong ito mula noong na‑publish ito.