Paano magsimula sa Airbnb

Madali lang i‑list ang patuluyan mo sa Airbnb. Mag‑set up ng listing sa ilang hakbang lang, i‑update ito anumang oras, at ihanda ang patuluyan nang hindi kailangang magmadali.

Gagabayan ka ng Airbnb sa buong proseso.

• Magsabi sa amin tungkol sa patuluyan mo. Ilagay ang uri ng property, lokasyon, bilang ng kuwarto at banyo, at ilang bisita ang maho-host mo.
• Gawing bukod-tangi ang listing. Mag-upload ng magagandang litrato, magsulat ng pamagat at paglalarawang magsasaad kung ano ang natatangi sa patuluyan, at piliin ang mga amenidad na iniaalok mo.
• Tapusin at i-publish. Itakda ang presyo sa weekday at sa weekend. Magpasya kung magdaragdag ng promo para sa bagong listing para mahikayat ang mga unang bisita at makakuha ng mga review.

Mas makikita ng mga bisita ang sarili nila sa tuluyan mo kapag magaganda ang litrato. Mas marami ring makakakita sa listing mo sa mga resulta ng paghahanap. 

• Maglinis. Gusto ng mga bisita ang mga kuwartong maayos at walang kalat. Kunan ng litrato ang patuluyan sa anggulong makikita ito nang buo.
• Hanapin ang pinakamagandang liwanag. Kaaya-ayang tingnan ang litrato kapag banayad at natural ang liwanag. 
• Kumuha ng propesyonal na photographer. Available ang Airbnb pro photography sa mga piling lungsod sa iba't ibang panig ng mundo. Lumaki nang 21% ang kita ng mga host na gumamit ng Airbnb pro photography noong nakalipas na taon kumpara sa mga hindi gumamit nito.* 

Mamumukod-tangi ang listing at makakahikayat ka ng booking kapag nagtakda ka ng sulit na presyo. Ikaw ang bahala sa presyo kada gabi. Puwede mo itong i-adjust kahit kailan. 

• Alamin ang mga tip sa presyo. Makakakita ka ng iminumungkahing presyo batay sa lokasyon mo, mga amenidad, at katulad na listing sa malapit. Puwede mo itong gamiting batayan o puwede kang magtakda ng sarili mong presyo. 
• Tumingin ng mga katulad na listing. Kapag na-publish mo na ang listing, mag-aalok ang Airbnb ng mga tool para madaling maghambing ng mga katulad na listing sa lugar. 
• Piliin kung paano ka mababayaran. Naniningil ng bayad ang Airbnb mula sa mga bisita bago mag-check in at karaniwang ipinapadala ang payout sa loob ng humigit-kumulang 24 na oras pagkatapos ng nakaiskedyul na pagdating ng bawat bisita. Piliin ang gusto mong paraan ng payout. Magkakaiba ito depende sa lokasyon at puwede mong baguhin anumang oras.

Sa mga munting pag-aasikaso, mas mararamdaman ng mga bisita ang pagtanggap sa kanila. 

• Mag-stock ng mga pangunahing kailangan. Magbigay ng mga bagong linen, tuwalya, toilet paper, sabon, at shampoo.
• Pasimplehin ang pag-check in. Puwede kang mag-install ng smart lock o maglagay ng malinaw na karatula para masigurong madaling makakapasok ang mga bisita. 
• Magtakda ng routine sa paglilinis. Magpasya kung ikaw ang maglilinis o kukuha ka ng propesyonal na tagalinis. Isa sa pinakamahahalagang salik sa mga review ng bisita ang kalinisan.
• Itabi ang mahahalagang gamit. Para sa kaligtasan, itago ang mga alahas, pasaporte, at iba mo pang personal na gamit sa nakakandadong aparador, o kaya ay huwag itong iwan sa patuluyan.

*Kinalkula ang halagang ito batay sa pagkakaiba ng kita ng host sa USD sa mga listing ng tuluyan na gumamit ng Airbnb Professional Photography sa mahigit 14,700 listing sa iba't ibang panig ng mundo sa loob ng mahigit 1 taon mula 2024 hanggang 2025, kumpara sa mga hindi gumamit nito.

Posibleng nagbago na ang impormasyong nakasaad sa artikulong ito mula noong na-publish ito.