Angkop ba para sa Airbnb ang patuluyan ko?

Mayroon ka mang eleganteng apartment, cabin sa probinsya, o ekstrang kuwarto sa bahay, malamang na may bisitang iyon mismo ang hinahanap. Mahalagang gawing komportable ang tuluyan at linawin ang mga dapat asahan.

Milyon-milyong bisita ang naghahanap ng lugar na matutuluyan sa Airbnb araw-araw. Nagpaplano sila ng bakasyon ng pamilya, business trip, bakasyon sa weekend, o kaya ay pansamantalang malilipatan. Magkakaiba sila ng badyet at preperensya.

Hindi mo kailangan ng hiwalay na property para magtagumpay. Puwede mong ipagamit ang pangunahin mong tuluyan habang wala ka o ang ekstrang kuwarto kung hindi ka bibiyahe. Mag‑list ng mahigit 30 uri ng property, kabilang ang mga apartment, bukid, bahay, munting bahay, at yurt. 

Puwede kang mag‑list ng: 

• Buong lugar. Solo ng mga bisita ang buong lugar.
• Kuwarto. May sariling kuwarto ang mga bisita at puwede sila sa mga pinaghahatiang lugar.

Bago magsimulang mag-host, mahalagang maintindihan ang regulasyon sa mga panandaliang matutuluyan sa lugar mo. Posibleng makaapekto ang mga lokal na alituntunin kung makakapag-host ka o hindi, kung anong uri ng permit ang kailangan, at kung anong mga buwis ang nalalapat. Nagbibigay ng kumpletong proteksyon ang AirCover para sa mga Host sa tuwing magho-host ka sa Airbnb.

Para makapagsimula, dapat kang gumawa ng listing. Kasama rito ang lahat ng kailangang malaman ng mga bisita tungkol sa tuluyan mo. Kapag magaganda ang litrato at tumpak ang paglalarawan, makakampante ang mga bisita na i-book ang patuluyan mo. 

• Isaalang‑alang ang mga amenidad. Kasama sa mga pinakamadalas hanaping amenidad ang WiFi, washer, libreng paradahan, kusina, at aircon. Hindi mo kailangan ang lahat ng ito, pero matutulungan mo ang mga bisita na mahanap ang listing mo kung isasaad mo kung ano ang mayroon ka.
• Magtakda ng mga dapat asahan. Maging malinaw tungkol sa iniaalok mo para makahanap ng mga naaangkop na bisita para sa patuluyan mo. Kung komportable pero maliit ang patuluyan mo, sabihin ito. Natutuwa ang mga bisita kapag alam nila ang dapat asahan.
• Itampok ang tuluyan mo. Kumuha ng mga litrato mula sa iba't ibang anggulo at itampok kung bakit ito natatangi.
• Magtakda ng sulit na presyo. Matutulungan ka ng mga tool ng Airbnb na makaengganyo ng mga bisita at maabot ang target mong kita.

Puwede kang makakuha ng patnubay mula sa Superhost Ambassador, o maghanap ng co-host na tutulong sa iyo sa lahat ng bagay mula sa pag-set up ng listing hanggang sa pagho-host ng tuluyan.

May komunidad na handang sumuporta sa iyo. Pumunta sa Community Center para makipagkilala sa mga host sa iba't ibang panig ng mundo, at sumali sa Host Club para makipag-ugnayan sa mga lokal na host pagkatapos mong i-publish ang listing.

Posibleng nagbago na ang impormasyong nakasaad sa artikulong ito mula noong na-publish ito.