Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Mga tip sa pagho-host ng mga bisitang may mga pangangailangan para sa accessibility

Tumanggap ng mas maraming bisita sa pamamagitan ng pagtatampok sa mga accessibility feature ng iyong property.
Ni Airbnb noong Abr 7, 2021
9 na minutong video
Na-update noong Dis 2, 2022

Maraming bisita sa Airbnb ang may mga partikular na pangangailangan para sa accessibility. Gumagamit minsan ng mga walker o wheelchair ang mga taong may limitadong mobility at gusto nilang malaman bago sila mag-book para sa kanilang biyahe kung magiging komportable sila sa iyong patuluyan.

Kapag naghahanap ang mga bisita, madalas silang gumamit ng mga filter para sa mga accessibility feature. Kaya naman kapag itinampok mo ang iniaalok ng iyong patuluyan, puwedeng lumabas ang iyong listing sa mas maraming resulta ng paghahanap at maaaring lumaki ang posibilidad na ma-book ito.

Mayroon na ngayong Kategoryang Iniangkop ang Airbnb na nagtatampok ng mga patuluyang nakumpirmang angkop para sa mga gumagamit ng wheelchair. Sa kategoryang ito, walang baitang ang mga daanan papunta sa mga pasukan at sa kahit man lang isang kuwarto at banyo. Tiyaking ilagay sa iyong listing ang anumang accessibility feature ng iyong patuluyan. Kung maging kwalipikado ang iyong patuluyan, puwede itong maitampok sa bagong kategorya na ito.

Tampok sa video sa itaas si Sophie Morgan, isang host sa telebisyon at tagapagtaguyod ng mga taong may kapansanan. Naging host siya sa Airbnb dahil gusto niyang tumanggap ng mga kapwa biyahero sa kanyang patuluyan na may espesyal na pagkakaayos. “Talagang nagsikap ako para maging accessible para sa akin ang tuluyan ko,” sabi niya. “Alam kong makakatulong din ito sa napakaraming tao, lalo na sa mga taong may mga kapansanan, kaya gusto ko talaga itong maipagamit.”

Batid ni Sophie na para sa mga taong may mga pangangailangan para sa accessibility, hindi madaling bumiyahe. Gayunpaman, nagsisikap siya para hindi iyon maging hadlang sa pagtuklas niya sa mundo. “Humigit-kumulang 19 na taon na akong gumagamit ng wheelchair,” sabi niya. “Hindi iniangkop para sa mga taong may mga kapansanan ang mundo pero 100% pa ring sulit ang pagbibiyahe sa kabila nito.”

Narito ang ilang tagubilin para sa pagbuo ng nakakaengganyong patuluyan na puwedeng i-book nang may kumpiyansa ng mga bisitang may mga pangangailangan para sa accessibility.

Magdagdag ng mga accessibility feature sa iyong listing

Narito ang ilang feature na puwedeng makatulong para mapansin ng mga bisita ang iyong patuluyan:

  • Accessible na paradahan
  • Maliliwanag na daanan papunta sa pasukan
  • Walang baitang na daanan papunta sa pasukan ng bisita
  • Walang baitang na pasukan ng bisita
  • Walang baitang na mga pasukan ng mga kuwarto
  • Mga pasukang mas malawak sa 32 pulgada/81.28 sentimetro
  • Walang baitang na shower
  • Mga hawakan sa toilet at/o shower
  • Upuan sa shower o paliguan
  • Mga ceiling o mobile hoist
  • Pool hoist

Matuto pa tungkol sa paglalagay ng mga accessibility feature sa iyong listing

Gumamit ng mga litrato para i-highlight ang accessibility ng iyong tuluyan

Sa video sa itaas, iminungkahi ni Sophie na maglagay ng “maraming litrato hangga't maaari” para matulungan ang mga potensyal na bisitang may mga pangangailangan para sa accessibility na malaman kung angkop sa kanila ang iyong patuluyan.

Para matiyak na naaangkop ang mga listing para sa mga bisitang may mga partikular na pangangailangan, inirerekomenda naming maglagay ang mga host ng mga caption sa kanilang mga litrato. Halimbawa, puwede kang maglagay ng caption sa litrato ng banyong may mga nakakabit na hawakan para ipaalam sa mga bisita na iyon lang ang accessible na banyo sa tuluyan.

Kumuha ng mga litrato mula sa iba't ibang anggulo para matulungan ang mga bisita na malaman kung matutugunan ng iyong patuluyan ang kanilang mga pangangailangan. Halimbawa, maglagay ng mga litrato ng accessible na paradahan para malinaw na maipaalam ang lokasyon nito kaugnay ng lokasyon ng iyong patuluyan.

Sinusuri ang lahat ng accessibility feature ayon sa mga tagubilin para sa mga litrato ng Airbnb bago idagdag ang mga ito sa iyong listing. Kung hindi malinaw ang feature sa iyong litrato, maaari naming hilinging mag-upload ka ng bagong litrato o alisin mo ang feature sa iyong listing.

Matuto pa tungkol sa pagkuha ng mga litrato ng mga accessibility feature

Paghahanda para sa iyong mga bisita

Kung may makipag-ugnayan na bisitang may mga pangangailangan para sa accessibility, puwede kang magtanong bago siya mag-book para matulungan mo siyang malaman kung naaangkop para sa kanya ang iyong patuluyan.

Puwedeng simulan ang usapan sa mga ganitong paraan:

  • May mga partikular na tanong ka ba tungkol sa tuluyan?
  • May magagawa ba ako para maging mas komportable ang iyong pamamalagi?

Bago dumating ang bisitang may mga pangangailangan para sa accessibility, isipin ang mga huling mainam na gawin para mas madali niyang magamit ang iyong patuluyan. Narito ang ilang ideya:

  • Pag-uusog ng mga muwebles, tulad ng mga upuan at mesa, para mapaluwag ang daanan sa mga ginagalawang espasyo
  • Pagpapadaling maabot ang mga saksakan
  • Paglalagay ng mga gamit sa bahay, tulad ng mga tuwalya at pinggan, kung saan mas madaling maaabot ang mga ito

Alamin kung paano gawing mas accessible ang iyong patuluyan

Gumawa ng ingklusibo at nakakaengganyong guidebook

Magagamit mo ang guidebook para magbigay sa mga bisita ng mga tip ng lokal na nagpapamalas sa hospitalidad na handog mo at ng iyong lungsod. Kapag nagdaragdag ng mga rekomendasyon para sa kainan, pamamasyal, at mga aktibidad sa labas, isaalang-alang ang mga bagay na maaaring mahalaga para sa mga biyaherong may mga pangangailangan para sa accessibility.

Halimbawa, pag-isipang tukuyin kung aling mga restawran ang may mga ramp, maglista ang mga walking trail na may mga sementadong daanan, at magbahagi ng impormasyon tungkol sa pampublikong transportasyon. Sundin ang mga tip na ito sa pagho-host mo para maging kaaya-aya ang iyong patuluyan para sa mas maraming tao.

Posibleng nagbago ang impormasyong nakasaad sa artikulong ito mula noong na-publish ito.
Airbnb
Abr 7, 2021
Nakatulong ba ito?