Paghahanda ng simpleng pag-check in na nagpapahusay sa pamamalagi
Bilang bahagi ng mga pangunahing alituntunin para sa mga host, dapat mong ibigay sa mga bisita ang impormasyong kailangan nila para makapasok sa patuluyan mo sa pag-check in at sa buong panahon ng pamamalagi nila. Madalas na nag-aalok ang magagaling na host ng sariling pag-check in gamit ang mga device na tulad ng mga smart lock, keypad, o lockbox, at may backup na plano sila sakaling magkaroon ng problema.
Paghahanda ng madaling pag-check in
Maghanda ng simpleng pag‑check in at subukan iyon para makumpirmang gagana iyon para sa lahat ng bisita sa lahat ng pagkakataon.
Gamitin ang Airbnb app para maglagay sa listing mo ng mga detalyadong tagubilin sa pag‑check in. Hihilingin ng app na maglagay ka ng mga litrato ng proseso ng pag‑check in mo at maiikling note sa tagubilin na madaling mababasa ng mga bisita.
Ilagay ang tamang address at pin ng lokasyon. Kung nasa liblib na lugar ang patuluyan mo o walang signal sa malapit, maglagay ng mga eksaktong direksyon para hindi malito ang mga bisita.
Ipadala ang mga tagubilin sa pag‑check in tatlong araw bago ang takdang petsa. Kumpirmahin sa mga bisita na natanggap nila ang mga iyon at alamin kung may mga tanong sila.
Siguraduhing makakaugnayan ka sa oras ng pag‑check in. Kung magkaproblema man, mainam na makakahingi sila ng tulong sa iyo para maayos mo ang isyu.
Pagbibigay ng ibang opsyon sa halip na susi
Isang paraan para mapadali ang pag-check in ang pagkakabit ng smart lock o keypad na magagamit ng mga bisita para buksan ang pinto gamit ang code. Bago ang bawat pag-check in, puwede mong palitan ang code at ipadala sa bisita ang natatanging numero na gagamitin niya.
Regular na tiyaking gumagana ang lahat ng system. Gumagamit ka man ng mga device o personal mong sinasalubong ang mga bisita, mainam kung may lockbox kang may backup na susi.