Ang proseso ng AirCover para sa mga Host

Nagbibigay ang AirCover para sa mga Host ng proteksyon sa tuwing magpapatuloy ka ng mga bisita. Kasama rito ang pagberipika sa pagkakakilanlan ng bisita, pagsusuri sa reserbasyon, USD1 milyong insurance sa pananagutan para sa host, at USD3 milyong proteksyon sa pinsala para sa host na sumasaklaw sa mahahalagang gamit mo, mga nakaparadang kotse, at mga bangka sa property mo.

Nakasalalay sa pagtitiwala ang ating komunidad. Kaya naman dapat tapusin ng lahat ng nagbu‑book na bisita ang aming proseso ng pagberipika sa pagkakakilanlan. Sa pagberipika ng pagkakakilanlan ng bisita, nagsusuri kami ng partikular na personal na impormasyon tulad ng legal na pangalan, address, numero ng telepono, o iba pang detalye sa pakikipag‑ugnayan niya.

Kapag naberipika na ang bisita, makakakuha siya ng badge ng beripikadong pagkakakilanlan. Lumalabas ito bilang pulang badge na may checkmark sa tabi ng litrato sa profile niya. Bukod pa rito, puwede kaming magsagawa ng background check sa mga bisita sa US.

Alamin ang higit pang detalye tungkol sa pagberipika sa pagkakakilanlan ng bisita.

Ipinagbabawal ng Patakaran para sa Kaguluhan sa Komunidad ang mga hindi pinayagan at mapang‑abalang party. Gumagamit kami ng teknolohiya para sa pagsusuri ng reserbasyon para ipatupad ang patakarang iyon at mapaliit ang posibilidad na magkaroon ng mga mapang‑abalang party.

Sinusuri ng system ang iba't ibang salik para tukuyin kung dapat i‑block ang booking. Kasama sa mga ito ang uri ng listing na binu‑book, tagal ng pamamalagi, layo ng listing sa lokasyon ng bisita, at kung pahabol na ginawa ang pag‑book, bukod pa sa ibang senyales.

Alamin pa ang mga detalye tungkol sa teknolohiya para sa pagsusuri ng reserbasyon.

Kasama sa proteksyon sa pinsala para sa host, na bahagi ng AirCover para sa mga Host, ang mga proteksyong ito sakaling hindi bayaran ng bisita ang pinsalang idinulot niya sa property o mga pag‑aari mo habang namamalagi sa patuluyan mo.

• USD3 milyong proteksyon sa pinsala: Kabilang dito ang tuluyan mo at ang mga nasa loob nito.
• Proteksyon para sa mga obra ng sining at mahalagang gamit: Nagbibigay kami ng proteksyon para sa mahusay na sining, alahas, at mga koleksyon. Puwedeng magbalik ng nagastos kung napinsala ang mga ito.
• Proteksyon para sa sasakyan at bangka: Magbibigay kami ng proteksyon sa pinsala para sa mga kotse, bangka, at iba pang sasakyang pantubig na nakaparada o nakatago sa property mo.
• Proteksyon sa pinsalang dulot ng alagang hayop: Babayaran namin ang pinsalang dulot ng mga alagang hayop ng mga bisita.
• Masusing paglilinis: Ibabalik namin ang nagastos sa mga karagdagang serbisyo sa paglilinis na kinailangan para magtanggal ng mga mantsa at amoy ng sigarilyo.
• Proteksyon sa pagkawala ng kita: Ibabalik namin ang nawala mong kita kung magkansela ka ng mga nakumpirmang booking sa Airbnb dahil sa pinsalang dulot ng bisita.

Alamin ang higit pang detalye tungkol sa proteksyon sa pinsala para sa host.

Kung mapinsala ng bisita ang patuluyan o mga pag‑aari mo, puwede mong (o ng co-host na may access sa lahat ng pahintulot at kumikilos sa ngalan mo) puntahan ang aming Resolution Center para magsumite ng kahilingan para sa pagbabalik ng nagastos at subaybayan ang proseso mula sa pagsusumite hanggang sa pagpapadala ng payout. 

Ipapadala muna sa bisita ang kahilingan mo. Kung hindi tutugon o magbabayad ang bisita sa loob ng 24 na oras, makakahingi ka ng tulong sa Airbnb. 

Sa insurance sa pananagutan para sa host, na bahagi ng AirCover, may USD1 milyong pagsaklaw ang mga host sa bihirang pagkakataon na masaktan ang bisita o mapinsala o manakaw ang kanyang pag-aari habang namamalagi siya sa patuluyan mo. Saklaw nito ang mga taong tumutulong sa iyong mag‑host, gaya ng mga co‑host at tagalinis.

Saklaw ka ng insurance sa pananagutan para sa host kung mapag‑alamang may pananagutan ka ayon sa batas sa:

• Pinsala sa katawan na natamo ng bisita (o iba pa).
• Pinsala o pagkakanakaw sa mga pag-aari ng bisita (o iba pa).
• Pinsalang dulot ng bisita (o iba pa) sa mga common area, gaya ng mga lobby ng gusali at kalapit na property.

Gamitin ang form ng paggamit para sa insurance sa pananagutan para maghain ng paghahabol. Ipapadala namin ang isasaad mong impormasyon sa pinagkakatiwalaan naming third‑party na tagapagbigay ng insurance na siyang magtatalaga ng kinatawan para sa paghahabol mo. Reresolbahin niya ang paghahabol mo ayon sa mga tuntunin ng polisa ng insurance.

Alamin pa ang mga detalye tungkol sa insurance sa pananagutan para sa host.

Katulad ng pagkakasaklaw sa iyo ng insurance sa pananagutan para sa host sa pamamagitan ng AirCover para sa mga Host, saklaw ang mga host ng serbisyo ng insurance sa pananagutan para sa mga experience at serbisyo ng Airbnb. Kinakailangan ng lahat ng host ng serbisyo na magpanatili ng insurance sa pananagutan na naaangkop sa negosyo nila habang nagbibigay ng serbisyo.

Kapag sa patuluyan mo gagawin ang serbisyo, malalapat ang insurance sa pananagutan para sa mga experience at serbisyo kung mapipinsala ng host ng serbisyo ang patuluyan o mga pag‑aari mo.

Alamin ang higit pang detalye tungkol sa insurance sa pananagutan para sa mga experience at serbisyo.

Hindi saklaw ng proteksyon sa pinsala para sa host, insurance sa pananagutan para sa host, at insurance sa pananagutan para sa mga experience at serbisyo ng AirCover para sa mga Host ang mga host na nag‑aalok ng mga tuluyan o experience sa Japan, kung saan nalalapat ang insurance para sa host sa Japan at insurance sa experience sa Japan, o ang mga host na nag‑aalok ng mga matutuluyan sa pamamagitan ng Airbnb Travel LLC. Nakasaad sa USD ang lahat ng limitasyon sa pagsaklaw.

Third‑party ang nagbibigay ng insurance sa pananagutan para sa host at insurance sa pananagutan para sa mga experience at serbisyo. 

Kung host ka ng tuluyan, experience, o serbisyo sa UK, sineseguro ng Zurich Insurance Company Ltd. at isinasaayos at pinagpapasyahan ng Airbnb UK Services Limited ang mga polisa ng insurance sa pananagutan para sa host at insurance sa pananagutan para sa mga experience at serbisyo nang walang karagdagang babayaran ang mga host sa UK. Itinalagang kinatawan ang Airbnb UK Services Limited ng Aon UK Limited na pinapahintulutan at pinapangasiwaan naman ng Financial Conduct Authority. Ang numero ng pagpaparehistro ng Aon sa FCA ay 310451. Makukumpirma mo ito kapag pumunta ka sa Financial Services Register o tumawag ka sa FCA sa 0800 111 6768. Pinapangasiwaan ng Financial Conduct Authority ang mga polisa ng insurance sa pananagutan para sa host at insurance sa pananagutan para sa mga experience at serbisyo na bahagi ng AirCover para sa mga Host. Hindi pinapangasiwaang produkto na isinasaayos ng Airbnb UK Services Limited, FPAFF609LC ang iba pang produkto at serbisyo.

Kung nagho-host ka ng mga tuluyan, experience, o serbisyo sa European Economic Area (EEA), sineseguro ng sangay sa Spain ng Zurich Insurance Europe AG ang mga polisa ng insurance sa pananagutan para sa host at insurance sa pananagutan para sa mga experience at serbisyo, at isinasaayos at pinagpapasyahan ito ng Airbnb Spain Insurance Agency S.L.U. (ASIASL) nang walang karagdagang babayaran para sa kapakanan ng mga host sa EEA. Isang hindi eksklusibong ahensya ng insurance ang ASIASL na pinapangasiwaan ng Directorate General for Insurance Pension and Funds (DGSFP) at nakarehistro ito sa Spain sa ilalim ng numerong AJ0364 sa Rehistro ng mga Distributor ng Insurance ng DGSFP. Puwede mong beripikahin ang pagpaparehistrong ito sa pamamagitan ng pagbisita sa Rehistro ng mga Distributor ng Insurance ng DGSFP, at puwede mong i-access ang kumpletong detalye ng ASIASL dito.

Hindi insurance at hindi nauugnay sa insurance sa pananagutan para sa host ang proteksyon sa pinsala para sa host. Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa kontrata sa ilalim ng proteksyon sa pinsala para sa host. Para sa mga host na hindi sa Australia nakatira o nagnenegosyo, nalalapat ang Mga Tuntunin ng Proteksyon sa Pinsala para sa Host na ito. Para sa mga host na sa Australia nakatira o nagnenegosyo, nakadepende ang proteksyon sa pinsala para sa host sa Mga Tuntunin ng Proteksyon sa Pinsala para sa Host para sa mga User sa Australia.

Posibleng nagbago na ang impormasyong nakasaad sa artikulong ito mula noong na‑publish ito.