Paano tinanggap ng isang kapitbahayan sa Rome ang isang refugee sa bago niyang tahanan

Airbnb.org na ngayon ang Open Homes

Airbnb.org na ngayon, isang bagong 501(c)(3) nonprofit, ang programang Open Homes ng Airbnb. Nagpapasalamat kami sa iyo sa pakikiisa mo sa amin para mabuo ang komunidad ng Open Homes. Nasasabik kaming makasama ka sa bagong kabanatang ito.

Noong nabasa ni Els, isang Superhost sa Rome, ang tungkol sa programang Open Homes sa Airbnb, natawag ang pansin niya at nagpasya siyang mag-sign up. Nakapagpatuloy na siya ng mga biyahero mula sa iba't ibang panig ng mundo, pero alam niyang magiging espesyal na karanasan sa pagho-host ang pag-aalok ng pansamantalang lugar na matutuluyan para sa mga refugee habang nagsisimula pa lang sila sa kanilang mga bagong komunidad.

Noong nakipag-ugnayan kay Els ang Refugees Welcome Italia tungkol sa pagho-host kay Fode—isang binata mula sa Mali, West Africa na kinilala kamakailan bilang refugee—nasabik siya sa pagkakataong makapagdulot ng positibong epekto sa buhay ng isang tao. Binago silang dalawa ng karanasang ito.

Kabado at sabik si Els na i-host si Fode. Bilang isang Belgian na nakatira sa Rome, alam niya kung paano magsimula ng bagong buhay sa isang bagong lugar, at gusto niyang iparamdam rin sa iba ang natanggap niyang hospitalidad sa Italy. Sa tulong ni Sara, isang case worker mula sa Refugees Welcome Italia, naihanda siya sa dapat niyang asahan, at alam niyang handang tumulong si Sara sa buong proseso.

Agad na naging malapit sa isa't isa sina Els at Fode noong nagkakilala sila. Kasing-edad ni Fode ang anak na lalaki ni Els, at bilang ina, naantig ang puso ni Els habang ikinukuwento ni Fode sa kanya ang naging karanasan niya. Sa panahon ng pamamalagi ni Fode, naging parang magkapamilya na sila. Naging bahagi rin ng buhay ni Fode ang kanyang mga kapitbahay. Tulad ng pagtanggap at pagtulong nila kay Els pagkalipat niya mula sa Belgium, ipinamalas nila ang parehong hospitalidad at pagmamahal kay Fode. Kapag wala si Els, kadalasang bumibisita si Fode sa mga kapitbahay sa kasunod na palapag, at tumitikim siya ng mga lutuing Italian at nagpapalitan sila ng kaalaman tungkol sa kultura ng isa't isa.

Sinabi ni Fode na ang pamumuhay kasama si Els ang pinakamasayang naranasan niya mula nang makarating siya sa Italy. Nagulat siya sa pagkalinga at pag-aalaga sa kanya ng lahat ng Italian doon, hindi dahil inobliga sila—kundi dahil gusto nila. Mahirap magsimulang muli, ngunit talagang malaki ang magagawa ng kabaitan ng ibang tao para rito. Nagdulot ng pangmatagalang epekto ang karanasang ito kina Els at Fode.

Sumali sa lumalaking komunidad na walang pag-aatubiling nagbabahagi sa mga panahon ng pangangailangan.

Tungkol sa Refugees Welcome Italia

Refugees Welcome Italia (RWI) na nakikipagtulungan sa programang Open Homes ng Airbnb. Itinatag ang RWI noong Disyembre 2015 bilang bahagi ng internasyonal na network ng Refugees Welcome para ikonekta ang mga refugee sa mga tao sa lokalidad (mga pamilya, may karelasyon, single) na gustong i-host sila nang panasamantala.

Maaaring nagbago ang impormasyong nakasaad sa artikulong ito mula noong na-publish ito.