Ipinakikilala ang tab na Mga Listing

Kasama sa pinakamahahalagang bahagi ng pagho‑host ang pangangasiwa ng listing dahil doon nalalaman ng mga bisita ang mga detalye ng patuluyan mo. Napansin naming puwedeng makatanggap ang mga mas detalyadong listing ng hanggang 20% mas maraming booking. Pero maraming listing ang hindi naglalaman ng mga detalyeng mahalaga para sa mga bisita dahil masyadong mahirap idagdag ang mga iyon.

Kaya naman ipinakikilala namin ang tab na Mga Listing kung saan may hanay ng mga bagong tool na magagamit mo para madali mong mapamahalaan ang iyong listing at maisaad ang mga detalye ng patuluyan mo.

Narito ang mga pangunahing feature ng bagong tab na Mga Listing:

• Pinapadali ng pang‑edit ng listing ang pagdaragdag ng mga detalye tungkol sa listing mo, kabilang ang mga amenidad, kaayusan sa pagtulog, at marami pang iba. Dahil sa inayos na interface, madali na ring mae‑edit ang impormasyon para sa pagdating na kailangan ng mga bisita bago mag‑check in.
• Sa photo tour na hatid ng AI, mabilisan kang makakagawa ng photo tour ng listing mo. Inaayos nito ang mga litrato ayon sa kuwarto para mabigyan ng ideya ang mga bisita tungkol sa layout ng patuluyan mo. Puwede mong i‑edit anumang oras ang photo tour mo at makakapagdagdag ka ng mga amenidad sa bawat kuwarto.
• Sa pag‑uugnay ng smart lock, makakapag‑ugnay ka sa Airbnb account mo ng mga compatible na smart lock at awtomatiko kang makakagawa ng natatanging code para sa bawat reserbasyon.

I‑tap ang tab na Mga Listing na nasa gitna ng navigation bar. Nasa pang‑edit ng listing ka na. Sa inayos na tool na ito, madali ka nang makakapagdagdag ng impormasyon sa listing mo, at nagbibigay rin ito ng mga tip tungkol sa pinakamagagandang paraan para isaad ang mga detalye.

May dalawang seksyon ang pang‑edit ng listing:

• Sa Ang patuluyan mo, mapapangasiwaan mo ang page ng listing mo at makakapagdagdag ka rin ng mga detalye tungkol sa iyong patuluyan.

• Sa Gabay sa pagdating, maidaragdag mo ang mga detalyeng kailangan ng mga bisita bago sila mag‑check in.

Dito mo idaragdag ang mga detalye ng patuluyan mo, gaya ng pamagat ng listing, paglalarawan ng listing, at mga amenidad.

Pagdaragdag ng mga amenidad
Mas madali na ngayong magdagdag ng mga amenidad sa listing mo. Pumunta sa Mga amenidad at i‑tap ang plus sign. Masusuri mo ang halos 150 amenidad ayon sa alpabeto o kategorya, kabilang ang Panlibangan, Pampamilya, at Panlabas. Puwede ka ring maghanap ng amenidad ayon sa pangalan para hindi ka na mag‑scroll. Piliin ang Idagdag sa tabi ng anumang feature ng patuluyan mo.

Paggawa ng photo tour
Kabilang sa pinakamahahalagang bahagi ng magandang listing ang mga de‑kalidad na litrato. Nakukuha ng mga iyon ang pansin ng mga bisita at nakakahikayat ang mga iyon ng mga nagbu‑book.

Puwede mong gamitin ang bagong photo tour na hatid ng AI para mabilisang gumawa ng photo tour gamit ang mga litrato ng listing mo para mabigyan ang mga bisita ng ideya tungkol sa layout ng patuluyan mo. Kailangan mo lang i‑tap ang Gumawa ng photo tour. Tapos na.

Tinutukoy ng iniangkop na AI engine ang mga litrato ng loob at labas at awtomatiko nitong itinatalaga ang bawat larawan sa isa sa 19 na uri ng kuwarto at bahagi ng tuluyan.

Sunod, puwede kang magdagdag ng detalye sa bawat kuwarto. Halimbawa, puwede mong idagdag na may king‑size na higaan sa kuwarto o may TV sa sala. Puwede ka ring magsama ng impormasyon tungkol sa mga accessibility feature ayon sa mga alituntuning ito.

Mae‑edit mo anumang oras ang photo tour mo sa pamamagitan ng pag‑aalis, paglilipat, o pagdaragdag ng mga litrato. Kapag tapos ka nang mag‑edit, i‑tap ang button na I‑preview para i‑preview ang listing mo.

Dito mo idaragdag ang mga detalyeng kailangan ng mga bisita pagkatapos nilang mag‑book at bago sila dumating, gaya ng oras ng pag‑check in at anumang tagubilin sa pagparada o espesyal na direksyon. At sa unang pagkakataon, mapi‑preview mo kung paano mismo lalabas para sa mga bisita ang isinaad mong impormasyon para sa pagdating nila. I‑tap lang ang button na I‑preview.

Pagbibigay ng mga detalye ng pag‑check in
Sa Gabay sa Pagdating, madali kang makakapagbahagi ng mga detalye ng pag‑check in sa mga bisita pagkatapos nilang mag‑book. Maitatakda at maisasaayos mo ang paraan at oras ng pag‑check in, mga direksyon, manwal ng tuluyan, password ng wifi, at marami pang iba sa iisang lugar lang.

Pag‑uugnay ng smart lock mo
Malapit ka nang makapag‑ugnay ng smart lock sa Airbnb account mo at awtomatikong makagawa ng natatanging door code para sa bawat reserbasyon. Hindi na kailangang mano‑manong palitan ang code pagkatapos ng bawat booking.

Mahahanap ng mga bisita ang code sa mga detalye ng reserbasyon nila sa Airbnb, pati ang mga detalye kung paano iyon ilalagay. Matatanggap din nila ang door code nila sa email pagkatapos mismo nilang mag‑book, at makakatanggap sila ng notipikasyon kapag oras nang mag‑check in. Magagamit lang ang bawat code sa panahon ng pamamalagi ng bisita. Mag‑e‑expire ang mga code 30 minuto pagkalipas ng takdang pag‑check out maliban na lang kung mano‑mano mong isasaayos ang iskedyul para sa mga bisita mo.

Sisimulang ilunsad ang pag‑uugnay ng smart lock sa unang bahagi ng 2024 para sa mga host na may mga listing sa US at Canada at may mga partikular na lock mula sa Schlage. Kapag available na ito sa lokasyon mo, mahahanap mo ito sa Paraan ng pag‑check in. Sundin lang ang mga tagubilin para sa pag‑uugnay ng smart lock ng patuluyan mo sa iyong listing sa Airbnb.

Bahagi ng Airbnb 2023 Release sa Nobyembre ang tab na Mga Listing. Kasalukuyang available ito sa mga host na may anim na listing o mas kaunti pa. Sumali sa Maagang Access para magamit na ngayon pa lang ang mga bagong feature.

Posibleng nagbago ang impormasyong nakasaad sa artikulong ito mula noong na‑publish ito.