Ang dapat malaman ng mga Superhost tungkol sa Paborito ng bisita

Note ng editor: Na‑publish ang artikulong ito bilang bahagi ng Airbnb 2023 Release sa Nobyembre. Posibleng may nagbago nang impormasyon mula noong na‑publish ito. Matuto pa tungkol sa pinakabago naming release ng produkto.

Sa Airbnb, may mahigit 7 milyong tuluyan sa iba't ibang panig ng mundo. Pambihira ang bawat tuluyan, at espesyal ang Airbnb dahil sa pagiging natatangi na ito ng mga tuluyan. Pero sinabi sa amin ng mga bisita na dahil sobrang daming mapagpipilian, mahirap malaman kung ano ang makukuha nila. Ito ang dahilan kung bakit mas gustong mag-hotel ng maraming tao, at ito ang numero unong balakid sa pagbu-book nila sa Airbnb.

Isa sa pinakamagagandang paraan para makahanap ng naaangkop na lugar na matutuluyan ang pagtukoy kung aling mga tuluyan ang pinakagusto ng mga bisita. Kaya namin ginawa ang Mga Paborito ng Bisita.

Tumutukoy ang mga Paborito ng Bisita sa dalawang milyong pinakagustong tuluyan sa Airbnb ayon sa mga bisita.

Nakabatay ang mga Paborito ng Bisita sa mga rating, review, at datos sa pagiging maaasahan mula sa mahigit kalahating bilyong pamamalagi. Ina-update araw-araw ang mga Paborito ng Bisita kaya kung hindi man maisama roon ngayon ang listing mo, puwedeng malapit nang maisama iyon.

May iba't ibang salik na nakakatulong para matukoy ang mga Paborito ng Bisita, at kabilang sa mga ito ang:

• Kahit limang review man lang ng mga bisita
• Mga review na ubod ng ganda at rating na mahigit 4.9 stars sa average
• Matataas na score mula sa mga review ng bisita para sa pag-check in, kalinisan, katumpakan, pakikipag-ugnayan ng host, lokasyon, at pagiging sulit
• Napatunayan nang maaasahan batay sa wala pang 1% average na pagkansela ng host at isyu sa customer service na may kaugnayan sa kalidad

May mga Paborito ng Bisita sa iba't ibang panig ng mundo, at madaling mahanap ang mga iyon sa Airbnb.

May badge sa mga resulta ng paghahanap at sa page ng listing ang mga listing na Paborito ng Bisita. May bagong filter din na magagamit ng mga biyahero para partikular na maghanap ng mga Paborito ng Bisita. Kung kwalipikado ang listing ng host, may lalabas sa listing niya na badge na Paborito ng bisita.

Halos dalawa sa tatlong Paborito ng Bisita ang hino‑host ng mga Superhost na kinikilala dahil sa bukod‑tanging hospitalidad nila.

Hindi magbabago ang programang Superhost ng Airbnb. Walang magbabago sa mga pamantayan sa pagiging Superhost, at patuloy naming tatasahin ang performance ng Superhost kada tatlong buwan.

Kung isa kang Superhost na may listing na kasama sa mga Paborito ng Bisita, itatampok sa page ng listing mo ang parehong katayuan at lalabas sa mga resulta ng paghahanap ang listing mo nang may badge na Paborito ng bisita. Kung isa kang Superhost na may listing na hindi pa maituturing na Paborito ng Bisita, lalabas pa rin ang badge mo bilang Superhost sa page ng listing mo at sa mga resulta ng paghahanap.

Hiwa‑hiwalay na tatasahin ang bawat listing mo kapag inaalam kung dapat iyon bigyan ng badge na Paborito ng bisita.

Matuto pa tungkol sa mga Paborito ng Bisita sa webinar na gaganapin sa Disyembre at magtatagal nang isang oras.

Tatalakayin namin ang mga paraan para mamukod‑tangi sa mga resulta ng paghahanap sa Airbnb, kabilang ang:

• Mga kagandahan ng pagiging Superhost
• Buod ng mga Paborito ng Bisita
• Kahalagahan sa mga bisita ng kalinisan, katumpakan, lokasyon, at pagiging sulit

Magbabahagi rin ng kaalaman ang isang Superhost na may mga listing na Paborito ng bisita.

Magparehistro sa ibaba para sa isa sa mga session na ito:

• Disyembre 12 nang 9:00 AM PST
• Disyembre 12 nang 5:00 PM PST
• Disyembre 13 nang 11:00 AM PST
• Disyembre 13 nang 4:00 PM PST

Magbibigay ng live na pagsasalin sa Dutch, French, German, Italian, Japanese, Korean, Mandarin, Portuguese, at Spanish.