I‑explore ang mga bagong tool para sa serbisyo

Maiaalok mo na ang serbisyo mo sa milyon‑milyong tao sa Airbnb. Sa tulong ng mahuhusay na tool sa pagho‑host, mapapadali mo ang pag‑iiskedyul, makakahikayat ka ng mga nagbu‑book, makakapagpadala ka ng mensahe sa mga bisita, mauunawaan mo ang mga kinikita, at makakakuha ka ng mga insight tungkol sa mga rating at review.

Nakaayos sa limang tab na ito ang mga tool kapag naka‑log in ka bilang host.

Ang tab na Ngayong Araw ang bubungad sa iyo pagkabukas mo ng app. Mabilis mong masisilip ang mga detalye ng reserbasyon para makatulong sa pagpaplano ng araw mo at pagbibigay ng natatanging hospitalidad.

• Madaling magpalipat‑lipat sa view ng mga kasalukuyan at nalalapit na reserbasyon at mag‑filter ayon sa iniaalok.
• Maglagay ng mga note para sa sarili mo sa mga reserbasyon, tulad ng mga paalala tungkol sa mga espesyal na okasyon o kahilingan.
• Makakuha ng mga tip sa dapat gawin para sa bawat reserbasyon, tulad ng pagbabasa ng mga review at pagpapasalamat sa mga bisita.

Sa tulong ng Kalendaryo, madali mong masusuri at maa‑update ang iskedyul mo nang paisa‑isang oras.

• Magdagdag ng availability para sa mga iniaalok mo at i‑block ang mga oras na busy ka.
• Tingnan ang mga nakumpirmang booking at bakante pang slot.
• I‑sync ang kalendaryo mo sa Airbnb at ang Google Calendar mo para masubaybayan ang lahat sa iisang lugar.

Puwedeng madaliang mag‑book ang mga bisita ng anumang bakanteng slot sa kalendaryo mo para sa mga serbisyo kaya mahalagang siguraduhing updated ang availability mo.

Tinutulungan ka ng tab na Mga Listing na pangasiwaan ang mga detalye ng listing mo. Puwede kang magtakda ng presyo at maipapakita mo rin sa mga bisita ang iniaalok mong serbisyo.

• Mag‑list ng iba’t ibang iniaalok nang may panimula, karaniwan, at premium na presyo para mas maraming mapagpipilian ang mga bisita at matulungan kang maabot ang gusto mong kitain.
• Magdagdag ng mga diskuwento para sa limitadong panahon, maagang pagbu‑book, at malaking grupo para mahikayat ang mga bisita na mag‑book.
• Magdagdag sa listing ng mga litratong may mataas na kalidad para malinaw na maipakita ang iniaalok mong serbisyo at mahikayat ang mga bisita na mag‑book.
• Magtakda ng oras ng trabaho para ipaalam sa mga bisita kung kailan mismo available ang bawat iniaalok mo.

Dapat matugunan ng lahat ng host, litrato, at detalye ng listing ang mga pamantayan at rekisito para sa mga serbisyo sa Airbnb.

Tinutulungan ka ng tab na Mga Mensahe na makipag‑ugnayan sa mga bisita bago, habang, at pagkatapos ng serbisyo. Magpapadala ka ng mensahe sa nag‑book na bisita at sinumang yayayain niyang sumali sa reserbasyon.

• Alamin ang mga preperensya at inaasahan ng mga bisita bago ang takdang petsa para maiayon mo sa kanila ang iniaalok mong serbisyo.
• Gumawa ng iniangkop na alok at magtakda ng iniayong presyo.
• Magbahagi ng mga video o litrato para magpakilala at bigyan ang mga bisita ng mas malinaw na ideya tungkol sa iniaalok mo.
• Sagutin ang mga karaniwang tanong gamit ang mga naiaangkop at nakasulat nang mabilisang tugon, o gumawa ng mga template mo.
• Mag‑iskedyul ng mga mabilisang tugon para awtomatikong magpadala ng mga importanteng detalye sa mahahalagang sandali, halimbawa, pagkatapos mag‑book at isang araw bago ang serbisyo.
• Makipag‑ugnayan sa Airbnb Support o magpadala ng mensahe sa host kapag ginagamit mo ang app bilang bisita.

Sa Menu, maa‑access mo ang kita, mga insight, at iba pang setting. Makakakuha ka ng mga iniangkop na tip at higit pang sanggunian para makatulong na mapalago ang negosyong pagho‑host mo.

• Alamin ang kinita mo at gumawa ng mga iniangkop na ulat sa dashboard ng kita.
• Suriin ang lahat ng review at detalyadong rating mula sa mga bisita sa seksyon ng mga insight.
• Pangasiwaan ang mga setting ng account mo at makahanap ng mga sanggunian sa pagho‑host.

Posibleng nagbago na ang impormasyong nakasaad sa artikulong ito mula noong na‑publish ito.