I-automate ang iyong mga pakikipag-ugnayan sa pamamagitan ng mga update na ito para sa inbox

Pinaganda na ang inbox ng host para makatipid ka ng oras. Mas mabilis na ito nang sampung beses at mayroon itong mga na-update na feature na gaya ng pagpapadala ng mga nakaiskedyul na mensahe at iniangkop na mabilisang tugon, pati na ng paghahanap at pag-filter. Idinisenyo ang lahat ng ito para mas mapadali ang pakikipag-ugnayan mo sa mga bisita.

Narito kung paano ka namin tinutulungang mas madaling makipag-ugnayan sa mga bisita:

Gumaganda ang karanasan ng bisita kapag maagap ang pagtugon sa kanila.

Puwede kang gumamit ng mga nakaiskedyul na mensahe para awtomatikong padalhan ng impormasyon ang mga bisita sa mahahalagang sandali, gaya sa pagbu-book, pag-check in, o pag-check out.

Nagdagdag din kami ng mga iniangkop na shortcode na awtomatikong naglalagay ng mga detalye, gaya ng pangalan ng bisita at petsa ng pag-check in. Ibig sabihin, puwede ka nang mag-iskedyul ng mensahe na hindi na lang basta “Salamat sa pagbu-book!” kundi “Salamat sa pagbu-book, Anna!” na nang walang kahirap-hirap.

Mag-set up ng mga nakaiskedyul na mensahe

Napakadalas itanong ng mga bisita ang mga gaya ng “Puwede ko bang malaman kung paano pumunta sa patuluyan mo?” at “Ano ang password ng wifi?”

Kaya naman ginawa namin ang mga mabilisang tugon na magpapabilis at magpapadali sa pagsagot sa mga madalas itanong. Piliin lang ang nakasulat mo nang mensahe at ipadala iyon. Gaya ng mga nakaiskedyul na mensahe, may mga shortcode na ang mga mabilisang tugon para maiangkop mo ang mga iyon sa tuwing magpapadala ka ng mensahe.

“Dahil sa mga mabilisang tugon, nakakagawa ako ng mensaheng nasiguro nang walang mali, talagang malinaw, at, kung naaangkop, partikular na nagsasaalang-alang sa mga pangangailangan ng mga bisita,” sabi ni Sally na host sa Snoqualmie, Washington.

Gumawa ng mga mabilisang tugon

Mas madali nang magagamit ang inbox dahil sa mga feature na maghanap at mag-filter na nagpapadali sa paghahanap ng mensahe kapag kailangan mo iyon.

Maghanap

Mas madali ka nang makakapaghanap sa inbox ayon sa pangalan ng bisita, code ng kumpirmasyon, o keyword. Para maghanap gamit ang keyword, ilagay lang iyon sa search bar at maghahanap sa mga mensahe ang inbox habang nagta-type ka sa pamamagitan ng mahusay na panghuhula nito. (Tandaan: Kailangang wasto ang pagbabaybay sa keyword para mahanap ng inbox ang tamang mensahe.)

Mag-ayos

Puwede mo ring ayusin ang mensahe para matulungan kang mas mahusay na magsapriyoridad ng mga thread at mapagtuunan ang pinakamahahalagang isyu muna. Markahan lang ang mga mensahe bilang di pa nababasa o kaya ay lagyan ng star o i-archive ang mga iyon.

Mag-filter

Kapag namarkahan na bilang di pa nababasa o nalagyan na ng star ang mga mensahe mo, madali mong mafi-filter ang mga iyon at mahahanap ang kailangan mong mensahe. Gamit ang icon ng filter sa kanang bahagi ng search bar, makakapag-filter ka ayon sa uri ng mensahe at/o yugto ng biyahe. Sa pamamagitan ng filter para sa nilagyan ng star, makakatuon ka sa mga mensaheng minarkahan mo bilang mahalaga. Sa filter naman para sa di pa nababasa, ang mga mensaheng di pa nababasa o minarkahan mong di pa nababasa lang ang lalabas.

Puwede ka ring mag-filter ayon sa listing (kung may mahigit isa ka) at yugto ng biyahe, gaya ng:

• Mga pagtatanong o kahilingan
• Kailangang suriin
• Pag-check in o pag-check out
• Bago ang biyahe, sa panahon nito, o pagkatapos nito

Gamit ang inbox kung saan puwedeng mag-filter at maghanap, mas madali mong matutunton at masasagot ang mga mensahe at makakaugnayan ang mga bisita.