Paano magtakda ng presyo sa Airbnb

Binibigyan ka ng Airbnb ng access sa mga tool sa pagho‑host at sa milyon‑milyong bisita para mas mapalago ang negosyo mo. Kontrolado mo palagi ang presyo at puwede mo iyong baguhin anumang oras.

Bilang matagal nang propesyonal sa larangan mo, nauunawaan mo ang kahalagahan ng pagbibigay ng mga de‑kalidad na serbisyo sa mga patok na presyo. Narito ang ilang salik na dapat isaalang‑alang kapag nagtatakda ng presyo sa Airbnb.

• Mga katulad na serbisyo: Mag‑browse sa Airbnb at iba pang platform para sa mga serbisyong tulad ng sa iyo para malaman kung magkano ang sinisingil ng ibang host.
• Panimulang pagpepresyo: Pag‑isipang magsimula sa mas mababang presyo para makahikayat ng mga una mong bisita sa Airbnb. Puwede kang gumawa ng mga pagbabago habang binubuo mo ang pangalan at reputasyon mo sa tulong ng mga positibong rating at review ng bisita.
• Bayarin sa Airbnb: Isaalang‑alang ang bayarin sa serbisyo na sinisingil ng Airbnb sa mga host para sa bawat booking na makikita mo kapag nagtakda ka ng presyo. Sa pamamagitan ng bayaring ito, nakakapagbigay kami ng mga tool sa pagho‑host, nakakapag‑alok kami ng 24/7 na customer service, at naaabot namin ang milyon‑milyong bisita sa pamamagitan ng Mga Serbisyo sa Airbnb.

Kapag nagtakda ka ng panimula, karaniwan, at premium na presyo sa mga idaragdag mong iniaalok, mas maraming mapagpipilian ang mga bisita at puwede itong makatulong na maabot mo ang gusto mong kitain.

Isinasaalang‑alang dapat sa presyo ang format, kung gaano kakomplikado, at kung gaano kanatatangi ang bawat iniaalok. Halimbawa, puwedeng mag‑alok ang photographer sa US ng kalahating oras na session na wala pang USD50, iniangkop na session sa pagkuha ng portrait na mula USD50 hanggang USD150, at pampamilyang session na lampas USD150.

Makikita ng mga bisitang naghahanap ng mga serbisyo sa Airbnb ang pinakamababang presyong iniaalok mo sa mga resulta ng paghahanap. Kapag may panimulang presyo para sa iniaalok, puwedeng makahikayat ng mga bagong bisita at makahatak ng interes sa iba mo pang iniaalok.

Puwede kang maningil ng presyo kada bisita o fixed na presyo. Malalapat ito sa lahat ng iniaalok mo.

• Presyo kada bisita: Kasama sa presyo para sa bawat tao ang lahat ng bayarin at tip. Puwede ka ring magtakda ng minimum na presyo kada booking. Tandaang posibleng makahikayat ng mas maraming bisita at mapalaki ang kita kapag nagtakda ng mas mababang presyo. Halimbawa, sa US, nag‑book ang 4 na bisita sa halagang USD60 kada isa na may kabuuang USD240, habang nag‑book naman ang 8 bisita sa halagang USD45 kada isa na may kabuuang USD360.
• Fixed na presyo: Kasama sa kabuuang presyo ang lahat ng bayarin at tip para sa kahit ilang bisita, hanggang sa maximum na itinakda mo para sa iniaalok.

Isang magandang paraan para mapanatiling patok ang presyo mo ang pag‑aalok ng mga diskuwento sa iba't ibang uri ng booking.

• Limitadong panahon: Mag‑alok ng 5% hanggang 50% diskuwento sa presyo mo sa loob ng 30 araw para mahikayat na mag‑book ang mga una mong bisita.
• Maagang pagbu‑book: Magbigay ng 20% diskuwento sa mga bisitang magbu‑book nang mahigit 2 linggo bago ang takdang petsa para mahikayat ang mga bisitang nagpaplano nang maaga.
• Malaking grupo: Magdagdag ng panggrupong diskuwento para mas mabilis na maabot ang maximum mong kapasidad.

Ilalapat ang mga diskuwento sa tuwing may bisitang magbu‑book ng serbisyo. Kapag nagdagdag ka ng higit sa isa, makukuha ng bisita ang diskuwentong may pinakamalaki siyang matititpid. Hindi siya makakakuha ng maraming diskuwento sa iisang reserbasyon.

Kailangang matugunan ng lahat ng host, litrato, at detalye ng listing ang mga pamantayan at kinakailangan para sa Mga Serbisyo sa Airbnb.

Posibleng nagbago na ang impormasyong nakasaad sa artikulong ito mula noong na‑publish ito.